రిలీజ్కు రెడీ అవుతున్న సోగ్గాడు

రిలీజ్కు రెడీ అవుతున్న సోగ్గాడు

చాలా రోజులుగా షూటింగ్ జరుపుకుంటున్న కింగ్ నాగార్జున లేటెస్ట్ సినిమా 'సోగ్గాడు చిన్నినాయనా' ఫైనల్గా షూటింగ్ పూర్తి చేసుకుంది. కథా కథనాల్లో మార్పులతో రెండు మూడు సార్లు రీషూట్లకు వెళ్లిన ఈ సినిమా మైసూర్ జరిగిన భారీ షెడ్యూల్తో ప్రొడక్షన్ పనులు పూర్తి చేసుకుంది.

ఈ సినిమాలో నాగ్ రెండు విభిన్న పాత్రల్లో నటిస్తున్నాడు.. పల్లెటూరి వాతావరణంలో సాగే ఈ కథలో సొగ్గాడిగా, అమాయకుడిగా రెండు వేరు వేరు పాత్రల్లో కనిపిస్తున్నాడు నాగ్. కామెడీ ప్రధానంగా సాగే ఈ కథలో తన కొడుకుకు మాత్రమే కనిపించే ఆత్మగా అలరించనున్నాడు. నాగ్ సరసన రమ్యకృష్ణ, లావణ్య త్రిపాఠిలు హీరోయిన్లుగా నటిస్తుండగా, యాంకర్ అనసూయ, హంసానందినిలు కీలక పాత్రల్లో కనిపించనున్నారు.

ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటున్న ఈ సినిమాకు ఉయ్యాల జంపాల ఫేం పి. రామ్మోహన్ కథ అందించగా, కళ్యాణ్ కృష్ణ దర్శకత్వం వహించాడు. త్వరలోనే సినిమా ఆడియో రిలీజ్ చేసి మూవీ రిలీజ్ డేట్ను ప్రకటించడానికి చిత్రయూనిట్ రెడీ అవుతున్నారు.