TV
కాంగ్రెస్ మేధోమథన సదస్సుకు రాహుల్?
సాక్షి, హైదరాబాద్: రాష్ర్టంలో కాంగ్రెస్ పార్టీ బలోపేతానికి, భవిష్యత్ కార్యాచరణ రూపకల్పనకు ఈ నెల 23, 24 తేదీల్లో నిర్వహించనున్న మేధోమథన సదస్సుకు ఆ పార్టీ ఉపాధ్యక్షుడు రాహుల్ గాంధీ హాజ రయ్యే అవకాశాలున్నాయి. ఈ సదస్సు వేదికకు సంబంధించి రంగారెడ్డి జిల్లాలోని ఇబ్రహీంపట్నం మండలం శేరిగూడలోని శ్రీ ఇందు కళాశాల ప్రాంగణాన్ని శుక్రవారం ఆ పార్టీ నేతలు మల్లు రవి, కమలాకర్‌రావు, కోదండరెడ్డి తదితరులు పరిశీలించారు. గత ఎన్నికల్లో పోటీచేసిన అభ్యర్థులు, ఏఐసీసీ ముఖ్యనేతలు దిగ్విజయ్‌సింగ్, జయరాం రమేశ్, కొప్పుల రాజు తదితరులు పాల్గొననున్నారు. పార్టీ ఓట మికి కారణాలను సమీక్షించి, పార్టీ బలోపేతంపై దృష్టి కేంద్రీకరించనున్నారు.
