TV
‘చాలా సంతోషం.. ఆమెతో లేను’
లండన్‌: ప్రముఖ పాప్‌ సింగర్‌ మడోన్నాకు కొడుకు రొక్కో రిట్చీ పెద్ద తలనొప్పిగా మారాడు. మడోన్నా నుంచి దూరంగా తండ్రితో కలిసి ఉంటున్న రొక్కో.. తల్లిపై విమర్శలు చేయడం మాత్రం మానడం లేదు.
ఇన్‌స్టాగ్రామ్‌లో తల్లిని అపహాస్యం చేసేలా ఓ వీడియోను రొక్కో ఇటీవల పోస్ట్‌ చేశాడు. మడోన్నా తింటున్న సమయంలో సగం ఫుడ్‌ నోటి బయట ఉన్నట్లుగా ఉన్న అభ్యంతరకర దృశ్యాన్ని తన ఇన్‌స్టాగ్రాంలో ఉంచాడు. ఆ విడియోకు ‘సో గ్లాడ్‌.. ఆమెతో ఉండట్లేదు’ అనే వ్యాఖ్యలను జత చేశాడు. దీనిపై మడోన్నా ఫ్యాన్స్‌ తీవ్రస్థాయిలో విరుచుపడటంతో అతడు వెంటనే ఆ వీడియోను తొలగించాడు. రొక్కో గతవారం డ్రగ్స్‌తో పోలీసులకు పట్టుబడిన విషయం తెలిసిందే.
