TV
శామ్‌సంగ్.. రెండు 4జీ స్మార్ట్‌ఫోన్లు
న్యూఢిల్లీ : ప్రముఖ మొబైల్ హ్యాండ్‌సెట్స్ తయారీ కంపెనీ శామ్‌సంగ్ ‘గెలాక్సీ జే5’, ‘గెలాక్సీ జే7’ అనే రెండు 4జీ స్మార్ట్‌ఫోన్లను మార్కెట్‌లో ఆవిష్కరించింది. వీటి ధరలు వరుసగా రూ.11,999, రూ. 14,999గా ఉన్నాయి. ‘గెలాక్సీ జే5’ స్మార్ట్‌ఫోన్‌లో 5 అంగుళాల తెర, 1.2 గిగాహెర్ట్జ్ క్వాడ్‌కోర్ ప్రాసెసర్, 8 జీబీ ఇంటర్నల్ మెమరీ,13 ఎంపీ రియర్ కెమెరా, 5 ఎంపీ ఫ్రంట్ కెమెరా, 2,600 ఎంఏహెచ్ బ్యాటరీ వంటి ప్రత్యేకతలు ఉన్నాయి. 5.5 అంగుళాల తెర, 1.5 గిగాహెర్ట్జ్ ఆక్టాకోర్ ప్రాసెసర్, 16 జీబీ ఇంటర్నల్ మెమరీ, 13 ఎంపీ రియర్ కెమెరా, 5 ఎంపీ ఫ్రంట్ కెమెరా, 3,000 ఎంఏహెచ్ బ్యాటరీ వంటి ప్రత్యేకతలు ‘గెలాక్సీ జే7’ స్మార్ట్‌ఫోన్ సొంతం. ఈ స్మార్ట్‌ఫోన్లు ఫ్లిప్‌కార్ట్‌లో మాత్రమే వినియోగదారులకు అందుబాటులో ఉండనున్నాయి. ఈ నెల 16న ప్రారంభమైన ఈ రెండు స్మార్ట్‌ఫోన్ల ప్రి-బుకింగ్ వినియోగదారులకు 22 వరకు అందుబాటులో ఉంటుంది.
