TV
సీవీ రెడ్డి నిర్మిస్తున్న చిత్రం ‘ముద్దుగా
విక్రాంత్, పల్లవి జంటగా 24 క్రాఫ్ట్స్ పతాకంపై సీవీ రెడ్డి నిర్మిస్తున్న చిత్రం ‘ముద్దుగా’. సతీష్‌కుమార్ దర్శకుడు. ఈ చిత్రం లోగో ఆవిష్కరణ హైదరాబాద్‌లో జరిగింది. సీనియర్ జర్నలిస్ట్ పసుపులేటి రామారావు లోగోని ఆవిష్కరించారు.
ఈ సందర్భంగా దర్శకుడు మాట్లాడుతూ- ‘‘ఓ క్యూట్ లవ్‌స్టోరీతో ఈ చిత్రం రూపొందించాం. ఇప్పుడొస్తున్న ప్రేమకథా చిత్రాలకు భిన్నంగా ఉంటుంది. ఎంపీ రామన్ ఇచ్చిన అయిదు పాటలు సినిమాకి ప్రత్యేక ఆకర్షణగా నిలుస్తాయి.
నూతన నటీనటులు, టెక్నీషియన్లతో రూపొందించిన ఈ చిత్రాన్ని ప్రేక్షకులు ఆదరిస్తారని ఆశిస్తున్నాను’’ అని చెప్పారు. ఈ కార్యక్రమంలో లైన్ ప్రొడ్యూసర్ బాచి పవార్, సహనిర్మాత కృష్ణారెడ్డి, కృష్ణ గోవర్ధన్ తదితరులు పాల్గొన్నారు.
