TV
ఫెరారీ.. రేటు వింటే పరారీ..
ఇది 1965లో తయారైన ఫెరారీ 275 జీటీబీ/సీ మోడల్ కారు. దీనితో కలుపుకుంటే.. ప్రస్తుతం ఇలాంటివి మూడు మాత్రమే ఉన్నాయి. ఇప్పటి తరం కార్లకు ఏమాత్రం తీసిపోని దీని లుక్ చూశారా.. తక్కువ బరువుండే అల్యూమినియంతో తయారుచేసిన ఈ కారు అత్యధిక వేగం గంటకు 273 కిలోమీటర్లు.
వచ్చే నెల 15న అమెరికాలోని మాంటెరేలో దీన్ని వేలం వేయనున్నారు. కనీసం రూ.206 కోట్లు పలుకుతుందని అంచనా. తద్వారా ప్రపంచంలోనే అత్యంత ఖరీదైన ఫెరారీగా రికార్డు సృష్టిస్తుందని చెబుతున్నారు.
