TV
హీరో ప్రయాణిస్తున్న కారుకు ప్రమాదం
ముంబై: బాలీవుడ్ హీరో వరుణ్ ధావన్ రోడ్డు ప్రమాదం నుంచి సురక్షితంగా బయటపడ్డాడు. ఆదివారం ముంబైలోనే జుహు పదో నెంబర్ రోడ్డులో వరుణ్ ప్రయాణిస్తున్న కారు మరో కారును ఢీకొట్టింది. ఈ ప్రమాదంలో వరుణ్ కారు దెబ్బతింది. కాగా ఎవరికీ ప్రమాదం జరగకపోవడంతో ఊపిరి పీల్చుకున్నారు.
ప్రమాద దృశ్యాన్ని చూసిన ఓ వ్యక్తి ఈ విషయాన్ని ట్విట్టర్లో పోస్ట్ చేశాడు. వరుణ్ కారు హోండా సిటీని ఢీకొట్టిందని ట్వీట్ చేశాడు. దీనిపై గందరగోళం ఏర్పడకుండా ఉండేందుకు వరుణ్ వివరణ ఇచ్చాడు. ఎవరూ గాయపడలేదని, అందరూ క్షేమంగా ఉన్నారంటూ ట్వీట్ చేశాడు.
