తల్లి కాబోతున్న టాలీవుడ్‌ హీరోయిన్‌.. గతేడాది పోలీస్‌ ఆఫీసర్‌తో పెళ్లి (ఫోటోలు)

మధ్యప్రదేశ్‌కి చెందిన చిత్ర శుక్లా.. 2014లో 'ఛల్ భాగ్' అనే హిందీ మూవీతో ఇండస్ట్రీలోకి వచ్చింది.

ఈ సినిమాతో పాటు 'పులి', 'నేను శైలజ' చిత్రాల్లో సైడ్ డ్యాన్సర్‌గా కనిపించింది. 2016లో శ్రీవిష్ణు హీరోగా వచ్చిన 'మా అబ్బాయి' మూవీతో హీరోయిన్ అయిపోయింది.

ఆ తర్వాత తెలుగులో 'రంగుల రాట్నం', సిల్లీ ఫెలోస్, తెల్లవారితో గురువారం, పక్కా కమర్షియల్, ఉనికి, హంట్ తదితర చిత్రాల్లో నటించింది. కాకపోతే ఈమెకు అనుకున్నంత గుర్తింపు రాలేదు.

రాజ్ తరుణ్ నటించిన రంగులరాట్నం సినిమా ఆమెకు కొద్దోగొప్పో పేరు తీసుకొచ్చింది.

2023 డిసెంబర్‌లో వైభవ్ ఉపాధ్యాయ్‌ని ప్రేమించి పెళ్లి చేసుకున్న చిత్ర శుక్లా.. మధ్యప్రదేశ్‌ ప్రభుత్వంలో ఫారెస్ట్‌ డిపార్ట్‌మెంట్‌లో పోలీస్‌ అధికారిగా వైభవ్ పనిచేస్తున్నారు.

బయోటెక్నాలజీ పూర్తి చేసిన చిత్రకు కాలేజీ రోజుల్లోనే వైభవ్‌తో ఉన్న స్నేహం ఆపై ప్రేమగా మారింది.

చిత్ర శుక్లా, వైభవ్‌ ఇప్పుడు తల్లిదండ్రులు కాబోతున్నారు.

తాను గర్భంతో ఉన్నట్లు చిత్ర శుక్లా పరోక్షంగా ప్రకటించింది. వినాయకచవితి రోజు రెండు శుభవార్తలు అంటూ ఫోటోలు పంచుకుంది.