TV
ఉద్యోగులకు ఉత్తమ కంపెనీ టీసీఎస్
న్యూఢిల్లీ: ఉద్యోగులకిచ్చే జీతభత్యాలతో పాటు హెచ్‌ఆర్‌కు సంబంధించి 9 అంశాల్లో ప్రపంచంలోనే అత్యుత్తమ సంస్థగా టీసీఎస్ ఎంపికయింది. 1072 కంపెనీలను వడపోసి టీసీఎస్‌కు ‘గ్లోబల్ టాప్ ఎంప్లాయర్’ అవార్డును అందజేస్తున్నట్లు ఎంప్లాయర్స్ ఇన్‌స్టిట్యూట్ వెల్లడించింది. ఈ జాబితాలోని సీజేఎస్‌సీ టెక్‌నిప్, డీహెచ్‌ఎల్, డెమైన్షన్ డేటా, సెయింట్ గోబిన్, జేటీ ఇంటర్‌నేషనల్, మోబినిల్, మోబిస్టర్, ఆరెంజ్, వాలియో వంటి కంపెనీలతో పోటీ పడి టీసీఎస్ ఈ అవార్డును దక్కించుకుంది. కాగా టీసీఎస్ మరింత అభివృద్ధి సాధించడానికి ఇలాంటి అవార్డులు ఎంతగానో ఉపకరిస్తాయని కంపెనీ వైస్ ప్రెసిడెంట్ అజయ్ ముఖర్జీ చెప్పారు.
