ఇలా చేస్తే... అందం మీ సొంతం

∙క్యారెట్, ఓట్స్‌ పౌడర్, పంచదార, పసుపు కలిపి మెత్తని పేస్ట్‌ చేసుకుని మొటిమలపై అప్లై చేసుకుంటే మొటిమలు తగ్గుతాయి.

∙ క్యారెట్, నారింజ రసం, పంచదార తీసుకుని మూడింటినీ కలిపి మెత్తని పేస్ట్‌ చేసుకోవాలి. జిడ్డు చర్మం ఉన్న వారు ఈ పేస్ట్‌ని ముఖానికి అప్లై చేసుకుంటే ఫలితం ఉంటుంది.

∙ముఖానికి మేకప్‌ వేసుకునే ముందు క్యారెట్, నారింజ రసం రెండింటినీ కలిపి ముఖంపై వలయాకారంలో మసాజ్‌ చేయాలి. తర్వాత ముఖాన్ని చన్నీటితో కడిగేసి 20 నిమిషాల తర్వాత మేకప్‌ వేసుకోవాలి. ఇలా చేస్తే మేకప్‌ మరింత అందంగా కనబడుతుంది.

∙మెడ చుట్టూ చర్మం నల్లగా ఉన్నవారు... క్యారెట్‌ పేస్ట్‌లో నిమ్మరసం, పంచదార పొడి వేసి బాగా కలుపుకోవాలి. ముందుగా మెడ చుట్టూ నల్లగా ఉన్న చర్మంపై నూనె రాసి తయారుచేసుకున్న మిశ్రమాన్ని అప్లై చేసి మసాజ్‌ చేయాలి.