TV
వీసా లేకుండానే భారత్‌ వచ్చా: ఉబెర్‌ సీఈవో
న్యూఢిల్లీ: ఉబెర్‌ సర్వీసుల కార్యనిర్వాహణాధికారి ట్రావిస్‌ కలానిక్‌ వీసా లేకుండానే భారతకు వచ్చి చిక్కుల్లో పడ్డారు. వీసా లేకపోవటంతో వెనక్కి పంపేదుకు ఢిల్లీ విమానాశ్రయాధికారులు యత్నించారు. ఉన్నతాధికారులు జోక్యం చేసుకోవటంతో భారత్‌లో కాలుపెట్టేందుకు అనుమతి లభించింది. ఇది ఈ ఏడాది జనవరిలో జరిగింది.
స్టార్టప్‌ ఇండియా ఈవెంట్లో పాల్గొనేందుకు బీజింగ్‌ నుంచి కలానిక్‌ ఢిల్లీకి వచ్చారు. ‘పొరపాటున వీసా లేకుండానే బీజింగ్‌ నుంచి ఢిల్లీ వచ్చేశాను. అధికారులు ఆపేశారు. నా మిత్రుడు, నీతి ఆయోగ్‌ సీఈవో అమితాబ్‌ కాంత్‌.. ఉన్నతాధికారులతో మాట్లాడారు. ఆ తర్వాతే అధికారులు నన్ను బయటకు వదిలారు’ అని కలానిక్‌ ఓ ఇంటర్వ్యూలో చెప్పారు.
