ఇళయరాజా ఓ మానస సరోవరం : ప్రకాశ్‌రాజ్

‘‘నా జీవితాన్ని మలిచిన గురువుల్లో ఇళయరాజా ఒకరు. సినీ సంగీతానికి ఆయన మానస సరోవరంలాంటి వారు. సినీ రంగంలో ఆయనకు నేను కూడా సమకాలికుణ్ణి అయినందుకు గర్వపడుతున్నాను’’ అని నటుడు, దర్శక - నిర్మాత ప్రకాష్ రాజ్ వ్యాఖ్యానించారు. ప్రకాశ్‌రాజ్ దర్శకత్వంలో రూపొందిన త్రిభాషా చిత్రం ‘ఉలవచారు బిర్యాని’ చిత్రం తెలుగు వెర్షన్ పాటలను సోమవారం సాయంత్రం హైదరాబాద్‌లో రామానాయుడు ఆవిష్కరించారు. ఈ సందర్భంగా ఆ చిత్ర సమర్పకులైన సీనియర్ నిర్మాత కె.ఎస్. రామారావు సారథ్యంలో తెలుగు సినీ ప్రముఖులు సంగీత దర్శకుడు ఇళయరాజాను ఘనంగా సన్మానించారు.