రూ.7.88 లక్షలకు కొత్త వెర్నా, కానీ...

సాక్షి, న్యూఢిల్లీ : కొరియన్‌ కార్ల తయారీ సంస్థ హ్యుందాయ్‌, ఎన్నో రోజుల నుంచి వేచిచూస్తున్న తన సీ-సెగ్మెంట్‌ సెడాన్‌ కొత్త వెర్నాను మార్కెట్‌లోకి లాంచ్‌ చేసింది. ఈ కారు బేస్‌ వేరియంట్‌ ధర రూ.7.99 లక్షలు. దీని టాప్‌ వేరియంట్‌ ధర రూ.12.1 లక్షల వరకు ఉంది. ఆశ్చర్యకరంగా ఈ ధరల్లో తొలి 20వేల కస్టమర్లకు మాత్రమే కొత్త వెర్నా అందుబాటులో ఉంటుంది. ఆ తర్వాత సమీక్షించిన ధరల ప్రకారం, ఈ కొత్త వెర్నా ధర పెరుగనుంది. 1.6 లీటరు పెట్రోల్‌, డీజిల్‌ మోటార్స్‌ను ఈ కొత్త వెర్నా కలిగి ఉంది. పెట్రోల్‌ ఇంజిన్‌ 123 బీహెచ్‌పీ, 151 ఎన్‌ఎం టర్క్‌ శక్తిని ఉత్పత్తి చేస్తుంది. డీజిల్‌ ఇంజిన్‌ 128బీహెచ్‌పీ, 260ఎన్‌ఎం టర్క్‌ను ప్రొడ్యూస్‌ చేస్తుంది.