తాత ప్రధానమంత్రి.. హీరోయిన్‌గా పాన్ ఇండియా క్రేజ్.. అదితీ గురించి తెలుసా? (ఫొటోలు)

హీరోయిన్లకు అంతో ఇంతో బ్యాక్‌గ్రౌండ్ ఉండటం సాదారణ విషయమే.

కానీ అదితీ రావ్ హైదరీకి ఉన్నంతలా మాత్రం వేరే ఏ హీరోయిన్‌కి ఉండదేమో?

ఎందుకంటే ఈమె తాత (తండ్రి తండ్రి) అక్బర్ హైదరీ.. అప్పట్లో హైదరాబాద్ ప్రధానమంత్రిగా చేశారు.

మరో తాత రామేశ్వరరావ్ (తల్లి తండ్రి) తెలంగాణలోని వనపర్తి సంస్థానధీశునిగా ఉన్నారు.

ఇలా రాజుల వంశానికి చెందిన అదితీ.. 1986లో హైదరాబాద్‌లో పుట్టింది.

ఈమెకు రెండేళ్ల ఉన్నప్పుడే తల్లితండ్రులు విడిపోవడంతో తల్లితో కలిసి ఢిల్లీ వచ్చేసింది. అక్కడే పెరిగింది.

బాలీవుడ్ స్టార్ హీరో ఆమిర్ ఖాన్ మాజీ భార్య, దర్శకురాలు కిరణ్ రావ్ ఈమెకు బంధువే.

2006లో సినిమాల్లోకి వచ్చిన అదితీ.. తెలుగు, తమిళ, మలయాళ, హిందీ భాషల్లో నటించింది.

సమ్మోహనం, అంతరిక్షం, వి, మహా సముద్రం తదితర తెలుగు చిత్రాలతో గుర్తింపు తెచ్చుకుంది.

'మహాసముద్రం' షూటింగ్ టైంలో హీరో సిద్ధార్థ్‌తో ప్రేమలో పడింది. రీసెంట్‍‌గానే వీళ్లు పెళ్లి చేసుకున్నారు.

గతంలో హిందీ నటుడు సత్యదీప్ మిశ్రాని 2007లో అదితీ పెళ్లి చేసుకుంది. కానీ ఆరేళ్లకే విడాకులు తీసుకున్నారు.

ప్రస్తుతం పాన్ ఇండియా లెవల్లో అలరిస్తున్న అదితీ రావ్ హైదరీకి పుట్టినరోజు (అక్టోబర్ 28) శుభాకాంక్షలు.