మాంచెస్టర్‌ ఘటనపై స్పందించిన హీరోయిన్‌

మాంచెస్టర్‌ ఘటనపై స్పందించిన హీరోయిన్‌

ముంబై : మాంచెస్టర్‌ బాంబు దాడి ఘటనపై బాలీవుడ్‌ హీరోయిన్‌ పరిణీతి చోప్రా ట్విట్టర్‌లో స్పందించింది. ఉగ్రవాది జరిపిన దాడిని ఖండించింది. ఉగ్రదాడిలో చనిపోయిన వారికి ఆమె నివాళులర్పించింది. తాను మాంచెస్టర్‌ నగరంలో మూడేళ్లు ఉన్నానని, ఎంతో స్నేహపూర్వకమైన, అద్భుతమైన నగరమని చోప్రా తెలిపింది.

అలాంటి ప్రశాంతమైన నగరంలో ఈ ఘటన జరిగిందంటే నమ్మలేకపోతున్నానని పరిణీతి పేర్కొంది. ఈ నెల 22న అమెరికన్‌ గాయకురాలు అరియానా గ్రాండె షోలో ఓ ఆత్మాహుతి దళ సభ్యుడు తనను తాను పేల్చుకోవడంతో 22 చనిపోయిన విషయం తెలిసిందే. ఈ ఘాతుకంలో సుమారు 100 మంది తీవ్రంగా గాయపడ్డారు. ఈ ఘటనకు సంబంధించి 16 మంది అనుమానితులను  పోలీసులు అరెస్ట్‌ చేశారు.

Cant believe what happened in Manchester.It was my home for 3 years,truly the friendliest and most loving city. #manchesterattack

— BINDU (@ParineetiChopra) 30 May 2017