TV
ఆయిల్ ట్యాంకర్ లో 1500 కిలోల గంజాయి!
విశాఖపట్నం: విశాఖపట్నం జిల్లాలో భారీగా గంజాయి పట్టుబడింది. పాడేరు మండలం చింతలవీధి వద్ద మంగళవారం ఉదయం పోలీసులు తనిఖీలు నిర్వహించారు. ఆయిల్ ట్యాంకర్లో అక్రమంగా రవాణాచేస్తున్న 1500 కిలోల గంజాయిని స్వాధీనం చేసుకున్నారు. ఈ ఘటనలో.. ముగ్గురు వ్యక్తులను అదుపులోకి తీసుకున్నారు.
ముందస్తు సమాచారం మేరకు పోలీసులు కాపుకాసి ట్యాంకర్‌ను తనిఖీచేసినట్లు తెలుస్తోంది. ఇంత భారీ మొత్తంలో గంజాయి పట్టుబడటం స్థానికంగా కలకలం సృష్టించింది. పోలీసులు కేసు నమోదు చేసి విచారణ జరుపుతున్నారు.
