అక్టోబర్ 28 న పుట్టినరోజు జరుపుకొంటున్న ప్రముఖులు

అక్టోబర్ 28 న పుట్టినరోజు జరుపుకొంటున్న ప్రముఖులు

ఈరోజు మీతోపాటు పుట్టినరోజు జరుపుకొంటున్న ప్రముఖులు:
జరీన్ మెహతా (ఆర్థిక నిపుణుడు), ఇంద్ర నూయి (వ్యాపారవేత్త)
 
ఈ రోజు పుట్టిన రోజు జరుపుకుంటున్న వారి వ్యక్తిగత సంవత్సర సంఖ్య 1. ఇది సూర్యసంబంధ సంఖ్య. వీరు పుట్టిన తేదీ 28. ఇది కూడా సూర్యునికి సంబంధించినది కావడం వల్ల స్వతస్సిద్ధంగా వీరికి నాయకత్వ లక్షణాలు, జీవితంలో పైకి రావాలనే కోరిక బలంగా ఉంటాయి. అందుకు తగ్గట్టుగా కృషి చేయడం వల్ల వీరికి ఈ సంవత్సరం  వ్యాపార, ఉద్యోగాల్లో అభివృద్ధి ఉంటుంది. పుష్కలంగా ధనం చేతికందుతుంది. ఈ సంవత్సరం వీరికి జీవితంలో మైలురాయిగా నిలిచి పోతుంది. పెద్దలతో, ప్రముఖులతో పరిచయాలు ఏర్పడి, వాటిని తమ ఉన్నతికి ఉపయోగించుకుంటారు.అవివాహితులకు వివాహం అవుతుంది. సంతానం ప్రాప్తి కలుగుతుంది. వయసు ఏమాత్రం బయటకు కనిపించకుండా హుషారుగా, ఆకర్షణీయంగా కనిపిస్తూ, పట్టుదలతో అనుకున్న పనులన్నింటినీ అవలీలగా సాధిస్తారు. అందరికీ ఆదర్శంగా  నిలుస్తారు. ఇల్లు, ఆస్తులు కొనుక్కోవాలనే కోరిక తీరుతుంది. అయితే సూర్యుని ప్రతికూల ప్రభావం వల్ల న్యాయసంబంధమైన చిక్కులు వచ్చే అవకాశం ఉంది. కంటిజబ్బులు వచ్చే అవకాశం ఉన్నందువల్ల ముందుగానే తగిన పరీక్షలు చేయించుకుని, జాగ్రత్తలు తీసుకోవడం మంచిది.

లక్కీ నంబర్స్: 1,5,6,8; లక్కీ డేస్: ఆది, సోమ, బుధ, శుక్రవారాలు; లక్కీ కలర్స్: రోజ్, బ్లూ, ఎల్లో, సిల్వర్, గోల్డెన్? సూచనలు: రుద్రాభిషేకం చేయించుకోవడం, ఆదిత్య హృదయం పఠించడం లేదా వినడం, తండ్రిని, తత్సమానులను గౌరవించడం, తోబుట్టువులను ఆదరించడం మంచిది. ఉద్యోగులు కొత్త ఉద్యోగ ప్రయత్నాలు మాని, ఉన్న ఉద్యోగాన్ని సక్రమంగా, శ్రద్ధగా చేసుకోవడం మంచిది.
 - డాక్టర్ మహమ్మద్ దావూద్, ఆస్ట్రో న్యూమరాలజిస్ట్