జింఖానా, న్యూస్‌లైన్: వశిష్ట ఓపెన్ ఏఐటీఏ టాలెంట్ సిరీస్ బాలికల విభాగంలో టాప్ సీడ్ శివానుజ సెమీఫైనల్స్‌లోకి దూసుకెళ్లింది. కార్నివాల్ క్లబ్‌లో బుధవారం జరిగిన క్వార్టర్‌ఫైనల్స్‌లో శివానుజ 4-1, 4-2తో మాన్యా విశ్వనాథ్‌పై విజయం సాధించింది.
  
  
  రెండో సీడ్ ఆనంద్ ధరాన 4-1, 4-2తో ఫాతిమా జువేరాపై గెలవగా, ఒమర్ మిష్‌గాన్ 4-0, 1-4, 4-2తో మిక్రా జైస్వాల్‌పై, ధృతి కపూర్ 4-2, 4-0తో అవంతి రెడ్డిపై నెగ్గి సెమీస్‌కు అర్హత సాధించారు. బాలుర విభాగంలో టాప్ సీడ్ అనికేత్ వెంకట్ క్వార్టర్‌ఫైనల్స్‌లోకి చేరుకున్నాడు.
  


 జింఖానా, న్యూస్‌లైన్: ఏఐటీఏ టాలెంట్ సిరీస్ టెన్నిస్ టోర్నీ బాలుర అండర్-12 విభాగంలో ఆంధ్రప్రదేశ్ కుర్రాడు హర్షిత్ ఫైనల్లోకి ప్రవేశించాడు. బోయిన్‌పల్లిలో సూర్యా టెన్నిస్ ఫౌండేషన్ నిర్వహిస్తున్న ఈ టోర్నీలో శుక్రవారం జరిగిన సెమీఫైనల్లో హర్షిత్ 6-2, 6-0తో అనురాగ్ అగర్వాల్ (పశ్చిమ బెంగాల్)పై విజయం సాధించాడు. తనతో పాటు ప్రీతమ్ (ఆంధ్రప్రదేశ్) 6-2, 7-5తో రుచిత్ గౌడ్  (ఆంధ్రప్రదేశ్)పై నెగ్గాడు.
  
   బాలిక ల అండర్-12 విభాగంలో సంస్కృతి 6-4, 6-1తో అవంతికా రెడ్డి (ఆంధ్రప్రదేశ్)పై, సాహితి రెడ్డి (ఆంధ్రప్రదేశ్) 6-3, 5-7, 7-6తో సమృతి భాసిన్ (ఆంధ్రప్రదేశ్)పై గెలిచారు. బాలుర అండర్-14 విభాగంలో అనికేత్ (ఆంధ్రప్రదేశ్) 0-6, 6-4, 6-3తో శ్రీహర్ష (ఆంధ్రప్రదేశ్)పై, సాయి కార్తీక్ (ఆంధ్రప్రదేశ్) 6-2, 6-0తో హర్షిత్ (ఆంధ్రప్రదేశ్)పై గెలుపొందారు. బాలికల అండర్-14 విభాగంలో ఉమర్ మిష్‌గాన్ (ఆంధ్రప్రదేశ్) 3-6, 6-4, 6-4తో జువేరా ఫాతిమ (ఆంధ్రప్రదేశ్)ను, శ్రావ్య శివాని (ఆంధ్రప్రదేశ్) 6-1, 6-1తో శ్రేయ (ఆంధ్రప్రదేశ్)ను ఓడించి ఫైనల్స్‌కు అర్హత సాధించారు.  
  


 జింఖానా, న్యూస్‌లైన్: ఏఐటీఏ టాలెంట్ సిరీస్ జూనియర్ ర్యాంకింగ్ టెన్నిస్ టోర్నీ అండర్-14 బాలికల విభాగంలో ఆంధ్రప్రదేశ్ క్రీడాకారిణి ఉమర్ మిష్‌గాన్ సెమీస్‌లోకి ప్రవేశించింది. బోయిన్‌పల్లిలోని సూర్య టెన్నిస్ ఫౌండేషన్ నిర్వహిస్తున్న ఈ టోర్నీలో గురువారం జరిగిన మ్యాచ్‌లో ఉమర్ మిష్‌గాన్ 9-3తో చరిత వాసిరెడ్డి (ఆంధ్రప్రదేశ్ )పై విజయం సాధించింది.
  
   తనతో పాటు జువేరా ఫాతిమ (ఆంధ్రప్రదేశ్ ) 9-1తో లాస్య (ఆంధ్రప్రదేశ్ )పై, శ్రేయ (ఆంధ్రప్రదేశ్ ) 9-8తో క్రితి పరేఖ్ (ఆంధ్రప్రదేశ్ )పై, శ్రావ్య శివాని (ఆంధ్రప్రదేశ్ ) 9-1తో తనూజా చౌహాన్ (ఆంధ్రప్రదేశ్ )పై నెగ్గారు. బాలుర అండర్-12 విభాగంలో ప్రీతమ్ (ఆంధ్రప్రదేశ్ )19-8తో అన్నే ఆకాష్  (ఆంధ్రప్రదేశ్ )పై గెలిచి సెమీస్‌కు అర్హత సాధించాడు. హర్షిత్ (ఆంధ్రప్రదేశ్ ) 9-7తో ఇక్బాల్ ఖన్ (ఆంధ్రప్రదేశ్ )పై, అనురాగ్ (పశ్చిమబెంగాల్) 9-4తో దీపక్ (ఆంధ్రప్రదేశ్ )పై, రుచిత్ (ఆంధ్రప్రదేశ్ ) 9-8తో రిషిల్ గుప్తా (ఆంధ్రప్రదేశ్ )పై గెలుపొందారు. బాలుర అండర్-14 విభాగంలో వెంకట్ అనికేత్ (ఆంధ్రప్రదేశ్ ) 9-3తో ఆకాష్ (ఆంధ్రప్రదేశ్ )పై,శ్రీ హర్ష (ఆంధ్రప్రదేశ్ ) 9-5తో ఆదర్శ్‌నాగ (ఆంధ్రప్రదేశ్ )పై, కొసరాజు హర్షిత్ (ఆంధ్రప్రదేశ్ ) 9-1తో సయ్యద్ కరీముల్లా (ఆంధ్రప్రదేశ్ )పై, సాయి కార్తీక్ (ఆంధ్రప్రదేశ్) 9-4తో ఆకాష్ రెడ్డి (ఆంధ్రప్రదేశ్ )పై విజయం దక్కించుకున్నారు. బాలికల అండర్-12 విభాగంలో అవంతిక రెడ్డి (ఆంధ్రప్రదేశ్ ) 9-8తో జువేరా ఫాతిమా (ఆంధ్రప్రదేశ్ )ను, సంస్కృతి (ఆంధ్రప్రదేశ్ ) 9-4తో అమూల్య (ఆంధ్రప్రదేశ్ )ను, సాహితీ రెడ్డి (ఆంధ్రప్రదేశ్ ) 9-6తో సొనాలి జైస్వాల్ (ఆంధ్రప్రదేశ్ )ను, సమృతి భాసిన్ (ఆంధ్రప్రదేశ్ ) 9-2తో శ్రేయ (ఆంధ్రప్రదేశ్ )ను ఓడించారు.