ప్రతి ఇంట్లో..!

ప్రతి ఇంట్లో..!

రామ్, రాశీఖన్నా జంటగా 14 రీల్స్ ఎంటర్‌టైన్‌మెంట్ పతాకంపై రామ్ ఆచంట, అనీల్ సుంకర, గోపీచంద్ ఆచంట నిర్మిస్తున్న సినిమా ‘హైపర్’. ప్రతి ఇంట్లో ఒకడుంటాడు.. అనేది ఉపశీర్షిక. సంతోష్ శ్రీనివాస్ దర్శకత్వం వహిస్తున్న ఈ సినిమా చిత్రీకరణ విశాఖలో శరవేగంగా జరుగుతోంది. విజయదశమి కానుకగా సెప్టెంబర్ 30న విడుదల చేయడానికి సన్నాహాలు చేస్తున్నారు. నిర్మాతలు మాట్లాడుతూ - ‘‘పవర్‌ఫుల్ యాక్షన్ ఎంటర్‌టైనర్ ఇది.
 
  యాక్షన్‌తో పాటు లవ్, కామెడీ అంశాలు ఉంటాయి. వచ్చే నెల 9కి చిత్రీకరణ పూర్తవుతుంది. సెప్టెంబర్ రెండో వారంలో పాటల్ని విడుదల చేయాలనుకుంటున్నాం’’ అన్నారు. సత్యరాజ్, రావు రమేశ్, మురళీశర్మ, పోసాని తదితరులు నటిస్తున్న ఈ చిత్రానికి మాటలు: అబ్బూరి రవి, ఎడిటింగ్: గౌతమ్ రాజు, కెమేరా: సమీర్‌రెడ్డి, సమర్పణ: వెంకట్ బోయినపల్లి, సంగీతం: జిబ్రాన్.