ఎంఎస్‌ ధోని కూతురు జివా స్కూల్‌ ఫీజు ఎంతో తెలుసా? (ఫొటోలు)

సెలబ్రిటీల వ్యక్తిగత జీవితం గురించి తెలుసుకోవాలని అభిమానుల్లో కుతూహలం ఉండటం సహజం.

ఆయా రంగాల్లో వారు సాధించిన విజయాలతో పాటు.. పర్సనల్‌ లైఫ్‌ గురించి ఆరా తీస్తారు ఫ్యాన్స్‌.

ఇక సోషల్‌ మీడియా వినియోగం పెరిగిన తర్వాత వారికి ఈ పని మరింత ఈజీ అయిపోయింది.

టీమిండియా మాజీ కెప్టెన్‌ మహేంద్ర సింగ్‌ ధోని కుమార్తె జివా స్కూల్‌ ఫీజుకు సంబంధించినదే ఈ కథనం

టీమిండియాకు మూడు ఐసీసీ టైటిళ్లు అందించిన ధోని క్రీడా జీవితం తెరిచిన పుస్తకమే.

ఇక ఈ చెన్నై సూపర్‌ కింగ్స్‌ మాజీ సారథి‌ పర్సనల్‌ లైఫ్‌ గురించి కూడా కొత్తగా చెప్పాల్సింది ఏమీలేదు.

జార్ఖండ్‌లో సాధారణ మధ్యతరగతి కుటుంబంలో జన్మించిన ధోని.. క్రికెటర్‌గా అత్యున్నతస్థాయికి చేరుకున్నాడు.

పేరు ప్రఖ్యాలతో పాటు వెయ్యి కోట్ల మేర ఆస్తులు కూడా కూడబెట్టినట్లు సమాచారం ఇక మహీ 2010, జూలై 4న సాక్షి సింగ్‌ను పెళ్లి చేసుకున్నాడు ఈ జంటకు 2015, ఫిబ్రవరి 6న కూతురు జివా జన్మించింది.

జివా జన్మించే సమయానికి.. వన్డే వరల్డ్‌కప్‌ ఈవెంట్‌తో ఆస్ట్రేలియాలో బిజీగా ఉన్నాడు. టీమిండియా కెప్టెన్‌గా తన బాధ్యతలు నెరవేర్చిన తర్వాతే బిడ్డను చూడటానికి దేశానికి తిరిగి వచ్చాడు.

ఒక్కగానొక్క కూతురు జివా అంటే ధోనికి పంచప్రాణాలు. కోటీశ్వరుడైన ధోని తలచుకుంటే తన కూతురిని విదేశాల్లో టాప్‌ మోస్ట్‌ స్కూల్స్‌లో చదివించగలడు. కానీ.. బిడ్డకు దూరంగా ఉండటం అతడికి ఇష్టం లేదు.

అందుకే స్వస్థలం రాంచిలోనే ప్రముఖ పాఠశాలలో జివాను చేర్పించారు ధోని జివా ప్రస్తుతం నాలుగో తరగతి చదువుతున్నట్లు సమాచారం. ఈ ఇంటర్నేషనల్‌ స్కూళ్లో డే స్కాలర్‌గా ఉన్న జివా కోసం ధోని ఏడాదికి చెల్లిస్తున్న ఫీజు ఎంతో తెలుసా? అక్షరాలా రెండు లక్షల డెబ్బై ఐదువేల రూపాయలట!!

సదరు పాఠశాల వెబ్‌సైట్‌లో ఉన్న వివరాల ప్రకారం గ్రేడ్‌ 2-8 వరకు డే స్కాలర్స్‌కు రూ. 2,75,000, హాస్టల్‌లో ఉండే వాళ్లకు రూ. 4,40,000 చెల్లించాల్సి ఉంటుంది.

మరి ఈ లెక్కన జివా నెల ఫీజు సుమారు 23 వేల రూపాయలు!

ధోనికి ఈ మొత్తం లెక్కకాదు. అయితే, కూతుర్ని విదేశాల్లో చదివించడమో.. హాస్టల్లో వేయడమో కాకుండా తామే స్వయంగా బిడ్డ ఆలనాపాలనా దగ్గరుండి చూసుకోవడం విశేషమే!!