‘అరకువేలీ కాఫీ’ పథకం పొడిగింపు

 సాక్షి, న్యూఢిల్లీ : ఆంధ్రప్రదేశ్‌లోని విశాఖపట్నం జిల్లా గిరిజన ప్రాంతాల్లో సాగుచేస్తున్న కాఫీ నాణ్యతపరంగా శ్రేష్టమైన రకమని, ‘అరకువేలీ కాఫీ’గా అంతర్జాతీయ మార్కెట్‌లో గుర్తింపు పొందిన ఈ కాఫీ సాగును ప్రోత్సహించడానికి ప్రత్యేక పథకాన్ని అమలుచేస్తున్నట్టు కేంద్ర ప్రభుత్వం తెలిపింది. విశాఖ జిల్లాలో ప్రస్తుతం ఆరు వేల టన్నుల కాఫీ ఉత్పత్తి అవుతున్నట్టు అంచనాలున్నాయని, పన్నెండో పంచవర్ష ప్రణాళికా కాలంలో ఈ ఉత్పత్తిని బలోపేతం చేయాలని, అందుకోసం అమలు చేస్తున్న ప్రత్యేక పథకాన్ని కొనసాగించాలని ప్రతిపాదించినట్టు ప్రభుత్వం వెల్లడించింది.