ఆ ముగ్గురికి ట్రిపుల్ తలాక్ ఖాయం: ఒవైసీ

 

ములాయం సింగ్ యాదవ్, అఖిలేష్, రాజీవ్ గాంధీలను ముస్లింలు తమ నాయకులుగా అంగీకరించారని, కానీ వాళ్లు ముస్లింలను మోసం చేశారని అసదుద్దీన్ అన్నారు. వాళ్ల పిరికితనం, అన్యాయం, నిర్లక్ష్యం వల్లనే తాను ఈరోజు మీ ముందుకు రావాల్సి వచ్చిందంటూ ఓటర్లతో చెప్పారు. ఉగ్రవాద కేసుల్లో ఇరుక్కున్న ముస్లిం యువకులను విడిపిస్తామని సమాజ్‌వాదీ పార్టీ హామీ ఇచ్చింది గానీ, ఆ విషయంలో ఏమీ చేయలేదన్నారు. ట్రిపుల్ తలాక్ గురించే మోదీ ప్రభుత్వం ఎందుకు పట్టుకుని వేలాడుతోందని ఆయన ప్రశ్నించారు. వాళ్లు జకియా జాఫ్రీ గురించి, దాద్రీ ఘటనలో మరణించిన అఖ్లాక్ తల్లి గురించి ఎందుకు మాట్లాడరని అడిగారు.