TV
ఆకతాయి చెంపచెళ్లు..!
వెంటపడి.. ఫోన్ నెంబర్ కావాలని వేధిస్తున్న యువకుడి చెంప చెళ్లుమన్పించిందో యువతి. హైదరాబాద్ నగరం, శివారు ప్రాంతాల్లో షీ-టీమ్‌లు రంగంలోకి దిగి పోకిరీల ఆట కట్టిస్తుండగా, అదే రీతిలో మహిళల్లోనూ చైతన్యం వచ్చింది.
పేట్‌బషీరాబాద్ అంగడిపేట గడిమైసమ్మ ఆలయ సమీపంలో ఓ యువకుడు అటుగా వెళ్తున్న యువతి వెంటపడి ఫోన్‌నెంబర్ ఇవ్వాలని కోరాడు. దీంతో ఆగ్రహం కట్టలు తెంచుకున్న ఆమె పరిచయం లేని ఆ యువకుడి చెంప చెళ్లుమనిపించి అక్కడ నుంచి వెళ్లిపోయింది. అటు వైపు వెళ్తున్న 'సాక్షి' కెమెరాకు ఈ దృశ్యం చిక్కింది.
