హరికృష్ణకు రెండో విజయం

హరికృష్ణకు రెండో విజయం

ఆరో రౌండ్‌లో ప్రపంచ మహిళల చాంపియన్‌ హూ ఇఫాన్‌పై గెలుపు  

న్యూఢిల్లీ: బీల్‌ ఓపెన్‌ అంతర్జాతీయ చెస్‌ టోర్నమెంట్‌లో భారత గ్రాండ్‌మాస్టర్‌ పెంటేల హరికృష్ణ రెండో విజయాన్ని నమోదు చేశాడు. స్విట్జర్లాండ్‌లో జరుగుతున్న ఈ టోర్నీలో... ప్రపంచ మహిళల చాంపియన్‌ హూ ఇఫాన్‌ (చైనా)తో ఆదివారం జరిగిన ఆరో రౌండ్‌ గేమ్‌లో తెల్లపావులతో ఆడిన హరికృష్ణ 52 ఎత్తుల్లో గెలిచాడు.

పది మంది గ్రాండ్‌మాస్టర్ల మధ్య రౌండ్‌ రాబిన్‌ లీగ్‌ పద్ధతిలో జరుగుతున్న ఈ టోర్నీలో... ఆరో రౌండ్‌ తర్వాత హరికృష్ణ నాలుగు పాయింట్లతో పొనోమరియోవ్‌ (ఉక్రెయిన్‌)తో కలిసి  సంయుక్తంగా రెండో స్థానంలో ఉన్నాడు. 4.5 పాయింట్లతో ఎటెన్ని బాక్రోట్‌ (ఫ్రాన్స్‌) అగ్రస్థానంలో ఉన్నాడు. సోమవారం జరిగే ఏడో రౌండ్‌లో డేవిడ్‌ నవారా (చెక్‌ రిపబ్లిక్‌)తో హరికృష్ణ తలపడతాడు.