TV
స్త్రీ ఓ గులాబి
మాదాల హరికృష్ణ, ప్రదీప్‌రెడ్డి, అలేఖ్య, గోగిశెట్టి సునీల్ ప్రధాన పాత్రధారులుగా రూపొందుతోన్న చిత్రం ‘గులాబి’. మాదాల కోటేశ్వరరావు స్వీయ దర్శకత్వంలో ఈ చిత్రాన్ని నిర్మిస్తున్నారు. ఈ చిత్రం లోగో ఆవిష్కరణ హైదరాబాద్‌లో జరిగింది.
దర్శకుడు సునీల్‌కుమార్‌రెడ్డి టైటిల్ లోగోను ఆవిష్కరించగా, యక్కలి రవీంద్రబాబు ప్రచార చిత్రాలను విడుదల చేశారు. సినిమా విజయం సాధించాలని వారు ఆకాంక్షించారు.
సమాజంలో స్త్రీలపై జరుగుతున్న అత్యాచారాలను నివారించడం ఎలా? అనే కథాంశంతో ఈ చిత్రాన్ని తెరకెక్కిస్తున్నామని, పవన్ శేష్ స్వరపరిచిన పాటలను త్వరలో విడుదల చేస్తామని దర్శకుడు చెప్పారు. ఈ చిత్రానికి మాటలు: అశోక్, ఛాయాగ్రాహణం: కల్యాణ్ సమీ.
