TV
సునీల్ దత్‌గా...!
ఏడు పదుల వయసులో ఏడాదికి రెండు, మూడు సినిమాలు, వాణిజ్య ప్రకటనలు, టీవీ షోస్ చేస్తూ బిజీ బిజీగా ఉంటున్నారు అమితాబ్ బచ్చన్. ఆయన నటించిన తాజా చిత్రాలు షమితాబ్, పీకు విడుదలకు సిద్ధమవుతున్నాయి. ఈ నేపథ్యంలో అమితాబ్ మరో చిత్రానికి పచ్చజెండా ఊపారని సమాచారం. అది కూడా ఓ నిజజీవిత పాత్రనే ఈ బిగ్ బి చేయనుండటం విశేషం. ఆ విషయంలోకి వస్తే... 3 ఇడియట్స్, పీకే తదితర చిత్రాలతో విలక్షణ దర్శకుడనిపించుకున్న రాజ్‌కుమార్ హిరానీ, త్వరలో నటుడు సంజయ్ దత్ జీవిత చరిత్రతో ఓ సినిమా తీయడానికి సన్నాహాలు చేస్తున్నారు. ఇందులో సంజయ్ దత్ తండ్రి సునీల్ దత్ పాత్రను అమితాబ్‌తో చేయించాలనుకుంటున్నారట. ఇటీవల అమితాబ్‌తో సంప్రతింపులు జరిపారని భోగట్టా. సంజయ్ దత్ పాత్రను రణబీర్ కపూర్ చేయనున్నారని సమాచారం.
