అద్భుతమైన నటి‌.. బోలెడు వివాదాలు.. 'తంగలాన్' బ్యూటీ గురించి ఇవి తెలుసా? (ఫొటోలు)

మలయాళ నటి పార్వతి తిరువొత్తు. ఈ పేరు చెప్పగానే మంచి సినిమాలు గుర్తొస్తాయి.

2006 నుంచి ఇండస్ట్రీలో ఉంది. నటిగా ఎన్నో అద్భుతమైన మూవీస్ చేసింది.

ఓటీటీలు అలవాటైన తర్వాత ఈమె సినిమాలు తెలుగు ప్రేక్షకులకు కూడా దగ్గరయ్యాయి.

అలాంటి వాటిలో బెంగళూరు డేస్, చార్లీ, టేకాఫ్, ఉయరే తదితర చిత్రాలున్నాయి.

రీసెంట్‌గా 'తంగలాన్' సినిమాలో డీ గ్లామర్ పాత్రలో ఆకట్టుకునే యాక్టింగ్ చేసింది.

మొన్నీమధ్యే 'ఉళ్లోరుక్కు' అనే సినిమాతోనూ హిట్ కొట్టేసింది.

నటిగా ఈమెని వంక పెట్టడానికి ఏముండదు. అదే టైంలో ఈమెపై బోలెడన్ని వివాదాలు.

గతంలో మలయాళ చిత్రసీమలో నటీనటుల హీరోహీరోయిన్ల రెమ్యునరేషన్ గురించి గళమెత్తింది.

హీరోహీరోయిన్లకు పారితోషికాల్లో ఎందుకంత వ్యత్యాసం ఉందని తన అభిప్రాయాన్ని బయటపెట్టింది.

2017లో ఏకంగా మమ్ముట్టి లాంటి స్టార్ హీరోపైనే ఊహించని కామెంట్స్ చేసింది.

కేరళ ఫిల్మ్ ఫెస్టివల్‌లో మాట్లాడుతూ మహిళల్ని కించపరిచే డైలాగ్స్ సినిమాలో ఉన్నాయని ఫైర్ అయ్యింది.

2020లో ఏకంగా మలయాళ మూవీ ఆర్టిస్ట్ అసోసియేషన్ నుంచి బయటకొచ్చేసింది.

ఈ అసోసియేషన్‌కి చెందిన ఎడవెల బాబు అనే వ్యక్తి ఆడవాళ్లపై దారుణమైన కామెంట్స్ చేశాడు.

దీంతో అతడికి లెఫ్ట్ అండ్ రైట్ ఇచ్చేసి, మూవీ ఆర్టిస్ట్ అసోసియేషన్ నుంచి రాజీనామా చేసి బయటకొచ్చేసింది.

కొన్నాళ్ల క్రితం 'అన్నపూరణి' సినిమాని ఓటీటీ నుంచి నిర్దాక్షిణ్యంగా తొలగించంపైనా అసంతృప్తి వ్యక్తం చేసింది.

ఇలా చేయడం దారుణమని చెబుతూ, సెన్సార్‌షిప్ మరింత పకడ్బందీగా ఉండాలని కోరింది.

ఇలా చెప్పుకొంటూ పోతే బోలెడన్ని వివాదాల్లో పార్వతి తిరువొత్తు ఉంది.

తాజాగా 'తంగలాన్' సినిమాతో పార్వతి చర్చనీయాంశమైంది. మళ్లీ ఈ వివాదాలన్నీ మరోసారి హాట్ టాపిక్ అయిపోయాయి.