TV
సూపర్‌ స్టార్‌ మహేశ్‌బాబు తాజా సినిమా ‘భరత్‌ అనే నేను’ సూపర్‌హిట్‌ టాక్‌తో దూసుకుపోతోంది. సామాజిక బాధ్యతతో జనహితం కోసం పనిచేసే ముఖ్యమంత్రిగా ఈ సినిమాలో మహేశ్‌ అదరగొట్టారు. మరోసారి దర్శకుడు కొరటాల శివ తనదైన కమర్షియల్‌ ఎలిమెంట్స్‌తో సామాజిక అంశాలను తెరకెక్కించి విజయవంతమయ్యారు. ఈ సినిమా బాక్సాఫీస్‌ వద్ద భారీ కలెక్షన్లు వసూలు చేస్తోంది. రెండురోజుల్లోనే రూ. 100 కోట్లకుపైగా గ్రాస్‌ సాధించింది.
ఈ భారీ విజయాన్ని మహేశ్‌ ఆస్వాదిస్తున్నారు. కుటుంబానికి అధిక ప్రాధాన్యమిచ్చే మహేశ్‌ ఈ సినిమా విజయాన్ని కుటుంబసభ్యులతో పంచుకున్నారు. తన సతీమణి నమ్రతకు తన ప్రేమను చాటే ఓ అందమైన ఫొటోతో ఇన్‌స్టాగ్రామ్‌లో మహేశ్‌ కృతజ్ఞతలు తెలిపారు. మహేశ్‌, నమ్రత లిప్‌లాక్‌ చేస్తూ ఉన్న ఈ ఫొటో ప్రస్తుతం సోషల్‌ మీడియాలో వైరల్‌ అవుతోంది.
Comments
Please login to add a commentAdd a comment