పండా పుట్టినరోజు.. ఆ జూకు పండగరోజు. | Taipei Zoo managers celebrates Panda Birthday well | Sakshi
Sakshi News home page

పండా పుట్టినరోజు.. ఆ జూకు పండగరోజు.

Published Mon, Jul 7 2014 3:25 AM | Last Updated on Sat, Sep 2 2017 9:54 AM

పండా పుట్టినరోజు.. ఆ జూకు పండగరోజు.

పండా పుట్టినరోజు.. ఆ జూకు పండగరోజు.

తైపీ: యువాన్ జాయ్ అనే ఈ పండా కూనకు ఆదివారం మొదటి పుట్టినరోజు. దీని బర్త్‌డే వేడుకలను తైవాన్‌లోని తైపీ జూ నిర్వాహకులు, సందర్శకులు అట్టహాసంగా జరుపుకొన్నారు. ఆపిల్స్, పైన్‌ఆపిల్స్, క్యారెట్లు, బన్స్‌తో ప్రత్యేక కేక్‌ను తయారు చేసి దీనికి అందించారు. పిల్లలు, పెద్దలు కలసి 3 వేల మంది 10 కి.మీ. పరుగు పందెంలో పాల్గొన్నారు. ఇంకా అనేక కార్యక్రమాలు నిర్వహించారు. దీని పుట్టినరోజు ఇంత ఘనంగా ఎందుకంటే తైవాన్‌లో పుట్టిన మొట్టమొదటి పండా ఇదే మరి! తైవాన్‌కు 2008లో చైనా ఇచ్చిన ఓ పండా జంటకు గతేడాది ఇది జన్మించింది. అయితే సహజ ప్రక్రియలో ఈ పండా తల్లి గర్భం దాల్చలేకపోయింది.
 
దీంతో కృత్రిమ గర్భధారణ పద్ధతిలో ఈ పండాకు జన్మనిచ్చేలా చేశారు. పైగా ఇది పుట్టిన తర్వాత జూకు సందర్శకుల తాకిడి కూడా  విపరీతంగా పెరిగిపోయిందట. అందుకే ఈ బుల్లి పండాకు యమా క్రేజ్ వచ్చేసింది. అన్నట్టూ.. చిన్నప్పుడు రకరకాల వస్తువులు పిల్లల ముందేసి వారు ఏది పట్టుకుంటే పెద్దయ్యాక అదే అవుతార ని చెబుతూ మురిసిపోయే ఆట మాదిరిగా ఈ పండాను కూడా పరీక్షించారు. రకరకాల పెయింటింగ్‌లను దీని ముందు వేలాడదీయగా.. ఇది పెయింటర్ పండా ఉన్న బొమ్మను పట్టుకుందట. అంటే భవిష్యత్తులో మంచి పెయింటర్ అవుతుందన్నమాట!

Advertisement

Related News By Category

Related News By Tags

Advertisement
 
Advertisement

పోల్

Advertisement