హైదరాబాద్, బిజినెస్‌ బ్యూరో: మానవ వనరుల నిర్వహణ సంస్థల సమాఖ్య ఎస్‌హెచ్‌ఆర్‌ఎంకి సంబంధించిన ’ఎస్‌హెచ్‌ఆర్‌ఎంటెక్‌23’ సదస్సు హైదరాబాద్‌లో ప్రారంభమైంది. రెండు రోజుల పాటు జరిగే ఈ కాన్ఫరెన్స్‌లో 120 పైచిలుకు వక్తలు, 4,000 పైగా హెచ్‌ఆర్, టెక్నాలజీ నిపుణులు పాల్గొంటున్నారు. సంబంధిత అంశాలపై 60 పైగా సెషన్లు నిర్వహిస్తున్నారు. కొత్త ధోరణులు, నవకల్పనల గురించి హెచ్‌ఆర్‌ నిపుణులు చర్చించుకునేందుకు ఇది వేదికగా ఉపయోగపడగలదని ఎస్‌హెచ్‌ఆర్‌ఎం ఇండియా సీఈవో అచల్‌ ఖన్నా తెలిపారు. సాంకేతిక పురోగతి, దాని పరిణామాలు మానవ సామరŠాధ్యలపై గణనీయంగా ప్రభావం చూపుతున్నాయని కోవీలింగ్‌ అండ్‌ ఫ్రాంక్లిన్‌కోవీ సహ వ్యవస్థాపకుడు స్టీఫెన్‌ ఎంఆర్‌ కోవీ తెలిపారు. టెక్నాలజీ వినియోగంలోనూ తగు జాగ్రత్తలు తీసుకోవాలని ఆయన సూచించారు.


 ఎస్‌హెచ్‌ఆర్‌ఎం ఇండియా సీఈఓ అచల్‌ ఖన్నా
 హైదరాబాద్, బిజినెస్‌ బ్యూరో: ‘‘మానవ వనరుల నిర్వహణలో సాంకేతికతను వినియోగించాలి. అప్పుడే ఉత్పాదకత పెరిగి.. సంస్థ అభివృద్ధి చెందుతుందని’’ మానవ వనరుల నిర్వహణ సంస్థ (ఎస్‌హెచ్‌ఆర్‌ఎం) ఇండియా సీఈఓ అచల్‌ ఖన్నా తెలిపారు. ప్రస్తుతం దేశంలో నైపుణ్యమున్న ఉద్యోగుల కొరత ఉందని.. దీన్ని అధిగమించాలంటే హెచ్‌ఆర్‌ నిర్వహణలో టెక్నాలజీని వినియోగించాలని సూచించారు. గురువారమిక్కడ ‘ఎస్‌హెచ్‌ఆర్‌ఎం టెక్‌–2017’ రెండు రోజుల ప్రదర్శన ప్రారంభమైంది.
 ఈ సందర్భంగా అచల్‌ మాట్లాడుతూ.. ఏ సంస్థ అయినా నడవాలంటే ఆర్ధిక, సాంకేతిక దన్నుతో పాటూ మానవ వనరులూ అవసరం. అంటే సంస్థ అభివృద్ధిలో హెచ్‌ఆర్‌లూ భాగస్వాములేనని తెలియజేశారు. 400లకు పైగా కంపెనీలు 850కి పైగా ప్రముఖులు ఈ ప్రదర్శనలో పాల్గొన్నారు. సుమారు 50కి పైగా హెచ్‌ఆర్‌ సొల్యూషన్స్‌ స్టార్టప్స్‌ తమ ఉత్పత్తులను ప్రదర్శించాయి. ఈ కార్యక్రమంలో ఎస్‌హెచ్‌ఆర్‌ఎం చీప్‌ హెచ్‌ఆర్‌ అండ్‌ స్ట్రాటజీ ఆఫీసర్‌ జెఫ్‌ టీహెచ్‌ పాన్, సీనియర్‌ వైస్‌ ప్రెసిడెంట్‌ అలెగ్జాండర్‌ అలోన్‌సో తదితరులు పాల్గొన్నారు.