నోకియా 6పై రెండోసారి ధర తగ్గింపు

నోకియా 6 3జీబీ ర్యామ్‌ వేరియంట్‌

నోకియా 6 స్మార్ట్‌ఫోన్‌ 3జీబీ ర్యామ్‌ వేరియంట్‌ ధర మరోసారి తగ్గింది. ఈ స్మార్ట్‌ఫోన్‌ ధరను హెచ్‌ఎండీ గ్లోబల్‌ రూ.12,999కు తగ్గించింది. గతేడాది జూన్‌లో లాంచ్‌ అయినప్పుడు ఈ ఫోన్‌ ధర 14,999 రూపాయలుగా ఉండేది. గత నెలలో దీని ధరను 1500 రూపాయలు తగ్గించి, 13,499 రూపాయలకు అందుబాటులోకి తెచ్చింది. ప్రస్తుతం అమెజాన్‌ ఇండియాలో దీని ధరను మరింత తగ్గించి రూ.12,999కు ఆఫర్‌ చేస్తోంది. ఈ కొత్త ధర నోకియా 6 3జీబీ ర్యామ్‌ వేరియంట్‌ సిల్వర్‌, మేట్‌ బ్లాక్‌ రంగుల ఆప్షన్లకు అందుబాటులో ఉంది. నోకియా 6(2018) స్మార్ట్‌ఫోన్‌ లాంచింగ్‌కు కొన్ని గంటల ముందు ఈ స్మార్ట్‌ఫోన్‌ ధరను హెచ్‌ఎండీ గ్లోబల్‌ తగ్గించింది. ఈ కొత్త ధరతో పాటు అమెజాన్‌ ఇండియాలో అందుబాటులో ఉన్న ఎక్స్చేంజ్‌ ఆఫర్‌తో నోకియా 6 స్మార్ట్‌ఫోన్‌ అత్యంత తక్కువగా రూ.9,915కే లభ్యమవుతోంది. నోకియా 6 3జీబీ ర్యామ్‌తో పాటు 4జీబీ ర్యామ్‌ వేరియంట్‌ కూడా ఫ్లిప్‌కార్ట్‌లో అందుబాటులో ఉంది. 16,999 రూపాయలుగా ఉన్న దీని ధరను, కంపెనీ ఏ మాత్రం మార్పు చేయలేదు. 

నోకియా 6 ఫీచర్లు
డ్యూయల్‌ సిమ్‌, ఆండ్రాయిడ్‌ 8.0 ఓరియా
5.5 అంగుళాల ఫుల్‌-హెచ్‌డీ డిస్‌ప్లే 
2.5డీ కర్వ్‌డ్‌ గొర్రిల్లా గ్లాస్‌ ప్రొటెక్షన్‌
ఆక్టా-కోర్‌ క్వాల్‌కామ్‌ స్నాప్‌డ్రాగన్‌ 430 ఎస్‌ఓసీ
16 మెగాపిక్సెల్‌ రియర్‌ కెమెరా సెన్సార్‌
8 మెగాపిక్సెల్‌ ఫ్రంట్‌ కెమెరా సెన్సార్‌
3జీబీ ర్యామ్‌, 32జీబీ ఆన్‌బోర్డ్‌ స్టోరేజ్‌
128జీబీ వరకు ఎక్స్‌పాండబుల్‌ మెమరీ
ఫ్రంట్‌ ఫేసింగ్‌ ఫింగర్‌ప్రింట్‌ సెన్సార్‌
3000 ఎంఏహెచ్‌ బ్యాటరీ