సెమీఫైనల్లో దీపిక, జోష్న

సెమీఫైనల్లో దీపిక, జోష్న

డబ్ల్యుఎస్‌ఏ ఇంటర్నేషనల్ స్క్వాష్ టోర్నీ
 టొరంటో: భారత స్క్వాష్ మేటి క్రీడాకారిణిలు దీపికా పల్లికల్, జోష్న చినప్పలు డబ్ల్యుఎస్‌ఏ ఇంటర్నేషనల్ టోర్నమెంట్ సెమీస్‌లో అమీతుమీ తేల్చుకోనున్నారు. క్వార్టర్‌ఫైనల్లో మూడోసీడ్ దీపిక 11-8, 9-11, 11-6, 7-11, 13-11తో ఐదోసీడ్ జెన్నీ డంక్లాఫ్ (ఇంగ్లండ్)పై విజయం సాధించింది.
 
 75 నిమిషాల పాటు హోరాహోరీగా సాగిన ఈ మ్యాచ్‌లో భారత్ అమ్మాయి కీలక సమయంలో స్ఫూర్తిదాయక ఆటతీరును ప్రదర్శించింది. మరో మ్యాచ్‌లో ఏడోసీడ్ జోష్న 11-1, 11-8, 11-6తో రాచెల్ గ్రిన్హామ్ (ఆస్ట్రేలియా)ను ఓడించింది. కేవలం 23 నిమిషాల్లో జోష్న... రాచెల్ ఆట కట్టించింది. మరో సెమీస్‌లో టాప్‌సీడ్ అమండా సోబీ (అమెరికా).. సారా జెన్ పెర్రీ (ఇంగ్లండ్)తో తలపడుతుంది. క్వార్టర్స్‌లో సోబీ 11-6, 11-3, 11-8తో డెలియా (మలేసియా)పై; పెర్రీ 11-5, 12-10, 9-11, 11-5తో హన్సెన్ (డెన్మార్క్)పై నెగ్గారు.