వన్స్‌మోర్!

వన్స్‌మోర్!

బాలీవుడ్‌లో మెగ్ హిట్స్ ఇచ్చిన జంట షారూఖ్‌ఖాన్, కాజోల్ మళ్లీ బిగ్‌స్క్రీన్‌పై మెరవనున్నారట. ‘దిల్‌వాలే దుల్హనియా లేజాయేంగే’లో చేసిన ఇద్దరూ... రోహిత్‌శెట్టి తాజా వెంచర్‌లో జోడీ కట్టనున్నారని సమాచారం. అజయ్‌దేవ్‌గణ్‌ను పెళ్లి చేసుకుని సినిమాలకు దూరంగా ఉంటున్న కాజోల్ అప్పుడప్పుడూ తళుక్కుమంటోంది.

డీడీఎల్ తరువాత షారూఖ్‌తో ‘మై నేమ్ ఈజ్ ఖాన్’లో కనిపించింది. అలాగే ఆమిర్‌ఖాన్‌తో ‘ఫనా’లోనూ మురిపించింది. రోహిత్ సినిమాలో వరుణ్‌ధావన్ షారూఖ్ బ్రదర్‌గా నటించనున్నాడని కూడా ‘మిడ్ డే’ కథనం. ఇప్పటికే రోహిత్ స్క్రిప్ట్ గురించి చాలాసార్లు కాజోల్‌తో చర్చించాడట..