తెలంగాణ ప్రతిష్ట పెంచేలా ‘మిసెస్ తెలంగాణ’ పోటీలు

తెలంగాణ ప్రతిష్ట పెంచేలా ‘మిసెస్ తెలంగాణ’ పోటీలు

గోల్కొండ: తెలంగాణ రాష్ట్ర ప్రతిష్టను మరింత పెంపొందించేందుకు మిసెస్ తెలంగాణ-2015 అందాల పోటీని నిర్వహిస్తున్నట్లు నక్షత్ర మీడియా మేనేజింగ్ డెరైక్టర్ లక్ష్మి స్పష్టం చేశారు. మాసబ్‌ ట్యాంక్‌లోని గోల్కొండ హోటల్‌లో శుక్రవారం జరిగిన కార్యక్రమంలో ఆమె పోటీల గురించి వివరించారు.  ఈ పోటీలు రెండు విభాగాల్లో ఉంటాయన్నారు. మిసెస్ తెలంగాణ విభాగంలో 40 సంవత్సరాలలోపు మహిళలకు.. క్లాసిక్ మిసెస్ తెలంగాణ విభాగంలో 40 సంవత్సరాలపైబడిన మహిళలు మాత్రమే పాల్గొనే అవకాశం ఉందన్నారు.

ఈ ఈవెంట్‌ను నక్షత్ర మీడియా, యువ మీడియా అండ్ ఎంటర్‌టైన్‌మెంట్ లు సంయుక్తంగా నిర్వహిస్తున్నాయన్నారు. తెలంగాణలోని పది జిల్లాల మహిళల పాల్గొనే ఈ పోటీలలో ఫైనల్ రౌండ్ కు 30 మందిని అర్హత సాధిస్తారన్నారు. వీరిలోంచి మిసెస్ తెలంగాణను నిర్ణయిస్తామన్నారు.   ఈ కార్యక్రమానికి  ప్రముఖ మోడళ్లు వాలంటీన మిశ్ర, నీలిమా నాయుడు,  హీరోయిన్లు శ్రీముఖి, శ్యామలీలు హాజరయ్యారు.