మరోసారి టాప్ లేచిపోద్ది!

మరోసారి టాప్ లేచిపోద్ది!

 ‘ఇద్దరమ్మాయిలు’ సినిమాలో అల్లు అర్జున్, అమలాపాల్ ల  ప్రేమకథను అన్వేషించే పాత్రలో కనిపించిన కేథరిన్  గుర్తున్నారా? అదేనండీ.. అల్లు అర్జున్‌తో కలిసి ‘టాప్ లేచిపోద్ది’ అంటూ దుమ్ము రేపిన ఈ భామ ఇప్పుడు మళ్లీ అల్లు అర్జున్ సరసన నటించనున్నారట. బోయపాటి శ్రీను దర్శకత్వంలో అల్లు అర్జున్ హీరోగా నటించే ఈ చిత్రంలో ఈ భామ రెండో కథానాయికగా ఎంపిక అయ్యారట.  ఇందులో రకుల్ ప్రీత్‌సింగ్ ప్రధాన నాయిక.  హీరోలను తన దైన  శైలిలో చాలా శక్తిమంతంగా చూపించే బోయపాటి శ్రీను ఈ చిత్రం కోసం సన్నాహాలు చేసుకుంటున్నారు. యాక్షన్ ఎంటర్‌టైనర్‌గా తెరకెక్కనున్న ఈ చిత్రం షూటింగ్ త్వరలోనే ప్రారంభం  కానుంది.