లవ్ యు బంగారం అంటున్న రాహుల్

సీనియర్స్‌తో జూనియర్స్ ఫ్రెండ్‌షిప్పా.. కుద రదంటూ ‘హ్యాపీ డేస్’ చిత్రంలో సోనియా ఆటపట్టించిన టైసన్ అందరికీ గుర్తుండే ఉంటాడు. ఆ చిత్రంలో టైసన్ పాత్రలో రాహుల్ ఒదిగిపోయిన వైనం చాలామందిని ఆకట్టుకుంది. ఆ తర్వాత ‘రెయిన్‌బో’, ‘ప్రేమ ఒక మైకం’లో నటించిన రాహుల్ ప్రస్తుతం ‘లవ్ యు బంగారం’లో నటించారు. కేఎస్ రామారావు సమర్పణలో కె. వల్లభ, మారుతి నిర్మించిన ఈ చిత్రం ఈ శుక్రవారం విడుదల కానుంది. గోవి దర్శకత్వం వహించారు. ఈ చిత్రవిశేషాలను రాహుల్ చెబుతూ - ‘‘పేరున్న బేనర్, మంచి దర్శకులతో సినిమా చేస్తే మంచి భవిష్యత్తు ఉంటుందని నా గురువు శేఖర్ కమ్ముల చెప్పారు.