బాహుబలి ట్రైలర్‌–2 విడుదల

బాహుబలి–2 సినిమా ట్రైలర్‌ విడుదలతో సినీ హీరో ప్రభాస్‌ అభిమానులు కాకినాడలో సందడి చేశారు. మల్టిప్లెక్స్, ఆనంద్, పద్మప్రియ థియేటర్లలో గురువారం ఉదయం ఈ ట్రైలర్‌ విడుదలైంది. ప్రభాస్‌ అభిమానులు ఆయా థియేటర్లవద్దకు పెద్ద ఎత్తున చేరుకొన్నారు. ప్రభాస్‌ టీషర్టులు ధరించి, పెద్ద ఎత్తున బాణసంచా కాల్చారు. ప్రభాస్‌ చిత్రంతో ఉన్న భారీ జెండాను ప్రదర్శించారు. ఈ సినిమా త్వరలో విడుదల కానున్న సందర్భంగా ట్రైలర్‌ విడుదల చేసినట్టు దేవీ మల్టిప్లెక్స్‌ థియేటర్‌ మేనేజర్‌ కె.సత్యనారాయణరెడ్డి తెలిపారు. ప్రభాస్‌ అభిమానుల సంఘం అధ్యక్షుడు శ్రీను ప్రభాస్, ప్రభాకర్‌ తదితరులు పాల్గొన్నారు.

– కాకినాడ కల్చరల్‌