న్యూఢిల్లీ: అజాజ్ ఖాన్ .. దూకుడు, నాయక్ సినిమాల్లో విలన్ రోల్ చేసిన ఈ నటుడు తెలుగు ప్రేక్షకులకు బాగా సుపరిచితమే. అయితే బిగ్ బాస్ షోకు  హాజరైన అజాజ్ ఖాన్ దూకుడుగా వ్యవహరించి బహిష్కరణకు గురయ్యాడు.  జనవరి మూడో తేదీ నుంచి ఆరంభమైన 'బిగ్ బాస్ హల్లా బోల్' కార్యక్రమానికి అజాజ్ హాజరయ్యాడు. ఈ క్రమంలోనే అలీ ఖలీ మిర్జా- అజాజ్ ల మధ్య చిట్ చాట్ జరిగింది. తొలుత నవ్వులతో మొదలైన వారిద్దరి మధ్య సంభాషణ చివరకు చిలికి చిలికి గాలి వానలా మారింది.
  
 దీంతో వారిమధ్య మాటల యుద్ధం తీవ్రస్థాయికి చేరి ఘర్షణ వాతావరణాన్ని తలపించింది. ప్రస్తుతం షో రూల్స్ కఠినంగా ఉండటంతో అజాజ్ కు షో నుంచి  బయటకు రాక తప్పలేదు.  బిగ్ బాస్ -8 లో ఉన్న ఐదు మంది ఛాలెంజర్స్ లో అజాజ్ ఒకడు.  నవంబర్ బర్ లో బిగ్ బాస్ -8లో బాలీవుడ్ నటి సోనాలి రౌత్  తన సహనాన్ని కోల్పోయి షో నుంచి బహిష్కరణకు గురైన సంగతి తెలిసిందే. బిగ్ బాస్ షో  నామినేషన్ లో భాగంగా హాజరైన సోనాలి సహనం కోల్పోయి అలీ చెంప చెళ్లుమనిపించింది.


 ముంబై:ఎన్నో సంచలనాలతో ఆరంభమైన బిగ్ బాస్ -8 లో మరో వివాదం చోటు చేసుకుంది. బిగ్ బాస్ -8లో బాలీవుడ్ నటి సోనాలి రౌత్  తన సహనాన్ని కోల్పోయి షో నుంచి బహిష్కరణకు గురయ్యింది.  బిగ్ బాస్ షో  నామినేషన్ లో భాగంగా హాజరైన సోనాలితో పునీత్ మరియు అలీ ఖలీ మిర్జాలు చిట్ చాట్ లో పాల్గొన్నారు.
  
 ఈ సందర్భంగా పునీత్, అలీలు వాదనలు సోనాలికి విసుగుతెప్పించాయి. దీంతో సోనాలి సహనం కోల్పోయి ఒక్కసారిగా అలీ చెంప చెళ్లు మనిపించింది. ఈ ఘటనతో ఉలిక్కిపడిన అలీ మూటా ముళ్లు సర్దుకుని ఆ షో నుంచి వెళ్లిపోయాడు. సోనాలితో వాదనలు జరుగుతుండగా తాను పదే పదే అడ్డుతగిలాననే ఆమె సహనాన్ని కోల్పోయి తనతో అసభ్యంగా ప్రవర్తించిందని అలీ స్పష్టం చేశాడు. దీంతో సోనాలిని షో నుంచి బహిష్కరిస్తున్నట్లు బిగ్ బాస్ టీం తెలిపింది.