TV
సొరంగం.. మెక్సికో టు అమెరికా!
మెక్సికోలోని తిజువానా పట్టణంలో గల ఓ ఇంట్లో బట్టలు దాచే అల్మారా కింద నుంచి సొరంగం తవ్విన దృశ్యమిది. తిజువానా నుంచి సరిహద్దు కిందుగా అమెరికాలోని శాన్‌డీయాగో సమీపానికి చేరే దిశగా 500 అడుగుల దూరం తవ్విన ఈ సొరంగాన్ని మంగళవారం మెక్సికన్ సైనికులు కనుగొన్నారు.
మెక్సికో నుంచి అమెరికాకు డ్రగ్స్‌ను అక్రమంగా రవాణా చేసేందుకే స్మగ్లర్లు దీనిని తవ్వారని, ఈ సంఘటనకు సంబంధించి 9 మందిని పోలీసులు అరెస్టు చేసినట్లు అధికారులు వెల్లడించారు. అధికారికంగా సరిహద్దును దాటే ప్రాంతానికి 7 మైళ్ల దూరంలో రహస్యంగా సరిహద్దును దాటేలా ఈ సొరంగం తవ్వినట్లు పేర్కొన్నారు.
