సమ్మర్‌లో కూల్... కూల్...!

సమ్మర్‌లో కూల్... కూల్...!

- త్రిష
* అబ్బో వేసవి వస్తోందంటే చాలు.... చాలా భయమేస్తుంది. ఇక  షూటింగ్స్‌లో మేకప్ వేసుకుని ఎండలో నటించడమంటే నరకం అనుభవించినట్లే. అందుకే ఎంత బిజీగా ఉన్నా, చర్మానికి కావాల్సిన జాగ్రత్తలు తీసుకుంటూ ఉంటాను.

* రోజూ ఉదయాన్నే లేచి గ్రీన్ టీ కచ్చితంగా తాగుతాను.  నీళ్లు ఎక్కువగా తాగడం వల్ల చాలా ఆరోగ్యంగా ఉంటాం. ముఖ్యంగా చర్మానికి కెమికల్ క్రీమ్స్ లాంటివి మాత్రం అస్సలు రాయను. అలోవెరా జెల్ మాత్రం వాడతాను.

* ఎక్కువగా పళ్లు, కూరగాయలు  తింటూ ఉంటాను. అలాగే నా డైలీ రొటీన్‌లో కమలా ఫలాలు  కంపల్సరీ.  వాటి వల్ల సీ-విటమిన్ శరీరంలో చేరుతుంది.

* ఇక ఫ్రూట్ జ్యూస్‌లు బాగా తాగుతాను. ఇక ఏ  సీజన్ అయినా వర్కవుట్స్ మాత్రం మిస్ కాను. రోజూ ఉదయాన్నే యోగా చేస్తాను. దీనివల్ల ఎండలో కొంత తిరిగినా, తట్టుకోగలుగుతాం. ఈ వేసవిలో ఎక్కువగా తినను. ఉదయాన్నే లేచాక మాత్రం హెవీగా బ్రేక్‌ఫాస్ట్ చేయను.
* అసలే స్విమ్మింగ్ అంటే చాలా ఇష్టం. ఇక వేసవిలో వీలు దొరికినప్పుడల్లా  స్విమ్మింగ్ చేస్తూనే ఉంటాను.