TV
రిలీజ్‌కి ‘హార్ట్ ఎటాక్’ రెడీ
పూరి జగన్నాథ్ ‘హార్ట్ ఎటాక్’ విడుదలకు సిద్ధమైంది. నితిన్ కాంబినేషన్‌లో ఆయన తొలిసారి చేసిన ఈ సినిమా ఈ నెల 31న విడుదల కానుంది. ఈ సినిమాతో ఆదాశర్మ నాయికగా పరిచయమవుతున్నారు. అనూప్ రూబెన్స్ స్వరాలందించిన ఈ చిత్రం పాటలు ఇప్పటికే మార్కెట్‌లో విడుదలై, శ్రోతల ఆదరణ పొందుతున్నాయి. ఈ సినిమా తన కెరీర్‌కి చాలా పెద్ద టర్నింగ్ అవుతుందని నితిన్ ఆశాభావంతో ఉన్నారు. ‘ఇష్క్’, ‘గుండెజారి గల్లంతయ్యిందే’ తర్వాత వస్తున్న ఈ సినిమా తనకు హ్యాట్రిక్‌గా నిలుస్తుందని నితిన్ పేర్కొన్నారు.
పూరి జగన్నాథ్ మాట్లాడుతూ -‘‘ఇడియట్, అమ్మ-నాన్న-ఓ తమిళమ్మాయి, పోకిరి తర్వాత దర్శక నిర్మాతగా నాకు అన్నివిధాలా సంతృప్తి కలిగించిన చిత్రమిది. నా కెరీర్‌లోనే మరో బిగ్గెస్ట్ బ్లాక్‌బస్టర్ అయ్యే రేంజ్‌లో సినిమా వచ్చింది’’ అని చెప్పారు.
