TV
నగదు కోసం రోడ్డెక్కిన రైతులు
– ఎమ్మిగనూరులో రాస్తారోకో
– ఏడీబీ బ్యాంకు మేనేజర్‌పై ఆగ్రహం
ఎమ్మిగనూరు రూరల్: బ్యాంకులో ఖాతాదారులకు ఇచ్చే నగదు పెంచాలంటూ సోమవారం రైతులు పెద్ద సంఖ్యలో స్థానిక వైఎస్‌ఆర్‌ సర్కిల్‌లో రాస్తారోకో నిర్వహించారు. రూ. 4 వేలు కంటే ఎక్కువ ఇవ్వనని బ్యాంకు అధికాలు చెప్పటంతో రైతులు ఆగ్రహంతో అందోళనకు దిగారు. దీంతో ట్రాఫిక్‌ స్తంభించి పోయింది. అన్ని బ్యాంకుల్లో రూ.24 వేలు ఇస్తుంటే ఏడీబీలోనే రూ. 4 వేలు ఇస్తున్నారని మండిపడ్డారు. అక్కడికి చేరుకున్న పట్ణణ ఎస్‌ఐ హరిప్రసాద్‌ సర్దిచెప్పగా వారు ఆందోళన విరమించారు.
వివాహం ఎలా చేయాలి: గోవిందు, రైతు, హెచ్‌.మురవణీ
వచ్చే నెల 1వ తేదీన నా కుమార్తె వివాహం ఉంది. పెళ్లి బట్టలు, ఖర్చులకు డబ్బులు లేవు. మిరప విక్రయించగా రూ.1.20 లక్షలు డబ్బులు వచ్చాయి. అవి బ్యాంక్‌ అకౌంట్‌లో ఉన్నాయి. ఇప్పుడు రూ. 4 వేలు మాత్రమే ఇస్తానంటే ఎలా? వివాహం ఎలా చేయాలి.
