తూర్పుగోదావరి జిల్లా మలికిపురం మండలం అడవిపాలెం వద్ద ఓఎన్జీసీ పైపులైను నుంచి ఆయిల్ లీకయ్యింది. దాదాపు 15 ఏళ్ల క్రితం వేసిన ఈ పైపులైనును మార్చాలని స్థలం యజమాని ఎప్పటినుంచో చెబుతున్నారు.
 
 అయితే ఓఎన్జీసీ వర్గాలు మాత్రం పాత కాలం నాటి ఈ పైపులైనును మార్చకుండా తాత్కాలిక మరమ్మతులతోనే సరిపెట్టేస్తున్నారని తెలిసింది. దానివల్లే గ్యాస్ కలెక్షన్ సెంటర్ (జీసీఎస్)కు సమీపంలో ఉన్న ఈ పైపులైను తరచు లీకవుతూ ఉంటుంది. అలాగే శనివారం కూడా పైపులైను నుంచి ఆయిల్ లీకవ్వడంతో ఓఎన్జీసీ సిబ్బంది వచ్చి లీకేజీని అదుపు చేశారు.