TV
శిక్ష ఖరార్‌..ఖైదీ పరార్‌
నాంపల్లి కోర్టు ఆవరణలో రిమాండ్‌ ఖైదీ నిసార్‌ అహ్మద్‌ పరారయ్యాడు.
హైదరాబాద్‌ : నాంపల్లి కోర్టు ఆవరణ నుంచి బుధవారం ఓ ఖైదీ పరారయ్యాడు. ఓ కేసు విషయంలో పోలీసులు బుధవారం సాయంత్రం నిసార్‌అహ్మద్‌ అనే ఖైదీని నాంపల్లి కోర్టుకు హాజరు పరచగా.. న్యాయస్థానం అతనికి శిక్ష ఖరారు చేసింది.
అనంతరం బయటకు రాగానే నిసార్‌ అహ్మద్‌ పోలీసుల కళ్లు గప్పి పరారయ్యాడు. పరారైన ఖైదీ కోసం పోలీసులు గాలింపు చర్యలు ముమ్మరం చేశారు. నగరంలోని పోలీస్‌ స్టేషన్‌లను అప్రమత్తం చేశారు.
