హ్యాండ్‌బాల్ టోర్నీలో తెలంగాణ జోరు

సాక్షి, హైదరాబాద్: జాతీయ సీనియర్ హ్యాండ్‌బాల్ చాంపియన్‌షిప్‌లో తెలంగాణ జట్టు వరుస విజయాలతో ముందంజ వేసింది. గచ్చిబౌలీ ఇండోర్ స్టేడియంలో గురువారం జరిగిన పురుషుల విభాగంలో తెలంగాణ 26-13తో ఆంధ్రప్రదేశ్‌ను ఓడించింది. మరో లీగ్‌లో రాష్ట్ర జట్టు 27-7తో గోవాపై గెలుపొందింది. మిగతా మ్యాచ్‌ల్లో మధ్యప్రదేశ్ 28-7తో పుదుచ్చేరిపై, రైల్వేస్ 19-17తో పశ్చిమ బెంగాల్‌పై, ఉత్తరాఖండ్ 39-25తో మణిపూర్‌పై, చత్తీస్‌గఢ్ 29-15తో ఢిల్లీపై, త్రిపుర 31-23తో హిమాచల్ ప్రదేశ్‌పై, ఉత్తరప్రదేశ్ 32-25తో బిహార్‌పై, అస్సాం 21-14తో ఒరిస్సాపై, జమ్మూకశ్మీర్ 40-28తో ఏపీపై, హరియాణా 57-39తో తమిళనాడుపై, మధ్యప్రదేశ్ 33-16తో గుజరాత్‌పై గెలుపొందాయి.