నాగబాబు శక్తిమంతమైన పోలీస్ అధికారిగా నటించిన చిత్రం ‘అదేరా ప్రేమంటే’. శివరామ్ ఆయంచ, దీప్సిక జంటగా బాబు.ఎస్ దర్శకత్వంలో శ్రీనివాస్ అనంతనేని నిర్మిస్తున్న ఈ చిత్రం ఇటీవలే చిత్రీకరణ పూర్తి చేసుకుంది. ఈ సందర్భంగా దర్శకుడు మాట్లాడుతూ -‘‘ఇదొక క్రైమ్ థ్రిల్లర్. ప్రేమలోని విభిన్న కోణాన్ని ఇందులో ఆవిష్కరించాం. తాగుబోతు రమేష్‌పై తీసిన పాట ఈ సినిమాకే హైలైట్’’ అని చెప్పారు. ఈ నెలాఖరున పాటల్ని విడుదల చేస్తామని నిర్మాత తెలిపారు. ఈ చిత్రానికి సంగీతం: విజయ్ ప్రకాష్ తవ్వా, కెమెరా: వైకే ప్రసాద్, సమర్పణ: దేవరకొండ ఆంజనేయులు.