విక్టరీ ప్లేగ్రౌండ్ గెలుపు

సాక్షి, హైదరాబాద్: హైదరాబాద్ జిల్లా బాస్కెట్‌బాల్ సంఘం ఆధ్వర్యంలో జరుగుతోన్న బాస్కెట్‌బాల్ టోర్నమెంట్‌లో విక్టరీ ప్లేగ్రౌండ్ విజయం సాధించింది. సికింద్రాబాద్ క్లబ్‌లో ఆదివారం జరిగిన మ్యాచ్‌లో విక్టరీ ప్లేగ్రౌండ్ 72-55తో సికింద్రాబాద్ క్లబ్‌పై గెలుపొందింది.

ఈ మ్యాచ్‌లో విక్టరీ ప్లేగ్రౌండ్ తరఫున ప్రసాద్ 18 పాయింట్లు, యశ్వంత్ 15 పాయింట్లు, సల్మాన్ 16 పాయింట్లు, నవీన్ 11 పాయింట్లు సాధించగా... సికింద్రాబాద్ క్లబ్ జట్టులో అమన్ 17 పాయింట్లు, రోహన్ 15 పాయింట్లు, విదుర 11 పాయింట్లు రాబట్టారు.