కె.కోటపాడు: సైబర్‌ నేరాలు పెరుగుతున్న దృష్ట్యా ప్రజలకు విస్తృత అవగాహన కల్పించాలని అనకాపల్లి జిల్లా ఎస్పీ తుహిన్‌ సిన్హా అన్నారు. ఎ.కోడూరు, కె.కోటపాడు పోలీస్‌స్టేషన్లను బుధవారం సాయంత్రం ఆయన ఆకస్మికంగా తనిఖీ చేశారు. ఈ సందర్భంగా ఆయన రెండు పోలీస్‌స్టేషన్ల రికార్డులు పరిశీలించారు. పెండింగ్‌ కేసుల సీడీ ఫైళ్లను పరిశీలించి, వాటి పురోగతిపై అధికారులకు సూచనలను చేశారు. గంజాయి అక్రమ రవాణాను నియంత్రించేందుకు ఆకస్మిక తనిఖీలు నిర్వహించడంతో పాటు గ్రామాల్లో అసాంఘిక కార్యకలాపాలు నిరోధించేందుకు పోలీస్‌ సిబ్బంది సమన్వయంతో పని చేయాలని తెలిపారు. ద్విచక్ర వాహన చోదకులు హెల్మట్‌ ధరించాలని, ట్రాఫిక్‌ నియమాలు ఉల్లంఘించిన వారిపై ఎన్‌ఫోర్స్‌మెంట్‌ కేసులు నమోదు చేయాలని పోలీస్‌ సిబ్బందికి సూచించారు. రౌడీ షీటర్లు, చెడు నడత కలిగిన వ్యక్తులపై ప్రత్యేక నిఘా ఉంచాలని వివరించారు. దొంగతనాలు, ఇతర నేరాలను అరికట్టేందుకు రాత్రి గస్తీలను పోలీసులు మరింత పటిష్టంగా నిర్వహించాలని సూచించారు. అనంతరం పోలీస్‌స్టేషన్‌లో సిబ్బందితో మాట్లాడారు. కార్యక్రమంలో కె.కోటపాడు సీఐ పైడపునాయుడు, ఎ.కోడూరు, కె.కోటపాడు పోలీస్‌స్టేషన్ల ఎస్‌ఐలు డి.లక్ష్మీనారాయణ, ఆర్‌.ధనుంజయ్‌ తదితరులు పాల్గొన్నారు.

కె.కోటపాడు: సైబర్‌ నేరాలు పెరుగుతున్న దృష్ట్యా ప్రజలకు విస్తృత అవగాహన కల్పించాలని అనకాపల్లి జిల్లా ఎస్పీ తుహిన్‌ సిన్హా అన్నారు. ఎ.కోడూరు, కె.కోటపాడు పోలీస్‌స్టేషన్లను బుధవారం సాయంత్రం ఆయన ఆకస్మికంగా తనిఖీ చేశారు. ఈ సందర్భంగా ఆయన రెండు పోలీస్‌స్టేషన్ల రికార్డులు పరిశీలించారు. పెండింగ్‌ కేసుల సీడీ ఫైళ్లను పరిశీలించి, వాటి పురోగతిపై అధికారులకు సూచనలను చేశారు. గంజాయి అక్రమ రవాణాను నియంత్రించేందుకు ఆకస్మిక తనిఖీలు నిర్వహించడంతో పాటు గ్రామాల్లో అసాంఘిక కార్యకలాపాలు నిరోధించేందుకు పోలీస్‌ సిబ్బంది సమన్వయంతో పని చేయాలని తెలిపారు. ద్విచక్ర వాహన చోదకులు హెల్మట్‌ ధరించాలని, ట్రాఫిక్‌ నియమాలు ఉల్లంఘించిన వారిపై ఎన్‌ఫోర్స్‌మెంట్‌ కేసులు నమోదు చేయాలని పోలీస్‌ సిబ్బందికి సూచించారు. రౌడీ షీటర్లు, చెడు నడత కలిగిన వ్యక్తులపై ప్రత్యేక నిఘా ఉంచాలని వివరించారు. దొంగతనాలు, ఇతర నేరాలను అరికట్టేందుకు రాత్రి గస్తీలను పోలీసులు మరింత పటిష్టంగా నిర్వహించాలని సూచించారు. అనంతరం పోలీస్‌స్టేషన్‌లో సిబ్బందితో మాట్లాడారు. కార్యక్రమంలో కె.కోటపాడు సీఐ పైడపునాయుడు, ఎ.కోడూరు, కె.కోటపాడు పోలీస్‌స్టేషన్ల ఎస్‌ఐలు డి.లక్ష్మీనారాయణ, ఆర్‌.ధనుంజయ్‌ తదితరులు పాల్గొన్నారు.

అనకాపల్లి: కేంద్ర పథకాల ద్వారా ప్రభుత్వ శాఖల్లో పని చేస్తున్న కాంట్రాక్ట్‌, ఔట్‌ సోర్సింగ్‌ ఉద్యోగులకు మినిమం టైం స్కేల్‌ అమలు చేయబోమని ఇటీవల రాష్ట ప్రభుత్వం తీసుకొచ్చిన జీవో నంబర్‌ 2ను తక్షణమే రద్దు చేయాలని, ఆప్కోస్‌ను రద్దు చేసి జిల్లాల ఏజెన్సీలకు ఉద్యోగులను కట్టబెట్టాలనే క్యాబినెట్‌ నిర్ణయాన్ని వెనక్కి తీసుకోవాలని ఏపీ ప్రభుత్వ కాంట్రాక్ట్‌ అండ్‌ ఔట్‌సోర్సింగ్‌ ఎంప్లాయీస్‌ టీచర్స్‌ అండ్‌ వర్కర్స్‌ ఫెడరేషన్‌ జేఏసీ రాష్ట్ర చైర్మన్‌ ఏవీ నాగేశ్వరరావు డిమాండ్‌ చేశారు. స్థానిక సీఐటీయూ కార్యాలయంలో ఫెడరేషన్‌ ఆధ్వర్యంలో బుధవారం జరిగిన సమావేశంలో ఆయన మాట్లాడారు. కూటమి ప్రభుత్వం రాష్ట్రంలో ఉన్న 3 లక్షల కాంట్రాక్ట్‌ అండ్‌ ఔట్‌సోర్సింగ్‌ సిబ్బంది, ఆప్కోస్‌ ఉద్యోగుల పట్ల దుర్మార్గ వైఖరి ప్రదర్శిస్తూ వారిని అభద్రతాభావంలోకి నెట్టటం ఎంత వరకూ సమంజమని ప్రశ్నించారు. ఉద్యమాల ద్వారా ఈ ప్రభుత్వ నిర్ణయాలను తిప్పికొట్టాలన్నారు. గతంలో సమగ్ర శిక్ష, మున్సిపల్‌, అంగన్‌వాడీ తదితర సమ్మెల సందర్భంగా రాష్ట్ర ప్రభుత్వం ఇచ్చిన మినిట్స్‌ను అమలు చేయాలన్నారు. కాంట్రాక్ట్‌, ఔట్‌సోర్సింగ్‌ విభాగాల్లో పని చేస్తున్న ఉద్యోగులందరికీ మినిమం టైమ్‌స్కేల్‌ అమలు చేయడం, హెచ్‌ఆర్‌ఏ, డీఏ, గ్రాట్యుటీ క్రమబద్ధీకరణ వంటి సౌకర్యాలు కల్పించాలన్నారు. దీనిపై మార్చి 10న రాష్ట్ర వ్యాప్తంగా అన్ని జిల్లా కలెక్టర్‌ కార్యాలయాల వద్ద ఆందోళన కార్యక్రమాలు నిర్వహిస్తామన్నారు. సమగ్ర శిక్ష జేఏసీ నాయకుడు బి.కాంతారావు మాట్లాడుతూ 15 సంవత్సరాల నుంచి విద్యాశాఖలో పని చేస్తున్న ఎస్‌ఎస్‌ఏ, కేజీబీవీ ఉద్యోగులు, వైద్య, ఆరోగ్యం, ఇతర శాఖల్లో పని చేస్తున్న వారిని మోసం చేస్తున్నారని పేర్కొన్నారు. ఈ కార్యక్రమంలో ఫెడరేషన్‌ జేఏసీ నాయకులు అచ్యుత కృష్ణ, బ్రహ్మాజీ, నూకేష్‌, రామకృష్ణ, పెంటయ్య, సాయి, నర్సింగరావు, నందేశ్వరరావు, లక్ష్మి, కమల, వి.వి.శ్రీనివాసరావు, దేవకి తదితరులు పాల్గొన్నారు.

● ఆదేశించిన డీఐజీ గోపీనాథ్‌ జెట్టీ ● విశాఖ రేంజ్‌ జిల్లాల ఎస్పీలతో వీడియో కాన్ఫరెన్స్‌ సాక్షి, విశాఖపట్నం : మహిళలపై జరుగుతున్న నేరాలు, అఘాయిత్యాలు, దాడులకు పాల్పడే వారిపై కఠిన చర్యలు ఉంటాయని విశాఖ డీఐజీ గోపీనాథ్‌ జెట్టీ అన్నారు. వీటిపై జిల్లా ఎస్పీలు ప్రత్యేకంగా నిఘా పెట్టాలని, నిందితులపై కేసులు నమోదు చేసి త్వరితగతిన శిక్షలు పడేలా సీఐ, ఎస్‌ఐలు పనిచేయాలని ఆదేశించారు. అలాగే, నేరాల నియంత్రణ, బాధితులకు న్యాయం కల్పించే దిశగా కఠిన చర్యలు తీసుకోవాలని ఆదేశించారు. బుధవారం విశాఖ రేంజ్‌ కార్యాలయంలో వీడియో కాన్ఫరెన్స్‌లో అనకాపల్లి, అల్లూరి సీతారామరాజు జిల్లా, విజయనగరం, శ్రీకాకుళం, మన్యం పార్వతీపురం జిల్లాల ఎస్పీలు ఇతర జిల్లాల అధికారులతో సమీక్ష సమావేశం నిర్వహించారు. గంజాయి నియంత్రణ, ప్రజా సమస్యల పరిష్కార వేదిక ఎన్‌.బి.డబ్ల్యూ అమలు, సైబర్‌ నేరాలు, మహిళలపై జరుగుతున్న నేరాలు, పొక్సో కేసులు, హేయమైన నేరాలు సంబంధించిన కేసుల పై సమీక్ష నిర్వహించారు. గంజాయి రవాణాకు పాల్పడుతున్న, గంజాయి సేవిస్తున్న వారిని గుర్తించి వారిపై ప్రత్యేక షీట్స్‌ తయారు చేయాలన్నారు. గంజాయి నిందితుల ఆస్తుల స్వాధీనానికి, పీడీ యాక్ట్‌ పెట్టేందుకు చర్యలు తీసుకోవాలని ఆదేశాలు జారీ చేశారు. హిట్‌ అండ్‌ రన్‌ కేసుల్లో బాధితులకు పరిహారం అందేలా చర్య లు చేపట్టాలన్నారు. రోడ్డు భద్రతా నియమాలపై అవగాహన కార్యక్రమాలు చేపట్టాలన్నారు. సమీక్ష సమావేశంలో రేంజ్‌ పరిధిలోని 5 జిల్లాల ఎస్పీలు తుహిన్‌ సిన్హా, వకుల్‌ జిందాల్‌, అమిత్‌ బర్దర్‌, కేవీ మహేశ్వర్‌ రెడ్డి, ఎస్‌.వి.మాధవరెడ్డి తదితరులు పాల్గొన్నారు.

● మరో ఇద్దరు పరార్‌ ● కారు, మూడు సెల్‌ఫోన్లు స్వాధీనంయలమంచిలి రూరల్‌ : పదహారో నంబరు జాతీయ రహదారిపై బుధవారం వాహనాలు తనిఖీ చేస్తున్న ఎకై ్సజ్‌ ఎన్‌ఫోర్స్‌మెంట్‌ బ్యూరో పోలీసులకు యలమంచిలి నుంచి తుని వైపు ర్యాష్‌ డ్రైవింగ్‌తో వెళ్తున్న కేరళ రాష్ట్రానికి చెందిన ఓ కారుపై అనుమానం వచ్చి వెంబడించి పట్టుకున్నారు. కారులో ఓ వ్యక్తి ఎకై ్సజ్‌ పోలీసులకు పట్టుబడగా డ్రైవర్‌ పరారయ్యాడు. కారులో 4 ప్లాస్టిక్‌ సంచుల్లో ఒక్కొక్కటి రెండు కేజీల బరువున్న 49 గంజాయి ప్యాకెట్లను పోలీసులు గుర్తించారు. 98 కేజీలు ఉన్న దీని విలువ సుమారుగా రూ.4.90 లక్షలు ఉంటుంది. అనకాపల్లి ఎకై ్సజ్‌ అండ్‌ ప్రొహిబిషన్‌ అసిస్టెంట్‌ కమిషనర్‌ సుర్జీత్‌ సింగ్‌ తెలిపిన వివరాలివి. ఒడిశాలోని బరంపురం నుంచి కసర్‌గూడ్‌కు వెళుతున్న కేఎల్‌14జెడ్‌8008 స్విఫ్ట్‌ కారుకు కుడివైపు యాక్సిడెంట్‌ అయినట్టు ఉండడం, కేరళ రిజిస్ట్రేషన్‌ నంబరు ఉండడంతో అను మానం వచ్చిన ఎకై ్సజ్‌ ఎన్‌ఫోర్స్‌మెంట్‌ బ్యూరో పోలీసులు కారును ఆపడానికి ప్రయత్నించారు. కానీ ఆగకుండా వేగంగా వెళ్లిపోవడంతో దానిని వెంబడించారు. యలమంచిలి తండాలదిబ్బ సమీపంలో ఓ హోటల్‌ వద్ద కారు పార్క్‌ చేసి ఉండడాన్ని గుర్తించి సోదా చేయగా అందులో 49 గంజాయి ప్యాకెట్లు గుర్తించారు. కారులో ఉన్న కేరళకు చెందిన మోయుద్దీన్‌ అనే వ్యక్తిని అరెస్ట్‌ చేశారు. పరారైన కారు డ్రైవర్‌ కోసం గాలిస్తున్నారు. గంజాయి, కారుతో పాటు రెండు ఫోన్లు, జియో డోంగిల్‌ డివైజ్‌, రూ.5600 నగదును స్వాధీనం చేసుకుని కేసు దర్యాప్తు చేస్తున్నారు. నిందితుడ్ని కోర్టులో హాజరుపర్చగా జ్యుడీషియల్‌ రిమాండ్‌ విధించారు. సకాలంలో స్పందించి వాహనాన్ని పట్టుకున్న యలమంచిలి ఎకై ్సజ్‌ పీఎస్‌, ఎన్‌ఫోర్స్‌మెంట్‌ బ్యూరో సిబ్బందిని ఏసీ సుర్జీత్‌సింగ్‌ అభినందించారు. ఈ కేసును ఛేదించిన వారిలో యలమంచిలి ఎకై ్సజ్‌ సీఐ తేజో వెంకట కుమార్‌, ఎన్‌ఫోర్స్‌మెంట్‌ సీఐ అప్పలనాయుడు, ఎస్‌ఐలు సోమయ్య, శ్రావణి, పీవీ గిరిబాబు సిబ్బంది ఉన్నారు. గంజాయితో ముగ్గురు అరెస్టు నర్సీపట్నం : కారులో గంజాయి తరలిస్తున్న ముగ్గురు వ్యక్తులను నాతవరం పోలీసులు అరెస్టు చేశారని నర్సీపట్నం డీఎస్పీ పి.శ్రీనివాసరావు తెలిపారు. ముగ్గురు నిందితులు పట్టుబడగా, మరో ఇద్దరు పరారీలో ఉన్నారన్నారు. నాతవరం పోలీసులు గంజాయి నిందితులు, స్వాధీనం చేసుకున్న గంజాయిని డీఎస్పీ ముందు హాజరుపరిచారు. ఈ సందర్భంగా డీఎస్పీ మాట్లాడుతూ బుధవారం రూరల్‌ సీఐ ఎల్‌.రేవతమ్మ, నాతవరం ఎస్‌ఐ భీమరాజు, సిబ్బందితో ములగపూడి జంక్షన్‌ వద్ద వాహన తనిఖీలు నిర్వహిస్తుండగా నర్సీపట్నం నుంచి తుని వైపు కారులో వస్తున్న వ్యక్తులు కారు ఆపి పరారవుతుండగా తమ సిబ్బంది వెంబడించి పట్టుకున్నారన్నారు. కారు డిక్కీలో గంజాయి ప్యాకెట్లు లభ్యమయ్యాయన్నారు. పట్టుబడిన వారి లో నర్సీపట్నం మండలం, నీలంపేటకు చెందిన ఆర్‌.బోడకొండ(29), చింతపల్లి మండలం, రాళ్లగెడ్డ వి.గిరిబాబు (27), నర్సీపట్నానికి చెందిన భార్గవ సాయిని అరెస్టు చేసి రిమాండ్‌కు తరలించామన్నారు. మరో ఇద్దరు వ్యక్తులు నర్సీపట్నం మండలం గబ్బాడకు చెందిన అప్పలనాయుడు, చింతపల్లి మండలం రాళ్లగెడ్డకు చెందిన కె.రమేష్‌ పరారీలో ఉన్నారని తెలిపారు. కారుతో పాటు 122 కిలోల గంజాయిని స్వాధీనం చేసుకున్నామని, పట్టుబడ్డ గంజాయి విలువ రూ.6.10 లక్షలు ఉంటుందని తెలిపారు. అలాగే నిందితుల వద్ద నుంచి 3 సెల్‌ఫోన్‌లను స్వాధీన పర్చుకున్నామన్నారు.

బాధిత కుటుంబానికి ఆర్థిక సాయం చేస్తున్న దళిత సేవా సంఘం సభ్యులు దేవరాపల్లి: మండలంలోని తెనుగుపూడి దళిత సేవా సంఘం సభ్యులు తమ మానవత్వం చాటుకున్నారు. ఇటీవల దళిత నిరుపేద కుటుంబానికి చెందిన ముప్పిన అప్పారావు తండ్రి జవాలు మరణించాడు. దీంతో పెద్ద దిక్కును కోల్పోయి ఆసరా కోసం ఎదురు చూస్తున్న బాధిత కుటుంబానికి దళిత సేవా సంఘం సభ్యులు రూ. 5 వేలు అందించి అండగా నిలిచారు. ఆపదలో ఉన్న కుటుంబాలను ఆదుకోవడమే ధ్యేయంగా దళిత సేవా సంఘం పని చేస్తుందని సంఘ సభ్యులు తెలిపారు.

చోడవరం బస్‌స్టాప్‌ వద్ద నిరసన వ్యక్తం చేస్తున్న ఆటో డ్రైవర్లు అనకాపల్లి టౌన్‌ : కూటమి ప్రభుత్వం గత ఎన్నికలలో ఆటో డ్రైవర్లకు ఇచ్చిన హామీలను తక్షణమే అమలు చేయాలని, లేని పక్షంలో మార్చి 4న రాష్ట్ర వ్యాప్తంగా నిరసన కార్యక్రమాలు చేపడతామని ఆంధ్రప్రదేశ్‌ ఆటో డ్రైవర్స్‌, వర్కర్స్‌ ఫెడరేషన్‌ రాష్ట్ర ప్రధాన కార్యదర్శి జి.వామనమూర్తి హెచ్చరించారు. స్ధానిక చోవవరం బస్‌స్టాప్‌ వద్ధ సంఘం ఆధ్వర్యంలో బుధవారం నిరసన కార్యక్రమం జరిగింది. ఈ సందర్భంగా ఆయన మాట్లాడుతూ గత ఎన్నికలలో సంక్షేమ బోర్డు ఏర్పాటు చేస్తామని, ఆటో డ్రైవర్ల పిల్లలకు స్కాలర్‌షిప్‌ మంజూరు చేస్తామని, చంద్రన్న బీమాపాలసీ 5 నుంచి రూ.10 లక్షల వరకు అమలు చేస్తామని, టాటా మ్యాజిక్‌ వ్యాన్‌లు, కార్లు, జీపులకు రోడ్‌ టాక్స్‌, గ్రీన్‌ టాక్స్‌, లేబర్‌ టాక్స్‌ తగ్గిస్తామని అధికారంలోకి వచ్చి 8 నెలలు అయినా ఒక్క హామీ కూడా ఈ రోజు వరకు అమలు చేయలేదన్నారు. ఈ నెలలో జరిగే శాసన సభ సమావేశాల్లో ఈ హామీలు అమలు చేసే జీవోలను విడుదల చేయాలన్నారు. జిల్లా ప్రధాన కార్యదర్శి కోన లక్షణ మాట్లాడుతూ జీవో 21,31 లను తక్షణమే రద్దు చేయాలని, స్థానికంగా ఆటోలకు పార్కింగ్‌ స్థలాలు కేటాయించాలని, ఆటో ఎఫ్‌సిలు ప్రెవేట్‌ వ్యక్తులకు ఇచ్చే ఆలోచనలు విరమించుకోవాలని కోరారు. ఈ కార్యక్రమంలో సంఘం నాయకులు పెదిరెడ్డ నాగేశ్వరావు, కరణం చిరంజీవి, మడిశ శ్రీను, మల్లిబాబు, తాతారావు, డొంక సింహాచలం నాయుడు, పెంటారావు, కృష్ణ పాల్గొన్నారు.

తుమ్మపాల: జిల్లాలో ద్విచక్ర వాహనాలు నడిపే వారికి హెల్మెట్‌ధారణ తప్పనిసరి చేయాలని కలెక్టర్‌ విజయ కృష్ణన్‌ అన్నారు. బుధవారం కలెక్టర్‌ కార్యాలయ సమావేశ మందిరంలో జరిగిన జాతీయ రహదారి భద్రతా సమన్వయ కమిటీ జిల్లా స్థాయి సమావేశంలో ఆమె మాట్లాడారు. ట్రాఫిక్‌ సిగ్నల్స్‌ దగ్గర లైటింగ్‌ ఏర్పాటు చేయాలని, స్పీడ్‌ బ్రేకర్ల దగ్గర కలర్‌ పెయింటింగ్‌ వేయాలన్నారు. ప్రమాదాల వల్ల చనిపోయిన వారికి త్వరితగతిన పరిహారం అందేలా చర్యలు తీసుకోవాలన్నారు. హెల్మెట్‌ ధరించకుండా వాహనాలు నడపడం, అతివేగం వల్ల జరిగే ప్రమాదాల గురించి అందరికీ అవగాహన కల్పించాలని, పోస్టర్లు అతికించాలని, సైన్‌ బోర్డులు ఏర్పాటు చేయాలన్నారు. కూడళ్లు, తరచూ ప్రమాదాలు జరిగే ప్రదేశాల వద్ద సీసీ కెమెరాలు ఏర్పాటు చేయాలని తెలిపారు. ప్రమాదాలు జరిగిన వెంటనే ప్రజలు స్పందించి క్షతగాత్రులను దగ్గరలోని ఆస్పత్రుల్లో చేర్పించాలని కోరారు. అటువంటి వారికి అవార్డులు ప్రకటించాలని, ఇందుకు స్థానిక ఎంపీడీవో, ఎస్‌హెచ్‌వోల వద్ద రిజిస్ట్రేషన్‌ చేసుకునేలా చర్యలు తీసుకోవాలన్నారు. జిల్లా రవాణా శాఖ అధికారి వి. మనోహర్‌ మాట్లాడుతూ జిల్లాలో ప్రమాదాల సంఖ్య గణనీయంగా తగ్గిందని, ప్రమాదాలను పూర్తిగా నివారించేందుకు జిల్లా యంత్రాంగంతో సమన్వయం చేసుకుని కృషి చేస్తామన్నారు. ఇప్పటికే హెల్మెట్‌ ధరించని వారిని, రాంగ్‌ రూట్‌లో వచ్చే వారిని, లైసెన్స్‌ లేకుండా వాహనాలు నడిపే వారిని గుర్తించి అపరాధ రుసుములు విధిస్తున్నట్లు తెలిపారు. సమావేశంలో జిల్లా వైద్య ఆరోగ్య శాఖ అధికారి డాక్టర్‌ పి. రవికుమార్‌, జిల్లా ట్రాఫిక్‌ రికార్డు బ్యూరో డీఎస్పీ వి.మోహన్‌ రావు, ఆర్‌అండ్‌బీ డీఈ విద్యా సాగర్‌, జీవీ ఎంసీ అధికారులు, జాతీయ, రాష్ట్ర రహదారుల అధికారులు, ఎంవీ ఇన్‌స్పెక్టర్లు, పోలీస్‌ ఇన్‌స్పెక్టరు పాల్గొన్నారు. ద్విచక్ర వాహన చోదకులకు హెల్మెట్‌ తప్పనిసరి చేయాలి కలెక్టర్‌ విజయ కృష్ణన్‌

తుమ్మపాల: ప్రభుత్వ పాఠశాలల్లో ఖాళీగా ఉన్న టీచింగ్‌, నాన్‌ టీచింగ్‌ పోస్టుల భర్తీకి తక్షణమే నోటిఫికేషన్‌ విడుదల చేయాలంటు ఏఐవైఎఫ్‌ జిల్లా కార్యదర్శి వియ్యపు రాజు డిమాండ్‌ చేశారు. డీఎస్సీ నోటిషికేషన్‌ విడుదలపై ఏఐవైఎఫ్‌ రాష్ట్రవ్యాప్త పిలుపులో భాగంగా కలెక్టర్‌ కార్యాలయంలో డీఆర్వో సత్యనారాయణరావుకు బుధవారం వినతిపత్రం అందించారు. ఈ సందర్భంగా వియ్యపు రాజు మాట్లాడుతూ అధికారంలోకి వచ్చిన వెంటనే తొలి సంతకం డీఎస్సీ పైనే అంటూ హమీ ఇచ్చిన సీఎం చంద్రబాబు నాయుడు నేటికీ నోటిఫికేషన్‌ విడుదల చేయకుండా లక్షలాది మంది నిరుద్యోగులను మోసం చేస్తున్నారన్నారు. లక్షలు చెల్లిస్తు కోచింగ్‌ సెంటర్లలో శిక్షణ తీసుకుంటున్న నిరుద్యోగులు నిరీక్షిస్తున్నారని అన్నారు. పలువురు ఆత్మహత్యలకు పాల్పడుతున్నారని తెలిపారు. అనంతపురం, కర్నూలు, కడప, నెల్లూరు, ప్రకాశం, అల్లూరి సీతారామరాజు, అనకాపల్లి జిల్లాలకు పోస్టుల ఎంపిక విషయంలో అన్యాయం జరిగిందని, తక్కువ పోస్టులు మంజూరు చేస్తారని అభ్యర్థులు ఆందోళన చెందుతున్నారన్నారు. అభ్యర్థులకు న్యాయం జరిగేలా పోస్టులు మంజూరు చేస్తూ నోటిఫికేషన్‌ ఇవ్వాలన్నారు. కార్యక్రమంలో ఏఐవైఎఫ్‌ జిల్లా ఉపాధ్యక్షుడు డొక్కరి హరీష్‌, నాయకుడు బి.బాబ్జి తదితరులు పాల్గొన్నారు.

● వి.బి.పేట సర్పంచ్‌ నర్సింహమూర్తి రోడ్డు నిర్మాణ పనులు ప్రారంభిస్తున్న నాటి డిప్యూటీ సీఎం బూడి (ఫైల్‌) చీడికాడ: మండలంలోని శివారు వి.బి.పేట పంచాయతీలోని వి.బి.పేట నుంచి శివారు కొండేంపూడి, గొప్పూరు తారురోడ్డు నిర్మాణం వైఎస్సార్‌సీపీ పుణ్యమని, మాజీ సీఎం జగన్‌మోహన్‌రెడ్డి, మాజీ డిప్యూటీ సీఎం బూడి ముత్యాలనాయుడు చొరవ అని వి.బి.పేట సర్పంచ్‌ వంటాకు నర్సింహమూర్తి అన్నారు. ఆయన బుధవారం మాట్లాడుతూ ఒక ప్రముఖ పత్రికలో వి.బి.పేట నుంచి కొండేంపూడి, గొప్పూరు తారురోడ్డు ప్రస్తుత ఎమ్మెల్యే చొరవతో పూర్తి కావస్తుందంటూ తప్పుడు సమాచారం ప్రచురించారన్నారు. ప్రస్తుత ఎమ్మెల్యేకు తమ ఊరు ఎక్కడుందో ఇప్పటి వరకు తెలియదన్నారు. వి.బి.పేట ప్రజలతో పాటు కొండేంపూడి, గొప్పూరు, జైపురం, ముడిచర్లకు చెందిన గిరిజనులు తారురోడ్డు నిర్మించాలని కోరడంతో సార్వత్రిక ఎన్నికల ముందు రూ. 5.60 కోట్ల నాబార్డు నిధులతో ఈ రోడ్డు నిర్మాణానికి అప్పటి ఎమ్మెల్యే, మాజీ డిప్యూటీ సీఎం బూడి ముత్యాలనాయుడు శంకుస్థాపన చేసి ఆ రోజు నుంచే పనులు ప్రారంభించారన్నారు. నాటి నుంచి నేటి వరకు ఆ పనులు నిరాటంకంగా కొనసాగుతూ నేడు చివరి దశకు చేరుకున్నాయన్నారు. మరో వారం, పది రోజుల్లో తారుపోత పూర్తి అయి రోడ్డు ప్రారంభానికి సిద్ధం అవుతున్న నేపథ్యంలో గత ప్రభుత్వం చేసిన మంచిని తమ ఖాతాలో వేసుకునేందుకు చూడడం తగదన్నారు. ఆ దినపత్రికలో వచ్చిన వార్తను ఖండిస్తున్నట్లు ఆయన తెలిపారు. ప్రజలను తప్పుదోవ పట్టించేందుకు ప్రయత్నించడం తగదన్నారు.

రాంబిల్లి (యలమంచిలి) : మద్యానికి బానిసై జీవితంపై విరక్తి చెందిన వలస కార్మికుడు ఆత్మహత్యకు పాల్పడిన ఘటన లాలం కోడూరు గ్రామంలో జరిగింది. రాంబిల్లి ఎస్‌ఐ నాగేంద్ర తెలిపిన వివరాలివి. కోనసీమ జిల్లా ఆత్రేయపురం గ్రామానికి చెందిన గునిపూడి సురేష్‌(38) కొంత కాలంగా స్థానిక ఫార్మాపరిశ్రమలో కార్మికుడిగా పనిచేస్తున్నాడు. మంగళవారం రాత్రి తాము నివాసం ఉంటున్న లాలం కోడూరు గ్రామం వద్ద ఉన్న రూమ్‌లో ఉరి వేసుకొని ఆత్మహత్యకు పాల్పడ్డాడు. తల్లిదండ్రులు మృతి చెందగా, భార్య నుంచి మూడేళ్లుగా విడిపోవడం వంటి కారణాలతో సురేష్‌ మద్యానికి బానిసయ్యాడని, జీవితంపై విరక్తి చెంది ఈ ఘటనకు పాల్పడినట్టు స్థానికులు, బంధువులు తెలిపారన్నారు. ఈ మేరకు కేసు నమోదు చేసి దర్యాప్తు చేస్తున్నట్టు ఎస్‌ఐ తెలిపారు.

అనకాపల్లి: నియోజకవర్గంలో టీడీపీ ఆవిర్భవించినప్పటి నుంచి పార్టీని నమ్ముకున్న తెలుగు తమ్ముళ్లకు గుర్తింపు లేకుండా పోయిందని టీడీపీ కోర్‌ కమిటీ సభ్యుడు బోడి వెంకటరావు యాదవ్‌, మాజీ కౌన్సిలర్‌ కుప్పిలి జగన్మోహనరావు, పార్టీ పట్టణ ప్రధాన కార్యదర్శి కోట్ని రామకృష్ణదొర విశాఖలో టీడీపీ రాష్ట్ర అధ్యక్షుడు పల్లా శ్రీనివాసరావుకు బుధవారం వినతిపత్రం అందజేశారు. అనకాపల్లి నియోజకవర్గంలో టీడీపీని బతికించాలని, పార్టీలో కార్యకర్తలను గుర్తించే సరైన న్యాయకత్వం లేకుండా పోయిందన్నారు. ఎన్టీఆర్‌ దైవంగా, పార్టీని తల్లిగా నమ్మి నేటి వరకూ పార్టీ జెండా మోసిన కార్యకర్తలకు తీవ్ర అన్యాయం జరుగుతుందన్నారు. ఏనాడూ పార్టీ జెండా పట్టుకోని వ్యక్తులకు పదవులు ఇవ్వడం బాధాకరం అన్నారు.

నాతవరం మండలంలో 200 ఎకరాల్లో సాగు సుందరకోటలో పంట దశలో ఉన్న జాఫ్రా తోటలు నాతవరం: గిరిజన ప్రాంతంలో పండించే జాఫ్రా గింజలకు ఉహించని రేటు లబించడంతో గిరిజనులు ఆనందం వ్యక్తం చేస్తున్నారు. పాడేరు ఐటీడీఏ ఆధ్వర్యంలో గిరిజన కార్పొరేషన్‌ ద్వారా కొనుగోలు చేయనప్పటికీ ప్రైవేటు వ్యాపారులు ముందుకు వచ్చి అధిక రేట్లకు జాఫ్రా గింజలు కొనుగోలు చేస్తున్నారు. ఈ ఏడాది జాఫ్రా గుబడితో పాటు రేటు బాగుండడంతో అధిక ఆదాయం వస్తుందని గిరిజనులు ధీమా వ్యక్తం చేస్తున్నారు. విరివిగా తోటల సాగు.. మండలంలో సరుగుడు పంచాయతీ శివారు రామన్నపాలెం, అచ్చంపేట, యరకంపేట, మాసంపల్లి , రాజవరం, దద్దుగుల సుందరకోట పంచాయతీ శివారు కొత్త సిరిపురం, కొత్త దద్దుగుల, తొరడ, సుందరకోట, అసనగిరి, ముంతమామిడిలొద్దు, బమ్మిడికలొద్దు, సిరిపురం, కొత్త లంకలు తదితర గిరిజన ప్రాంతంలో జాఫ్రా తోటలు సాగు చేస్తున్నారు. వీటితో పాటు కొండల దిగువనున్న ప్రాంతాల్లో కె.వి.శరభవరం, కొండ ధర్మవరం, చమ్మచింత, పొట్టినాగన్నదొరపాలెం, కృష్ణాపురం గ్రామాల్లో గిరిజనులు జాఫ్రా తోటలు పెంచుతున్నారు. మండల వ్యాప్తంగా సుమారుగా 200 ఎకరాల పైగా జాఫ్రా తోటలు సాగు చేస్తున్నారు. ఈ తోటలు అఽధికంగా వ్యవసాయ భూముల గట్లు మీద జీడి మామిడి తోటలు మద్య అంతర పంటగా సాగు చేస్తుంటారు. జాఫ్రా తోటకు నీటి వసతి లేకపోయినప్పుటికీ ఆడపాదడపా కురిసే వర్షాలకు ఈతోటలు ఏపుగా పెరుగుతుంటాయి. వీటికి తెగుళ్లు కూడా అంతంత మాత్రమే. తోటలకు గిరిజనులు ఎక్కడా క్రిమిసంహారక మందులు పిచికారి చేయలేదు. రంగుల కోసం వినియోగం.. ఈ ఏడాది ఎకరం జాఫ్రా తోట నుంచి గింజలు 800 నుంచి 1000 కేజీల మధ్య దిగుబడులు వచ్చాయని గిరిజనులు అంటున్నారు. ఇటీవల కాలంలో ఇంత అధిక మొత్తంలో దిగుబడులు రాలేదంటున్నారు. అధిక దిగుబడి రావడానికి ప్రధాన కారణం గత ఏడాది ఖరీ్‌ఫ్‌ సీజన్‌లో కొండలపై అధికంగా వర్షాలు కురియడమే కారణంగా భావిస్తున్నారు. దిగుబడితో పాటు రేటు కూడా కేజీకి నాణ్యతను బట్టి రూ.250 నుంచి రూ.300 వరకు ప్రవేటు వ్యాపారులు కొనుగోలు చేస్తున్నారు. ప్రభుత్వం నేరుగా కొనుగోలు చేస్తే మరింత రేటు పెరుగుతుందని గిరిజనులు ఆశిస్తున్నారు. ఇతర ప్రాంతాల నుంచి ప్రైవేటు వ్యాపారులు వచ్చి గిరిజనులు రైతుల నుంచి నేరుగా జాఫ్రా గింజలు కొనుగోలు చేస్తున్నారు. జాఫ్రాను ఇళ్లకు ఉపయోగించే పెయింటింగ్‌కు, దుస్తుల రంగులకు అధికంగా వినియోగిస్తుంటారు. ఇతర రంగుల కంటే జాఫ్రా పింకులు రంగులు నాణ్యతతో పాటు ఆకర్షణీయంగా ఉంటాయని వ్యాపారులు చెబుతున్నారు. అలాగే వివిధ రకాలకు చెందిన పెయింటింగ్‌ కంపెనీల నుంచి కూడా డిమాండ్‌ ఉంటుందని చెబుతున్నారు. ఆదాయం బాగుంది ఎన్నడూ లేని విధంగా ఈ ఏడాది జాఫ్రా ద్వారా ఆదాయం బాగా వచ్చింది. సుందరకోటలో 50 సెంట్ల విస్తీర్ణంలో 435 కేజీల జాఫ్రా గింజలు పండాయి. రేటు రూ.245 నుంచి రూ.300 వరకు విక్రయించాను. ఇంత ఆదాయం వస్తుందని ఊహించలేదు. పాడేరు ఐటీడీఏ గిరిజన కార్పొరేషన్‌ ద్వారా కొనుగోలు చేస్తే మరింత రేటు వచ్చే అవకాశం ఉంటుంది. –బత్తుల కృష్ణ, రైతు, సుందరకోట గ్రామం

మాజీ ముఖ్యమంత్రి, వైఎస్సార్‌సీపీ అధినేత వైఎస్‌ జగన్‌మోహన్‌రెడ్డికి కృతజ్ఞతలు తెలుపుతున్న పార్టీ ఉత్తరాంధ్ర రీజనల్‌ కోఆర్డినేటర్‌ కురసాల కన్నబాబు సాక్షి, విశాఖపట్నం: మాజీ ముఖ్యమంత్రి, వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డితో పార్టీ ఉత్తరాంధ్ర రీజనల్‌ కోఆర్డినేటర్‌ కురసాల కన్నబాబు బుధవారం భేటీ అయ్యారు. ఉత్తరాంధ్ర రీజనల్‌ కోఆర్డినేటర్‌గా కీలక బాధ్యతలు అప్పగించిన తర్వాత తొలిసారి ఆయన జగన్‌ను మర్యాదపూర్వకంగా కలిశారు. తాడేపల్లిలోని వైఎస్‌ జగన్‌ క్యాంప్‌ కార్యాలయంలో కలిసి కృతజ్ఞతలు తెలిపారు. ఈ సందర్భంగా క్షేత్రస్థాయిలో సమస్యలు గుర్తించి, వాటిపై పోరాడాలని జగన్‌మోహన్‌రెడ్డి కన్నబాబుకు నిర్దేశించారు. టీడీపీ కూటమి ప్రభుత్వంపై ఇప్పటికే ప్రజల్లో తీవ్ర వ్యతిరేకత మొదలైందని, ప్రభుత్వ వైఫల్యాలను ప్రజల్లో ఇంకా ఎండగట్టాలని సూచించారు. క్షేత్రస్థాయిలో పార్టీ శ్రేణుల్ని మరింత సమన్వయం చేసుకుని ముందుకు సాగాలని సూచించారు. నిత్యం ప్రజల్లో ఉంటూ, వారితో మమేకమవుతూ, వారు ఎదుర్కొంటున్న సమస్యలను గుర్తించి, పార్టీ పరంగా వేగంగా స్పందించి అండగా నిలవాలని కన్నబాబుకు అధినేత వైఎస్‌ జగన్‌ ఆదేశించారు.

రాంబిల్లి (యలమంచిలి) : పరిశ్రమలకు భూములు ఇచ్చే ప్రసక్తే లేదని గొరపూడి పంచాయతీ ప్రజలు స్పెషల్‌ డిప్యూటీ కలెక్టర్‌ ఎస్‌.డి.అనితకు ఏపీఐఐసీ జెడ్‌ఎం నరసింహారావుకు ముక్తకంఠంతో తేల్చిచెప్పారు. రాంబిల్లి మండలం గొరపూడి పంచాయితీ శివారు గ్రామం అప్పన్నపాలెం కాలనీలో రైతు సేవా కేంద్రం వద్ద బుధవారం స్పెషల్‌ డిప్యూటీ కలెక్టర్‌ అనిత, ఏపీఐఐసీ జెడ్‌ఎం నరసింహారావు, స్ధానిక రెవెన్యూ, పోలీసులు అధికారుల ఆధ్వర్యంలో జిల్లా కలెక్టర్‌ ఆదేశాల మేరకు పరిశ్రమల కోసం భూసేకరణ అంశంపై గ్రామంలో రైతులు, ప్రజలతో ప్రత్యేక సమావేశం నిర్వహించారు. ఈ సందర్భంగా గతంలో పరిశ్రమల కోసం భూములు తీసుకోవడం పై స్థానిక ప్రజలు నష్ట పరిహారంపై హైకోర్టుకు వెళ్లడంతో కోర్టు రైతులకు కొత్త భూసేకరణ చట్టం ద్వారా భూపరిహారం అందించాలని ప్రభుత్వానికి సూచించిందని, ఈమేరకు ప్రభుత్వ అదేశాలు మేరకు గ్రామంలో రైతులతో ప్రత్యేక సమావేశం నిర్వహించి రైతుల నుంచి అభిప్రాయ సేకరణకు ఈ సమావేశం నిర్వహించడం జరిగిందని ఎస్‌డీసీ రైతులకు తెలిపారు. భూసేకరణపై రైతులు తమ అభిప్రాయాలు తెలపాలని కోరగా రైతులు మాట్లాడుతూ రాంబిల్లి మండలంలోకి ఇప్పటికే పరిశ్రమల రాకతో భూములు కోల్పోయి, ఉపాధి కరువై ఆర్థిక ఇబ్బందులో కుటుంబాలు చిన్నాభిన్నమయ్యాయని, అలాగే గ్రామంలో భూములకు ప్రభుత్వం ఇచ్చే పరిహారం చాలా తక్కువ అని ప్రస్తుత మార్కెట్‌ విలువ ప్రకారం గొరపూడి పంచాయతీలో అధికంగా భూములకు ధరలు పలుకుతున్నాయని, ఎకరాకు ప్రభుత్వం చాలా తక్కువగా రూ. 20 లక్షలు ఇవ్వడం అన్యాయమని అన్నారు. గతంలో వచ్చిన పరిశ్రమల మా భూములు కొన్ని పొగొట్టుకున్నామని, భూములు తీసుకుని ఆ కంపెనీల్లో స్థానికులకు లేబర్‌ ఉద్యోగాలు తప్ప సరైన ఉద్యోగాలు ఇవ్వక చిన్న చూపు చూస్తున్నాయని ఆవేదన వ్యక్తం చేశారు. ఇదే విషయమై ఎన్నికల్లో నేతల దృష్టికి సమస్యను తీసుకెళ్లామని, ఎన్నికలయ్యాక ఎమ్మెల్యే, ఎంపీ కూడా పట్టించుకోవడం లేదని అన్నారు. మ్యూటేషన్ల పేరిట ముప్పుతిప్పలు.. గొరపూడి గ్రామ పంచాయతీలో రీ సర్వేలో తప్పులు దొర్లుతున్నాయి అని స్పెషల్‌ డిప్యూటీ కలెక్టర్‌ అనిత దృష్టికి రైతులు తీసుకువెళ్లారు. గొరపూడి గ్రామంలో భూమి యజమానుల పేర్లు కాకుండా పక్క ఊరి రైతుల పేర్లను రెవెన్యూ అధికారులు వెబ్‌ల్యాండ్‌లో తప్పుగా నమోదు చేశారని, దానివల్ల రైతు భరోసా పథకం రాకుండా భూమి ద్వారా ఎటువంటి రుణాలు తెచ్చుకోవడానికి వీలు పడక చాలా ఇబ్బందులు పడుతున్నామని ఈ సమస్యలపై రెవెన్యూ అధికారుల దృష్టికి తీసుకెళితే మ్యూటేషన్‌ల పేరిట అధిక మొత్తంలో రైతుల నుంచి డబ్బులు కట్టమని అడుగుతున్నారని డబ్బులు కడితేనే మారుస్తారంటా...! మరి అలాంటప్పుడు రెవెన్యూ సదస్సులు ఎందుకు నిర్వహిస్తున్నారని రైతులు అధికారులపై ఆగ్రహం వ్యక్తం చేశారు. దీనిపై రెవెన్యూ అధికారులతో స్పెషల్‌ డిప్యూటీ కలెక్టర్‌ మాట్లాడుతూ రైతుల సమస్యలు వెంటనే పరిష్కరించాలని వారికి సూచించారు. భూములు కోల్పోయిన రైతులకు సరైన పరిహారం ఇవ్వరు పరిశ్రమల్లో ఉద్యోగాలు ఇవ్వరు, ఉపాధి చూపరు బలవంతంగా లాక్కుందాం అంటే లాక్కోండి తేల్చి చెప్పిన అప్పన్నపాలెం గ్రామస్తులు ఏపీఐఐసీ భూ నిర్వాసితులతో స్పెషల్‌ డిప్యూటీ కలెక్టర్‌ అనిత, ఏపీఐఐసీ జెడ్‌ఎం నరసింహారావు సమావేశం సమస్యలు ఏకరువు పెట్టిన రైతులు

● రూ.11 లక్షల నిధులు మంజూరు ● రెండు రోజుల క్రితం పనులు ప్రారంభించిన తెనుగుపూడి టీడీపీ నేత ● అడ్డగించిన విస్సారపుదొడ్డి టీడీపీ నేతలు ● హెరిటేజ్‌ పాల కేంద్రం కోసమే అడ్డగించారని ఆరోపణలుదేవరాపల్లి: మండలంలోని తెనుగుపూడి పంచాయతీ శివారు విస్సారపు దొడ్డి ప్రాథమిక పాఠశాల ప్రహరీ నిర్మాణంలో టీడీపీ నేతల మధ్య వివాదం నెలకొంది. స్థానిక పాఠశాల ప్రహరీ నిర్మాణానికి ప్రభుత్వం నుంచి ఎంజీఎన్‌ఆర్‌ఈజీఎస్‌ నిధులు రూ. 11 లక్షలు మంజూరయ్యాయి. పనులు చేపట్టేందుకు తెనుగుపూడి పంచాయతీ పాలకవర్గం సైతం అంగీకారం తెలుపుతూ తీర్మానం చేసింది. ఈ నిధులతో తెనుగుపూడికి చెందిన టీడీపీ మాజీ ఎంపీటీసీ సభ్యుడు పెంటకోట అప్పలనాయుడు రెండు రోజుల క్రితం ప్రహరీ నిర్మాణానికి గుంతలు తవ్వగా స్థానిక టీడీపీ నేతలు కొందరు పనులను అడ్డగించారు. ప్రహరీ నిర్మిస్తే పాఠశాల ఆవరణలో శుభ కార్యాల నిర్వహణకు ఆటంకం ఏర్పడుతుందని, ఎట్టి పరిస్థితుల్లో నిర్మించడానికి వీల్లేదని అడ్డుకున్నారు. ఈ నేపథ్యంలో బుధవారం పాఠశాలకు విద్యార్థులు హాజరు కాకుండా చేశారు. దీంతో ఆరుగురు విద్యార్థులకు గాను ఒక్క విద్యార్థి మాత్రమే పాఠశాలకు హాజరయ్యాడు. అయితే దేవాలయం లాంటి పాఠశాలను రాజకీయాలకు కేంద్రంగా మార్చిన టీడీపీ నేతల తీరు పట్ల సర్వత్రా విమర్శలు వినిపిస్తున్నాయి. పాఠశాలకు ప్రహరీ నిర్మించడం ద్వారా విద్యార్థులకు రక్షణ ఏర్పడుతుంది తప్ప దీని వల్ల గ్రామస్తులకు ఎటువంటి ఆటంకం ఏర్పడే పరిస్థితి ఉండదు. పాఠశాల ఆవరణలో ఉన్న కమ్యూనిటీ హాల్లో హెరిటేజ్‌ పాల సమీకరణ కేంద్రం నిర్వహిస్తుండటంతో ప్రహరీ నిర్మిస్తే లోపలికి వెళ్లేందుకు ఇబ్బందులు తలెత్తుతాయని స్థానిక టీడీపీ నేతలు అడ్డగిస్తున్నారని ఆరోపణలు వినిపిస్తున్నాయి. ఇప్పటికై నా ఇరు వర్గాల టీడీపీ నేతలు స్వార్థ రాజకీయాలను పక్కన పెట్టి ఏకాభిప్రాయంతో ప్రహరీ నిర్మాణం పూర్తయ్యేలా చొరవ చూపాలని గ్రామస్తులు కోరుతున్నారు. ఇదిలా ఉండగా ప్రహరీ నిర్మాణంపై నెలకొన్న సమస్యను పరిష్కరించాల్సిన విద్యాశాఖ అధికారులు చోద్యం చూడటం శోచనీయమని పలువురు వ్యాఖ్యానిస్తున్నారు.

మా భూములు పరిశ్రమల కోసం తీసుకోవడం తప్ప మాకు ఉపాధి చూపడం లేదు. ప్రస్తుతం మా గ్రామంలో భూములు రేటు బాగా పెరిగింది. ఎకరా కోటి రూపాయల నుంచి రూ. రెండు కోట్లు పలుకుతుంది. ప్రభుత్వం మాత్రం తక్కువ రేటుకే మా భూములు లాక్కోవాలని చూస్తోంది. పరిశ్రమలు వస్తాయి కానీ స్థాకంగా ఉన్న యువతకు బాగా చదువుకున్న మా పిల్లలకు ఉన్నతమైన ఉద్యోగాలు ఇవ్వడం లేదు. నిర్వాసితుల పట్ల చిన్న చూపు చూస్తున్నాయి. ఏది ఏమైనా మాభూములు పరిశ్రమలకు ఇవ్వడం జరగదు. –లాలం నాగేశ్వరరావు, గొరపూడి గ్రామం ●

● విశ్వప్రయత్నాలు చేస్తున్న అధికారి ● అందుకు మంత్రి అనిత గ్రీన్‌ సిగ్నల్‌ ● గతంలో ఎమ్మెల్యేగా ఉన్న సమయంలోనే తహసీల్దార్‌గా పనిచేసిన అధికారి ● ఎస్‌.రాయవరంలో భూరికార్డుల తారుమారు విషయంలో ఆరోపణలు ● మళ్లీ అనిత వద్దే పీఎస్‌గా ప్రయత్నాలపై అనేక అనుమానాలు విశాఖ సిటీ: రాష్ట్ర హోం మంత్రి వంగలపూడి అనితకు వ్యక్తిగత కార్యదర్శి(పీఎస్‌) నియామకం చర్చనీయాంశమవుతోంది. రెవెన్యూలో చక్రం తిప్పే ఒక తహశీల్దార్‌ పీఎస్‌గా వెళ్లేందుకు విశ్వప్రయత్నాలు చేస్తున్నారన్న వార్తలు వినిపిస్తున్నాయి. భూ వ్యవహారాల్లో ఆరోపణలు ఎదుర్కొన్న అధికారిని తన పీఎస్‌గా తెచ్చుకునేందుకు హోంమంత్రి కూడా సుముఖంగా ఉన్నట్లు తెలుస్తోంది. అనకాపల్లి జిల్లాలో భారీ ప్రాజెక్టులకు భూ సమీకరణ జరుగుతున్న నేపథ్యంలో అతని చాతుర్యం అవసరమని అనిత భావిస్తున్నట్టు సమాచారం. త్వరలోనే ఇందుకు సంబంధించిన ఉత్తర్వులు వచ్చే అవకాశాలు ఉన్నట్లు వార్తలు వినిపిస్తున్నాయి. ఇదిలా ఉంటే గతంలో అనిత ఎమ్మెల్యేగా ఉన్న సమయంలో ఎస్‌.రాయవరం మండలంలో భూ రికార్డుల మార్పులు విషయంలో అనేక ఆరోపణలు ఎదుర్కొన్న అధికారినే మళ్లీ తన పీఎస్‌గా నియమించాలనుకోవడం గమనార్హం. ప్రభుత్వమేదైనా కీలక పోస్టింగ్‌..! ఏ ప్రభుత్వం అధికారంలో ఉన్నా సదరు తహసీల్దార్‌ మాత్రం నచ్చిన పోస్టింగ్‌ తెచ్చుకోవడంలో సిద్ధహస్తుడు అన్న టాక్‌ రెవెన్యూ విభాగంలో ఉంది. స్థానిక మంత్రి, ఎమ్మెల్యేలను బుట్టలో వేసుకొని కీలక మండలాల్లో ఇప్పటి వరకు విధులు నిర్వర్తిస్తూ వచ్చారు. ప్రస్తుతం విశాఖ మెట్రోపాలిటన్‌ రీజియన్‌ డెవలప్‌మెంట్‌ అధారిటీ(వీఎంఆర్‌డీఏ)లో విధులు నిర్వర్తిస్తున్నారు. ఇక్కడి నుంచి హోం మంత్రి పీఎస్‌గా వెళ్లేందుకు తీవ్ర ప్రయత్నాలు చేస్తున్నట్లు సమాచారం. వాస్తవానికి మంత్రి అనితే సదరు అధికారిని తన పీఎస్‌గా నియమించుకునేందుకు ఆసక్తి చూపిస్తున్నట్టు టాక్‌ వినిపిస్తోంది. భూ వ్యవహారాలు చక్కబెట్టేందుకేనా..? అనకాపల్లి జిల్లాలో కీలక భారీ ప్రాజెక్టులు రానున్నాయి. ప్రధానంగా పాయకరావుపేట నియోజకవర్గం నక్కపల్లి మండలంలో మిట్టల్‌ స్టీల్‌ప్లాంట్‌తో పాటు అదే మండలంలోనే బల్క్‌ డ్రగ్‌ పార్కు రానుంది. ఇందుకు సంబంధించి పెద్ద ఎత్తున భూ సమీకరణ ప్రక్రియను చేపట్టారు. ఇంకా భారీగా భూ సేకరణ చేపట్టాల్సి ఉంది. ఈ క్రమంలో హోం మంత్రి అనిత సదరు తహసీల్దార్‌ను తన పీఎస్‌గా నియమించుకోడానికి వెనుక భూ వ్యవహారాలు చక్కబెట్టుకునేందుకే అన్న వాదనలు ఉన్నాయి. గతంలో సదరు అధికారిపై ఆరోపణలు ఉన్నప్పటికీ.. మళ్లీ అతడినే ఏరికోరి తెచ్చుకోవాలని చూస్తుండడం వెనుక గల కారణాలపై సొంత పార్టీలోనే నేతలు చెవులు కొరుక్కుంటున్నారు. ఎన్నో ఆరోపణలు సదరు అధికారి ఎస్‌.రాయవరం మండలం తహసీల్దార్‌గా పనిచేసిన సమయంలోనే అనేక ఆరోపణలు ఎదుర్కొన్నారు. ఆ సమయంలో ఎమ్మెల్యేగా వంగలపూడి అనిత ఉన్నారు. ఒక భూ వ్యవహారంలో రికార్డులు మార్చడానికి భారీగా డబ్బులు డిమాండ్‌ చేశారన్న ఆరోపణలు గుప్పుమన్నాయి. దీనిపై తలారీ స్వయంగా ఆరోపణలు చేస్తున్న వీడియో సైతం వైరల్‌ అయింది. మళ్లీ ఇపుడు అనిత సదరు అధికారినే వ్యక్తిగత కార్యదర్శిగా తీసుకోవాలనుకోవడం తీవ్ర విమర్శలకు తావిస్తోంది.

ఫార్మర్‌ రిజిస్ట్రీ గురించి రైతుకు వివరిస్తున్న కలెక్టర్‌ విజయ కృష్ణన్‌ కె.కోటపాడు: రైతులందరూ ఫార్మర్‌ రిజిస్ట్రేషన్‌ చేయించుకోవాలని కలెక్టర్‌ విజయ కృష్ణన్‌ అన్నారు. మేడిచర్ల గ్రామంలో మంగళవారం సాయంత్రం ఆమె పర్యటించారు. ఈ సందర్భంగా రైతు రొంగలి దేముడుకు చెందిన పంట వివరాలను వ్యవసాయ, రెవెన్యూ శాఖల సిబ్బంది ఈ–పంటలో నమోదు చేశారు. ఆ వివరాలను సూపర్‌ చెక్‌లో భాగంగా ఆమె తనిఖీ చేశారు. మినుము పంట వేసిన రైతు దేముడు వివరాలు సరిపోవడంతో ఆమె సంతృప్తి వ్యక్తం చేశారు. సాగులో ఉన్న పిల్లిపెసర, జనుము పంటల గురించి కలెక్టర్‌ జిల్లా వ్యవసాయాధికారి మోహన్‌రావును అడిగి తెలుసుకున్నారు. రైతులకు వ్యవసాయశాఖ ద్వారా అందించే రాయితీ, పంట పెట్టుబడి, దిగుబడి గురించి ఆరా తీశారు. తహసీల్దార్‌ రమేష్‌బాబు, ఎంపీడీవో సాంబశివరావు, మండల వ్యవసాయాధికారి సోమశేఖర్‌, ఏపీవో అప్పలరాజు, ఏఈవో లైలాదేవి తదితరులు పాల్గొన్నారు.

● బోధనలో సంస్కృతీ సంప్రదాయాలను జోడించేలా శిక్షణ రోలుగుంట: మండలంలోని జె.నాయుడుపాలెం జెడ్పీ ఉన్నత పాఠశాలలో పనిచేస్తున్న ఆంగ్ల ఉపాధ్యాయిని కె.వి.ఎల్‌.ప్రవీణ కేంద్ర ప్రభుత్వ సాంస్కృతిక శాఖ ఆధ్వర్యంలో రాజస్థాన్‌ రాష్ట్రం ఉదయ్‌పూర్‌లో నిర్వహించిన వర్క్‌షాప్‌లో పాల్గొన్నారు. ఈ నెల 11 నుంచి 15వ తేదీ వరకు సెంటర్‌ ఫర్‌ కల్చరల్‌ రిసోర్సెస్‌ అండ్‌ ట్రైనింగ్‌ ఆధ్వర్యంలో ఈ వర్క్‌షాప్‌ జరిగింది. ఇందుకు రాష్ట్రం నుంచి ఎంపికై న ఇద్దరిలో ప్రవీణ ఒకరు. ఈమె ఈ నెల 11న వెళ్లి అయిదు రోజులపాటు శిక్షణ పొందారు. శిక్షణానంతరం సీసీఆర్టీ డైరెక్టర్‌ రాజీవ్‌ జైన్‌ నుంచి ధ్రువపత్రాన్ని అందుకున్నారు. విజయవంతంగా శిక్షణ ముగించుకున్న ఆమెను హెచ్‌ఎం దాడిఽశెట్టి రమేష్‌కుమార్‌, ఉపాధ్యాయులు పాఠశాలలో మంగళవారం అభినందించారు. ఆమె మాట్లాడుతూ బోధనలో భారతీయ సాంస్కృతిక సంప్రదాయాలను జోడించాలని సీసీఆర్టీ డైరెక్టర్‌ రాజీవ్‌ జైన్‌, డిప్యూటీ డైరెక్టర్‌ సందీప్‌ శర్మ సూచించారన్నారు.

అల్లిపురం (విశాఖ): వ్యవస్థీకృత(ఆర్గనైజ్‌) క్రైం కేసులో ఇద్దరు తైవాన్‌ వాసులను సైబర్‌ క్రైం పోలీసులు అరెస్ట్‌ చేసి రిమాండ్‌కు తరలించారు. నగర పోలీస్‌ కమిషనర్‌ డాక్టర్‌ శంఖబ్రత బాగ్చి మంగళవారం మీడియాకు తెలిపిన వివరాలు.. గత ఏడాది అక్టోబర్‌ 16న ఇల్లీగల్‌ పేమెంట్‌ గేట్‌ వే కేసు విచారణలో భాగంగా తైవాన్‌ జాతీయులైన ము–చి కోనియన్‌ సేంగ్‌ అలియాస్‌ సంగ్‌ ము–చి అలియాస్‌ మార్క్‌, హా–యున్‌ చాంగ్‌ అలియాస్‌ చాంగ్‌ హోవో–యున్‌ అలియాస్‌ మార్కోలు నగరంలోని రాడిసన్‌ బ్లూ రిసార్ట్స్‌, సేన్‌ప్రా బే వ్యూ హోటల్‌లో బసచేసి అమాయకులను ఆకర్షించి, వారికి సైబర్‌ నేరాల్లో శిక్షణ అందించేవారు. దేశంలోని వివిధ వ్యక్తుల సాయంతో పేద, వ్యసనాలకు బానిసలైన వ్యక్తులకు డబ్బు ఆశ చూపి వివిధ బ్యాంకుల్లో సేవింగ్‌, కరెంట్‌ ఖాతాలను తెరిచేవారు. వివిధ రకాల మొబైల్‌ నెట్‌వర్కులకు సంబంధించిన సిమ్‌కార్డులను తీసుకుని, దేశంలో వివిధ ప్రాంతాలలో మకాం వేసి రూ.కోట్ల లావాదేవీలు చేస్తున్నట్లు పోలీసులు గుర్తించారు. పోలీసులకు అందిన విశ్వసనీయ సమాచారం మేరకు నగర పోలీస్‌ కమిషనర్‌ డాక్టర్‌ శంఖబ్రత బాగ్చి, డీసీపీ అజిత వేజెండ్ల సహకారంతో మంగళవారం అరెస్ట్‌ చేసి రిమాండ్‌కు తరలించారు. ఇప్పటి వరకు ఇద్దరు విదేశీ నిందితులు, ఒక అంతర్‌ జిల్లా ముద్దాయితోపాటు 26 మంది నిందితులను అరెస్ట్‌ చేసినట్లు సీపీ వెల్లడించారు.

● ‘చెట్టుపల్లి’ విద్యార్థుల నమూనాకు ప్రాంతీయ అవార్డునర్సీపట్నం: సీపీఆర్‌ పర్యావరణ విద్యా కేంద్రం చైన్నె, విప్రో సంస్థ సంయుక్తంగా జాతీయస్థాయిలో నిర్వహించిన ‘సుస్థిర జీవన విధానం’ పోటీలో నర్సీపట్నం మండలం, చెట్టుపల్లి జిల్లా పరిషత్‌ ఉన్నత పాఠశాల విద్యార్థులు రూపొందించిన జల దృక్పథం నమూనా ప్రాంతీయ అవార్డు సాధించింది. నిర్వాహకులు సూచించిన సుస్థిరత–నీరు, సుస్థిరత–వ్యర్ధాల నిర్వహణ, సుస్థిరత జీవవైవిధ్యం అంశాలపై తొమ్మితో తరగతి విద్యార్థిలు వెలంకాయల సాయి శివాని, పండూరి మనోజ్‌ కుమార్‌, మోక్ష మాధురి కౌశిక్‌ బృందం జల దృక్పథం నమూనాను రూపొందించింది. మంగళవారం అమరావతిలో పాఠశాల విద్యాశాఖ కమిషనర్‌ విజయరామరాజు, పాఠశాల విద్య అకడమిక్‌ కోఆర్డినేటర్‌ విజయలక్ష్మి చేతుల మీదుగా విద్యార్థులు, వారికి మార్గదర్శిగా వ్యవహరించిన ఉపాధ్యాయుడు రాజగోపాల్‌ ప్రశంసా పత్రం, నగదు బహుమతి అందుకున్నారు. విద్యార్థి దశ నుంచి పర్యావరణం పట్ల ఆసక్తి పెంచే కార్యక్రమాలు భవిష్యత్తు అవసరాలకు బాగా ఉపయోగపడతాయని విద్యార్థులకు దిశ నిర్దేశం చేసినట్లు ఉపాధ్యాయులు రాజగోపాల్‌ తెలిపారు. జల దృక్పథం నమూనా నీటి కొరతను నివారించేందుకు ఉపయోగపడుతుందని చెప్పారు. 10 వేల లీటర్ల వరకు భారీ స్థాయిలో నీటిని వినియోగించే జనావాసాలు, అపార్ట్‌మెంట్లలో.. మురుగునీటిని మంచి నీటిగా శుభ్రపరిచే ప్రక్రియను రూ.85 వేల వ్యయంతో జల దృక్పథం కాన్సెప్ట్‌తో చేపట్టవచ్చని తెలిపారు.

నర్సీపట్నం: ఈవ్‌టీజింగ్‌, ర్యాగింగ్‌కు పాల్పడడం చట్టరీత్యా నేరమని, అలా చేసిన వారు శిక్షార్హులని సీనియర్‌ సివిల్‌ జడ్జి పఠాన్‌ షీయాజ్‌ ఖాన్‌ పేర్కొన్నారు. పట్టణంలోని పలు కాలేజీలు, పాఠశాలల్లో టౌన్‌ పోలీసులు మంగళవారం నిర్వహించిన అవగాహన సదస్సుల్లో జడ్జి పాల్గొన్నారు. ఈ సందర్భంగా మాట్లాడుతూ కాలేజీలు, పాఠశాలలు వదిలే సమయాల్లో ఈవ్‌టీజింగ్‌, ర్యాగింగ్‌కు పాల్పడరాదన్నారు. ఎవరి వల్లనైనా ఇబ్బంది కలిగితే విద్యార్థినులు వెంటనే పోలీసు వారికి సమాచారం అందించాలన్నారు. బాలికల భద్రతకు పోక్సో చట్టం తీసుకువచ్చారని, పోక్సో కేసులో ఇరుక్కుంటే భవిష్యత్తు నాశనమవుతుందన్నారు. విద్యార్థులు బాగా చదువుకొని ఉన్నతంగా స్థిరపడి కుటుంబాలకు అండగా నిలవాలన్నారు. అల్లరి మూకల వల్ల ఇబ్బందులు తలెత్తితే నిర్భయంగా పోలీసులకు ఫిర్యాదు చేయవచ్చన్నారు. చట్టాలు చాలా కఠినంగా ఉన్నాయన్నారు. ఈ అవగాహన సదస్సుల్లో సీఐ గోవిందరావు, ఎస్సైలు ఉమామహేశ్వరరావు తదితరులు పాల్గొన్నారు. ఈవ్‌టీజింగ్‌, ర్యాగింగ్‌ చట్టరీత్యా నేరం విద్యార్థినులు నిర్భయంగా ఫిర్యాదు చేయాలి సీనియర్‌ సివిల్‌ జడ్జి పఠాన్‌ షీయాజ్‌ ఖాన్‌

ఎంవీపీకాలనీ: జాతీయ స్థాయి పోటీలకు ఆంధ్రప్రదేశ్‌ పురుషుల కబడ్డీ జట్టు ఎంపికై ంది. ఈ మేరకు విశాఖ కబడ్డీ అసోసియేషన్‌ కార్యదర్శి జేఎస్‌వీ ప్రసాదరెడ్డి తెలిపారు. గత కొన్ని రోజులుగా 19 మంది క్రీడాకారులకు ప్రత్యేక శిక్షణ అందించగా సెలక్షన్‌ కమిటీ సభ్యులు మంగళవారం 12 మందితో కూడిన తుదిజట్టును ఎంపిక చేశారని పేర్కొన్నారు. ఎంపికై న రాష్ట్ర కబడ్డీ పురుషుల జట్టు ఒడిశాలోని కటక్‌ వేదికగా జరగనున్న 71వ జాతీయ కబడ్డీ పోటీల్లో ఆంధ్రప్రదేశ్‌ తరపున ప్రాతినిధ్యం వహిస్తుందన్నారు. ఈ నెల 20వ తేదీ నుంచి 23వ తేదీ వరకు కటక్‌లో ఈ పోటీలు జరగనున్నట్లు తెలిపారు. సెలక్షన్‌ కమిటీ సభ్యులుగా కబడ్డీ నేషనల్‌ మెడలిస్ట్‌, విశాఖ కబడ్డీ అసోసియేషన్‌ కార్యదర్శి ప్రసాదరెడ్డి, అంతర్జాతీయ కబడ్డీ క్రీడాకారులు సీహెచ్‌ పద్మరాజు, వైవీ శ్రీనివాస్‌లు వ్యవహరించారు. ఎంపికై న రాష్ట్ర జట్టును జి.రామకృష్ణ చౌదరి, లాలం రమేష్‌, ఆంధ్ర కబడ్డీ అసోసియేషన్‌ కార్యదర్శి వై.శ్రీకాంత్‌, సీనియర్‌ జాతీయ క్రీడాకారుడు వీవీ రమణ, సీహెచ్‌ పద్మరాజు తదితర క్రీడా ప్రముఖులు అభినందించారు.

● 9వ తరగతి విద్యార్థి రిషిసాయి ప్రతిభమునగపాక: కృషి, పట్టుదల ఉంటే ఏ రంగంలోనైనా రాణించవచ్చని నిరూపించాడు మండలంలోని మెలిపాకకు చెందిన రిషిసాయి. 9వ తరగతి చదువుతున్న రిషిసాయి అంతర్జాతీయ ఓపెన్‌ కరాటే పోటీల్లో పాల్గొని రెండు బంగారు పతకాలతో పాటు బ్లాక్‌ బెల్ట్‌ సాధించాడు. సినీ నటుడు సుమన్‌ నుంచి మెడల్‌ అందుకున్నాడు. మండలంలోని మెలిపాకకు చెందిన కొత్తపల్లి ఉమాశంకర్‌–రాణి దంపతుల కుమారుడు రిషిసాయి విశాఖలోని భావన విద్యా నికేతన్‌లో 9వ తరగతి చదువుకుంటున్నాడు. చదువులో రాణించడంతో పాటు కరాటేలో శిక్షణ పొందుతున్నాడు. విశాఖ స్పోర్ట్స్‌ స్టేడియంలో ఈ నెల 6 నుంచి 9వ తేదీ వరకు జరిగిన అంతర్జాతీయ కరాటే పోటీల్లో పాల్గొని తన ప్రతిభ చాటాడు. రెండు బంగారు పతకాలతో పాటు బ్లాక్‌ బెల్ట్‌ను సైతం సొంతం చేసుకున్నాడు. కోచ్‌ ఎస్‌పీఎండీ నాయుడు వద్ద రిషిసాయి కరాటేలో శిక్షణ పొందుతున్నాడు. గ్రామీణ ప్రాంత బాలుడు పతకాలు, బ్లాక్‌ బెల్ట్‌ సొంతం చేసుకోవడం పట్ల కుటుంబ సభ్యులతో పాటు గ్రామస్తులు హర్షం వ్యక్తం చేస్తున్నారు.

● యువతకు మార్గనిర్దేశం ● వివిధ వర్గాలకు అవగాహన ● ఎస్పీ తుహిన్‌ సిన్హా పిలుపు సోషల్‌ మీడియా ఇన్‌ఫ్లుయెన్సర్ల సమావేశంలో మాట్లాడుతున్న ఎస్పీ తుహిన్‌ సిన్హా అనకాపల్లి: సమాజాన్ని సురక్షితంగా, చట్టపరంగా ముందుకు తీసుకెళ్లేందుకు ప్రతి ఒక్కరూ బాధ్యత తీసుకోవాలని, సోషల్‌ మీడియాను ఉపయోగించి యువతను సరైన దిశలో నడిపించేందుకు కృషి చేయాలని ఎస్పీ తుహిన్‌ సిన్హా అన్నారు. తన కార్యాలయంలో మంగళవారం సోషల్‌ మీడియా ఇన్‌ఫ్లుయెన్సర్లతో సమావేశం నిర్వహించారు. గంజాయి అక్రమ రవాణా, వినియోగం నివారణ, గుడ్‌ టచ్‌–బ్యాడ్‌ టచ్‌, మహిళలు బాలల హక్కులు, రోడ్డు భద్రతా నియమాలు, సైబర్‌ నేరాలపై విస్తృతంగా సోషల్‌ మీడియా ద్వారా ప్రజలకు అవగాహన కల్పించాలని కోరారు. పోలీస్‌ శాఖ సహకారంతో ఇన్‌ఫ్లుయెన్సర్లు కీలక భూమిక పోషించాలని ఆయన కోరారు. ఈ కార్యక్రమంలో ఎస్‌బీ డీఎస్పీ బి.అప్పారావు, ట్రెయినీ డీఎస్పీ ఎం.వి.కృష్ణ చైతన్య, ఐటీ కోర్‌ ఎస్‌ఐ సురేష్‌బాబు తదితరులు పాల్గొన్నారు. మహిళా స్టేషన్‌ తనిఖీ పట్టణంలోని మహిళా పోలీస్‌ స్టేషన్‌ను మంగళవారం రాత్రి ఎస్పీ తుహిన్‌ సిన్హా పరిశీలించారు. మహిళలు ఇచ్చే ఫిర్యాదులపై తక్షణమే స్పందించి, రక్షణకు భద్రత చర్యలు చేపట్టాలని ఆయన కోరారు. అనంతరం ఎన్టీఆర్‌ ఆస్పత్రిలో డి–అడిక్షన్‌ సెంటర్‌ను సందర్శించారు. సెంటర్‌లో చికిత్స పొందుతున్న రోగుల ఆరోగ్య పరిస్థితి, చికిత్సా విధానాల గురించి వైద్యుడు కృష్ణ చైతన్యతో మాట్లాడారు.

అనకాపల్లి టౌన్‌: వ్యవసాయ రంగం అభివృద్ధి చెందాలంటే జస్టిస్‌ స్వామినాథన్‌ కమిషన్‌ సిఫార్సులు అమలు చేయాల్సిందేనని సీపీఐ రాష్ట్ర సహాయ కార్యదర్శి జె.వి.సత్యనారాయణమూర్తి తెలిపారు. స్థానిక వై.విజయ్‌కుమార్‌ హాల్‌లో మంగళవారం మాజీ శాసనసభ్యుడు కోడుగంటి గోవిందరావు 11వ వర్ధంతి సందర్భంగా ‘వ్యవసాయరంగం–పెనుసవాళ్లు’ అనే అంశంపై జిల్లా స్థాయి సదస్సు జరిగింది. ఈ సందర్భంగా సత్యనారాయణమూర్తి మాట్లాడుతూ ప్రస్తుతం వ్యవసాయరంగం ప్రపంచవ్యాప్తంగా సంక్షోభంలో పడిందని, ఏ ప్రభుత్వం అధికారంలో ఉన్నప్పటికీ రైతు సమస్యలు పట్టించుకోవడం లేదన్నారు. సరళీకృత ఆర్థిక విధానాల వలన పారిశ్రామికీకరణ వలన వ్యవసాయ రంగం దెబ్బతిన్నదని, పారిశ్రామిక, రియల్‌ ఎస్టేట్‌ వ్యాపారాల కోసం భూమిని వాడుకోవడం వలన వ్యవసాయ భూమి కనుమరుగైపోతుందన్నారు. వ్యవసాయ రంగానికి గోవిందరావు చేసిన సేవలను కొనియాడారు. ఈ కార్యక్రమంలో సీపీఐ జిల్లా కార్యదర్శి రాజాన దొరబాబు, మాకిరెడ్డి రామునాయుడు, జిల్లా కార్యవర్గ సభ్యులు సన్యాసిరావు, రెడ్డిపల్లి అప్పలరాజు తదితరులు పాల్గొన్నారు. జస్టిస్‌ స్వామినాథన్‌ సిఫార్సులు అమలు చేయడమే పరిష్కారం సీపీఐ రాష్ట్ర సహాయ కార్యదర్శి జె.వి.సత్యనారాయణమూర్తి

ఎమ్మెల్సీ ఎన్నికకు● ఎన్నికల నిర్వహణకు రూ.3 కోట్ల వరకు ఖర్చు? ● పోలింగ్‌ తేదీ దగ్గర పడుతున్నా విడుదల కాని నిధులు ● ప్రత్యామ్నాయ ఏర్పాటు చేస్తున్న జిల్లా యంత్రాంగం మహారాణిపేట (విశాఖ): ఉత్తరాంధ్ర ఉపాధ్యాయ ఎమ్మెల్సీ ఎన్నికల నిర్వహణకు ఆర్థిక ఇబ్బందులు ఎదురవుతున్నాయి. ఎన్నికల తేదీ దగ్గర పడుతోంది. ఇప్పటి వరకు రాష్ట్ర ప్రభుత్వం గానీ, ఎన్నికల కమిషన్‌ గానీ పైసా కూడా విదిల్చలేదు. మరోవైపు ఎన్నికల నిర్వహణకు అన్ని ఏర్పాట్లు చేయాలని మాత్రం అధికారులకు ఆదేశాలు జారీ చేస్తుండడం గమనార్హం. దీంతో జిల్లా అధికారులు ప్రత్యామ్నా య నిధులను ఎన్నికల నిర్వహణకు ఖర్చు చేస్తున్నారు. ఈ నెల 27న ఉత్తరాంధ్ర ఉపాధ్యాయ ఎ మ్మెల్సీ ఎన్నికల పోలింగ్‌కు జిల్లా అధికారులు స ర్వం సిద్ధం చేస్తున్నారు. ఈ నెల 25వ తేదీ సాయంత్రంతో అభ్యర్థుల ఎన్నికల ప్రచారం ముగియనుంది. 27వ తేదీన పోలింగ్‌, వచ్చే నెల 3వ తేదీన ఓట్ల లెక్కింపు జరగనుంది. ఇప్పటికే కర్నూలు ప్రభుత్వ ముద్రణ శాలలో పోలింగ్‌కు అవసరమైన బ్యాలెట్‌ పత్రాల ప్రింటింగ్‌ ప్రక్రియ పూర్తవడంతో అవి విశాఖకు చేరుకున్నాయి. వాటిని ఇక్కడి నుంచి ఉత్తరాంధ్ర జిల్లాలకు పంపించారు. వాస్తవానికి ఈ ఎన్నికల నిర్వహణకు ప్రభుత్వం నిధులు సమకూర్చాల్సి ఉంటుంది. కానీ కూటమి ప్రభుత్వం మాత్రం ఇప్పటి వరకు ఎటువంటి నిధులు విడుదల చేయలేదు. దీంతో జిల్లా అధికారులు తప్పనిసరి పరిస్థితుల్లో ఇతర ఫండ్స్‌ నుంచి నిధులను మళ్లించి ఎన్నికల నిర్వహణ ఏర్పాట్లకు ఖర్చు చేస్తున్నట్లు తెలుస్తోంది. ప్రభుత్వం నుంచి నిధులు రాని పక్షంలో మళ్లీ వాటిని సర్దుబాటు చేయడం అధికారులకు తలనొప్పిగా మారే అవకాశముంది. 21,555 మంది ఓటర్లు ఉత్తరాంధ్ర ఉపాధ్యాయల ఎన్నికల్లో 21,555 మంది ఓటర్లు తమ ఓటు హక్కును వినియోగించుకోనున్నారు. ఇందులో 12,948 మంది పురుషులు, 8,607 మంది మహిళా ఓటర్లు ఉన్నారు. శ్రీకాకుళం జిల్లాలో 4,829 మంది, విజయనగరంలో 4,937, మన్యం పార్వతీపురం మన్యంలో 2,262, అల్లూరి సీతారామరాజు జిల్లాలో 1,448, విశాఖలో 5,277, అనకాపల్లి జిల్లాలో 2802 మంది ఓటర్లు ఉన్నారు. ప్రతి పోలింగ్‌ స్టేషన్‌లో ఓటర్ల కోసం టెంట్‌లు ఏర్పాటు చేస్తున్నారు. ఎన్నికల సామగ్రి కొనుగోలు, ఓటు వేయడానికి పోలింగ్‌ కేంద్రంలో ఏర్పాట్లు, తాగునీరు, ఇతర సౌకర్యాలు కల్పిస్తున్నారు. తొలి విడతగా ఎన్నికల నిర్వహణపై మంగళవారం సిబ్బందికి శిక్షణ కార్యక్రమాన్ని నిర్వహించారు. మళ్లీ ఈ నెల 24న మరోసారి శిక్షణ ఇవ్వనున్నారు. మార్చి 3న ఆంధ్రా యూనివర్సిటీలో ఓట్ల లెక్కింపునకు ఏర్పాట్లు చేస్తున్నారు. వీటికి కూడా నిధులు అవసరం. ఇలాంటి పరిస్థితుల్లో ప్రభుత్వం నిధులు విడుదల చేయకపోవడంతో అధికారులు నానా తంటాలు పడుతున్నారు. ఎన్నికల ఖర్చు రూ.3 కోట్లు! ఉత్తరాంధ్ర ఉపాధ్యాయ ఎమ్మెల్సీ ఎన్నికలకు విశాఖ కలెక్టర్‌ ఎం.ఎన్‌.హరేందిర ప్రసాద్‌ ఎన్నికల ప్రధాన అధికారిగా వ్యవహరిస్తున్నారు. విశాఖపట్నం, అనకాపల్లి, అల్లూరి సీతారామరాజు, శ్రీకాకుళం, పార్వతీపురం మన్యం, విజయనగరం జిల్లాల్లో ఎన్నికల నిర్వహణ కోసం మొత్తం రూ.3 కోట్లు ఖర్చు అవుతుందని అంచనా వేశారు. 123 పోలింగ్‌ కేంద్రాల్లో సౌకర్యాలు, ఇతర ఏర్పాట్లకు నిధులు అవసరం. పోలింగ్‌ సిబ్బంది భోజనాలు, పోలింగ్‌ తర్వాత టీఏ, డీఏలు కూడా చెల్లించాల్సి ఉంది.

ప్రస్తుత ఇన్‌చార్జి వీసీ శశిభూషణరావుకు ఆంధ్ర యూనివర్సిటీలో పూర్తిస్థాయి వీసీగా అవకాశం కల్పిస్తారనే ప్రచారం జరిగింది. మరో పక్క వీసీ పోస్ట్‌ కోసమని ప్రస్తుత రిజిస్ట్రార్‌ ఎన్‌.ధనుంజయరావు, రెక్టార్‌ కిశోర్‌బాబు తమ స్థాయిలో లాబీయింగ్‌ చేశారు. కానీ వీరికి అవకాశం దక్కలేదు. వర్సిటీలో కీలక పోస్టుల్లో ఉన్న వీరిని ఇక్కడ కాకుంటే, రాష్ట్రంలోని ఇతర యూనివర్సిటీలకై నా పరిగణలోకి తీసుకుంటారని అంతా భావించారు. కూటమికి చెందిన కీలక నేతలు వీరికి అభయం కూడా ఇచ్చారనే ప్రచారం సాగింది. కానీ ప్రభుత్వం నుంచి వీరికి ఆశాభంగం తప్పలేదు.

● స్థానికుడికే దక్కిన అవకాశం ● ఏయూ ఉపకులపతిగా ఆచార్య రాజశేఖర్‌ నియామకం ● వర్సిటీలోని ఇద్దరు ఆచార్యులకు వీసీలుగా అవకాశం ● నన్నయ వర్సిటీకి ప్రసన్న శ్రీ, కృష్ణా వర్సిటీకి రాంజీ నియామకంవిశాఖ విద్య/సింహాచలం: ఆంధ్ర యూనివర్సిటీ ఉపకులపతిగా ఆచార్య గంగవంశం పైడి రాజశేఖర్‌ నియమితులయ్యారు. ఈ మేరకు గవర్నర్‌ ఎస్‌.అబ్దుల్‌ నజీర్‌, ప్రభుత్వ ప్రధాన కార్యదర్శి కోన శశిధర్‌ సంయుక్తంగా మంగళవారం ఉత్తర్వులు జారీ చేశారు. ఆచార్య రాజశేఖర్‌ ప్రస్తుతం ఖరగ్‌పూర్‌ ఐఐటీలో మ్యాథ్స్‌ ప్రొఫెసర్‌గా విధులు నిర్వర్తిస్తున్నారు. కాగా.. ఆచార్య రాజశేఖర్‌ది సింహాచలం. తమ ప్రాంతీయుడు ఏయూ వీసీగా నియామకం కావడం ఎంతో గర్వకారణమని రాజశేఖర్‌ స్నేహితులు, సన్నిహితులు, గ్రామస్తులు ఆనందం వ్యక్తం చేశారు. రాజశేఖర్‌ అడవివరం ప్రాథమికోన్నత పాఠశాలలో ఒకటి నుంచి 7వ తరగతి వరకు చదువుకున్నారు. గ్రీన్‌పార్క్‌ సమీపంలోని సెయింట్‌ ఆంథోనీ స్కూల్‌లో 8వ తరగతి నుంచి 10వ తరగతి వరకు విద్యాభ్యాసం చేశారు. ఏవీఎన్‌ కళాశాలలో ఇంటర్మీడియడ్‌(ఎంపీసీ), డిగ్రీ(బీఎస్సీ) పూర్తి చేశారు. యూనివర్సిటీ ఆఫ్‌ హైదరాబాద్‌లో ఎంఎస్సీ, ఎంఫిల్‌ పూర్తి చేసి అదే యూనివర్సిటీ నుంచి డాక్టరేట్‌ పొందారు. గణితంలో ఆచార్య రాజశేఖర్‌ చేసిన పరిశోధనలు ప్రపంచవ్యాప్తంగా గుర్తింపు పొందాయి. కుటుంబ నేపథ్యం ప్రొఫెసర్‌ రాజశేఖర్‌ తండ్రి బలరామకృష్ణ అడవివరం ప్రాథమిక ఆరోగ్య కేంద్రంలో ల్యాబ్‌ టెక్నీషియన్‌గా పనిచేసి ఉద్యోగ విరమణ చేశారు. తల్లి సావిత్రి గృహిణి. రాజశేఖర్‌ సోదరుడు గిరిధర్‌ విశాఖ స్టీల్‌ప్లాంట్‌లో పనిచేస్తున్నారు. రాజశేఖర్‌ కుమార్తె కూడా ఖరగ్‌పూర్‌ ఐఐటీలో విద్యనభ్యస్తున్నారు. 2017లో అడవివరంలో జరిగిన గ్రంథాలయ వారోత్సవాల్లో స్థానికులు రాజశేఖర్‌ను ఘనంగా సత్కరించారు. రాజశేఖర్‌ ఏయూ వీసీగా నియామకం కావడంతో అతని స్నేహితులు పాశర్ల ప్రసాద్‌, టి.వి.కృష్ణంరాజు, రాజనాల సత్యారావు, వై.డి.వి ప్రసాద్‌, గ్రామస్తులు కర్రి అప్పలస్వామి, కొలుసు ఈశ్వరరావు తదితరులు హర్షం వ్యక్తం చేశారు. వీసీ శశిభూషణరావు రిలీవ్‌ ఏయూ ఇన్‌చార్జి వీసీ బాధ్యతల నుంచి ఆచార్య జి.శశిభూషణరావు మంగళవారం రిలీవ్‌ అయ్యారు. వర్సిటీకి నూతన వీసీని నియమించడం, ప్రస్తుత వీసీ వెంటనే రిలీవ్‌ కావాలని ప్రభుత్వం ఆదేశించింది. ఈ మేరకు శశిభూషణరావు వీసీ బాధ్యతల నుంచి వైదొలగి.. తన మాతృస్థానమైన వర్సిటీ ఇంజినీరింగ్‌ కాలేజీ ప్రిన్సిపాల్‌గా వెళ్లారు. దీంతో రిజిస్ట్రార్‌ ధనుంజయరావు పూర్తి స్థాయిలో వర్సిటీ కార్యకలాపాలపై పర్యవేక్షణ చేయాల్సిన పరిస్థితులు ఏర్పడ్డాయి. ఉద్యోగ ప్రస్థానం 1997లో యూనివర్సిటీ ఆఫ్‌ హైదరాబాద్‌లో గెస్ట్‌ ఫ్యాకల్టీగా ఉద్యోగ ప్రస్థానం ప్రారంభం 1998 నుంచి 2000 డిసెంబర్‌ వరకు జపాన్‌లోని టోక్యో యూనివర్సిటీలో పోస్ట్‌ డాక్టోరల్‌ ఫెలోగా పనిచేశారు. 2000 డిసెంబర్‌ నుంచి 2002 జూన్‌ వరకు ఐఐటీ ఖరగ్‌పూర్‌లో విజిటింగ్‌ ఫ్యాకల్టీగా సేవలందించారు. 2002 జూన్‌ నుంచి 2007 ఏప్రిల్‌ వరకు అక్కడే అసిస్టెంట్‌ ప్రొఫెసర్‌గా విధులు నిర్వర్తించారు. అనంతరం సెలవులో ఉండి వివిధ అంశాలపై పరిశోధనలు చేశారు. 2011 నుంచి 2019 వరకు ఖరగ్‌పూర్‌ ఐఐటీలోనే ప్రొఫెసర్‌గా పనిచేశారు. 2019 ఆగస్టు నుంచి హెచ్‌ఏజీ స్కేల్‌తో అదే చోట ప్రొఫెసర్‌గా విధులు నిర్వహిస్తున్నారు. అలాగే ప్రొఫెసర్‌ రాజశేఖర్‌ ఖరగ్‌పూర్‌ ఐఐటీ డీన్‌గా, జేఈఈ మెయిన్స్‌ను ఐఐటీ ఖరగ్‌పూర్‌ నిర్వహించినప్పుడు చైర్మన్‌గా వ్యవహరించారు.

● పీవోలు, ఏపీవోలు పారదర్శకంగా ఉండాలి ● నిబంధనలను కచ్చితంగా పాటించాలి ● తొలి విడత శిక్షణ కార్యక్రమంలో జిల్లా ఎన్నికల అధికారి, కలెక్టర్‌ విజయ కృష్ణన్‌తుమ్మపాల: ఉత్తరాంధ్ర ఉపాధ్యాయ ఎమ్మెల్సీ ఎన్నికల విధులను సమర్థవంతంగా నిర్వహించాలని జిల్లా ఎన్నికల అధికారి, కలెక్టర్‌ విజయ కృష్ణన్‌ అన్నారు. ఈనెల 27న జరగనున్న పోలింగ్‌ ప్రక్రియపై ప్రిసైడింగ్‌ అధికారులు, సహాయ ప్రిసైడింగ్‌ అధికారులకు తొలి విడత శిక్షణ తరగతులను మంగళవారం కలెక్టర్‌ కార్యాలయ సమావేశ మందిరంలో నిర్వహించారు. ఈ సందర్భంగా ఆమె మాట్లాడుతూ పీవోలు, ఏపీవోలు పూర్తి పారదర్శకంగా, స్వేచ్ఛాయుత వాతావరణంలో పోలింగ్‌ నిర్వహించాలన్నారు. పోలింగ్‌ ప్రక్రియలో ఎన్నికల సంఘం మార్గదర్శకాలు, నిబంధనలను కచ్చితంగా పాటించాలన్నారు. సాధారణ ఎన్నికలకు భిన్నంగా బ్యాలెట్‌ పద్ధతిన జరిగే ఎమ్మెల్సీ పోలింగ్‌ నిర్వహణలో వ్యవధి ఎక్కువగా పట్టే అవకాశం ఉన్నందున ఓపిగ్గా, సంయమనం పాటిస్తూ సమర్ధవంతంగా విధులు నిర్వర్తించాలన్నారు. చిన్నపాటి తప్పిదానికి కూడా తావు లేకుండా పోలింగ్‌ ప్రక్రియ జరిగేలా విధులు నిర్వర్తించాలన్నారు. పోలింగ్‌ ప్రక్రియ బాధ్యత మొత్తం ప్రిసైడింగ్‌ అధికారిదేనని, బ్యాలెట్‌ బాక్సులు తీసుకున్న రోజు నుంచి పోలింగ్‌ ముగిసి తిరిగి అప్పగించే వరకు అప్రమత్తంగా ఉండాలన్నారు. ఎన్నికల కమిషన్‌ నిర్దేశించిన నియమావళి ప్రకారంగా ఎలాంటి పొరపాట్లకు తావు లేకుండా పక్కాగా విధులు నిర్వహించాలన్నారు. ఓటు వేయడానికి ఎన్నికల కమిషన్‌ అందజేసిన పెన్ను మాత్రమే వినియోగించాలన్నారు. జిల్లా రెవెన్యూ అధికారి వై.సత్యనారాయణరావు, ట్రైనింగ్‌ ప్రోగ్రాం అధికారులు డీపీఆర్సీ జిల్లా కోఆర్డినేటర్‌ నాగలక్ష్మి, సివిల్‌ సప్‌లైస్‌ జిల్లా మేనేజర్‌ పి.జయంతి ఆధ్వర్యంలో నిర్వహించిన శిక్షణ కార్యక్రమంలో ఎన్నికల సెక్షన్‌ సూపరింటెండెంట్‌ ఎస్‌.వి.ఎస్‌.ఎస్‌.నాయుడు, డిప్యూటీ తహసీల్దార్‌ పి.అరుణచంద్ర ఎన్నికల నిబంధనలు, పోలింగ్‌ విధానం, బ్యాలెట్‌ బాక్సుల నిర్వహణపై శిక్షణ అందించారు.

చింతపల్లి (అల్లూరి జిల్లా): చింతపల్లి అటవీశాఖ సబ్‌ డివిజన్‌ పరిధిలో గల సిగనాపల్లిలో అక్రమంగా రంగురాళ్లు తవ్వుతున్న 10 మందిని అరెస్టు చేసినట్టు పెదవలస రేంజ్‌ అధికారి శివరంజిని తెలిపారు. జీకే వీధి మండలం సంకాడ పంచాయతీ పరిధిలో గల సిగనాపల్లి సమీపంలో కొండపై రంగురాళ్లు తవ్వకాలు జరుగుతున్నట్టు అందిన సమాచారం మేరకు మంగళవారం సిబ్బందితో దాడి చేసినట్టు చెప్పారు. రంగురాళ్లు తవ్వుతున్న కాకినాడ జిల్లా పత్తిపాడు మండలం ఒమ్మంగి గ్రామానికి చెందిన 10 మందిని అరెస్టు చేసి, వారి నుంచి 2.2 గ్రాముల రంగురాళ్లను స్వాధీనం చేసుకున్నామని చెప్పారు. రంగురాళ్ల క్వారీ వద్ద విధి నిర్వహణలో నిర్లక్ష్యంగా వ్యవహరించిన ఇద్దరు ప్రొడక్షన్‌ వాచర్లను విధుల నుంచి తొలగించినట్టు రేంజ్‌ అధికారి శివరంజని తెలిపారు. ఫారెస్టు బీట్‌ ఆఫీసర్‌ గోపి, స్టైకింగ్‌ ఫోర్స్‌, బేస్‌ క్యాంప్‌ సిబ్బంది పాల్గొన్నారు.

మాట్లాడుతున్న రూరల్‌ సీఐ అశోక్‌కుమార్‌ అనకాపల్లి: దొంగతనం కేసులో తప్పించుకుని తిరుగుతున్న మండలంలో మాకవరం గ్రామానికి చెందిన గంజి మంగరావును మండలంలో మార్టూరు జంక్షన్‌ వద్ద పోలీసులు పట్టుకున్నారు. అతడిపై కేసు నమోదు చేసి కోర్టులో హాజరుపర్చగా న్యాయమూర్తి 14 రోజులు రిమాండ్‌ విధించినట్లు రూరల్‌ సీఐ జి.అశోక్‌కుమార్‌ మంగళవారం తెలిపారు. మండలంలో పెదమాకవరం గ్రామానికి చెందిన దాసరి నారాయణరావు ఇంట్లో ఈ నెల 13న రెండు తులాలు బంగారం చోరీకి గురైనట్లు అతడి మనవరాలు కరణం రేణుక ఇచ్చిన ఫిర్యాదు మేరకు కేసు నమోదు చేశారు. ఈ కేసు దర్యాప్తులో భాగంగా నిందితుడిని పట్టుకుని తులమున్నర బంగారంతోపాటు కాకినాడ జిల్లా ప్రత్తిపాడు మండలంలో చోరీ చేసిన బైక్‌(యూనీకాన్‌ బైక్‌)ను స్వాధీనం చేసుకున్నారు. కార్యక్రమంలో రూరల్‌ ఎస్‌ఐ రవికుమార్‌, పోలీస్‌ సిబ్బంది పాల్గొన్నారు.

● వాంతులు, విరోచనాలతో ఒకే రోజు ఇద్దరి మృతి ● భయాందోళనలో గ్రామస్తులు ● ప్రత్యేక మెడికల్‌ క్యాంప్‌ ఏర్పాటు చేయాలని విజ్ఞప్తి ముంచంగిపుట్టు: మండలంలోని బంగారుమెట్ట పంచాయతీ సరియాపల్లిలో 20 మంది అస్వస్థతకు గురయ్యారు. చిన్నా,పెద్ద అనే తేడా లేకుండా చాలా మంది వాంతులు,విరోచనాలతో బాధపడుతున్నారు. వాంతులు, విరోచనాలతో ఒకే రోజు ఇద్దరు మృతి చెందడంతో గ్రామస్తులు భయాందోళనకు గురవుతున్నారు.మంగళవారం ఉదయం గ్రామానికి చెందిన గోల్లోరి దనియా(56), సాయంత్రం ఏడాది బాలుడు కిలో వినయ్‌ వాంతులు,విరోచనాలతో మృతి చెందారు. ప్రసుత్తం గ్రామంలో కొర్రా విక్రత్‌,కొర్రా హర్షిత్‌,వంతాల సిద్ధాంత్‌,కొర్రా వసంత అనే ఏడాదిలోపు చిన్నారులతో పాటు మరికొంత మంది వాంతలు,విరోచనాలతో బాధపడుతున్నారు. చాలా మంది 10 రోజులుగా అస్వస్థతతో బాధపడుతున్నారు. ఇటీవల కిలగాడ వైద్య సిబ్బంది గ్రామంలో వైద్య శిబిరం నిర్వహించి, వైద్య సేవలు అందించినా అదుపులోకి రాకపోవడంతో గ్రామస్తులకు కంటిమీదకునుకు కరువైంది. తక్షణమే వైద్య ఆరోగ్య శాఖ ఉన్నతాధికారులు స్పందించి ప్రత్యేక మెడికల్‌ క్యాంప్‌ ఏర్పాటు చేయాలని బంగారుమెట్ట సర్పంచ్‌ రత్న,వైఎస్సార్‌సీపీ మండల నేత మోహన్‌,సరియాపల్లి గ్రామస్తులు కోరారు.దీనిపై కిలగాడ వైద్యాధికారి రమేష్‌ వద్ద ప్రస్తవించగా సరియాపల్లిలో గత వారం వైద్య శిబిరం నిర్వహించామని, బుధవారం మరోసారి శిబిరం నిర్వహిస్తామని తెలిపారు. అవసరమైతే పీహెచ్‌సీకి తీసుకువచ్చి వైద్య సేవలు అందిస్తామని ఆయన చెప్పారు.

●కొబ్బరి చెట్లకు బీమా పథకం ●ప్రకృతి వైపరీత్యాలతో నష్టపోతే పరిహారం ●ఉద్యానవన అధికారి భాను పుష్పలీలావతి మాడుగుల రూరల్‌: రైతుల కోసం ఎన్నో పథకాలు కేంద్ర, రాష్ట్ర ప్రభుత్వాలు అమలు చేస్తున్నాయి. వాటిపై అవగాహన లేకపోవడం, క్షేత్రస్థాయిలో సరైన ప్రచారం లేకపోవడంతో ఇప్పటికీ చాలామంది ప్రభుత్వ ఫలాలు పొందలేకపోతున్నారు. పర్యవసానంగా ప్రకృతి వైపరీత్యాల సమయంలో తీవ్రంగా నష్టపోతున్నారు. ఈ నేపథ్యంలో అగ్రికల్చర్‌ ఇన్సూరెన్స్‌ కంపెనీ ఆఫ్‌ ఇండియా(ఎ.ఐ.సి) అనే కేంద్ర ప్రభుత్వ రంగ బీమా సంస్థ, కొబ్బరి అభివృద్ధి బోర్డు(సీడీబీ), రాష్ట్ర ప్రభుత్వం సహకారంతో కొబ్బరి చెట్లకు కలిగిన నష్టం వల్ల వచ్చే ఆర్థిక ఇబ్బందులు నుంచి రైతులను ఆదుకునేందుకు కొబ్బరి చెట్ల బీమా పథకాన్ని అమలు చేస్తున్నాయి. ఈ మేరకు కొబ్బరి చెట్ల బీమా పథకం(సి.పి.ఐ.ఎస్‌) ద్వారా కొబ్బరి రైతులు ప్రీమియం చెల్లించాలని మండల ఉద్యానవన శాఖాధికారి వి. భాను పుష్పలీలావతి పేర్కొన్నారు. దీనివల్ల పొందే ప్రయోజనాలు గురించి సాక్షికి ఆమె వివరించారు. బీమాకు వర్తించే కొబ్బరి చెట్లు... టాల్‌, హైబ్రిడ్‌, డ్వార్ప్‌ రకాలకు చెందిన కొబ్బరి చెట్లకు కింద పేర్కొన్న సంవత్సర మధ్యలో ఉంటే బీమా వర్తిస్తుంది. డ్వార్ప్‌, హైబ్రిడ్‌: కొబ్బరి చెట్లు 4 నుంచి 60 సంవత్సరాల వయస్సు కలిగి ఉండాలి. టాల్‌ చెట్లు 7 నుంచి 60 సంవత్సరాల వరకు వయసు చెట్లుకు బీమా ప్రీమియం చెల్లించవచ్చు. ఏ రైతు స్థలంలోనైనా కనీసం ఐదు ఆరోగ్యకరమైన చెట్లు ఉంటే బీమాకు అర్హులు. నష్టపరిహారం వర్తించే అంశాలు... తుఫాన్‌, వడగండ్ల వాన, సుడిగాలి, భారీ వర్షాలు, వరద ముప్పు, చీడపీడలు వల్ల చెట్లుకు నష్టం జరుగుట. ప్రమాదవశాత్తు అగ్ని లేదా మెరుపులుతో కూడిన మంటలు, భూకంపం, కొండచరియలు విరిగిపడటం, సునామీ, తీవ్ర కరువు, చెట్టు మొత్తం నష్టపోవడం వంటి వాటికి ఈ బీమా వర్తిస్తుంది. బీమాలో సబ్సిడీ... బీమా ప్రీమియంలో సబ్సిడీ కూడా ఉంటుంది. ప్రీమియంలో 50 శాతం కోకోనట్‌ డెవలప్‌మెంట్‌ బోర్డు, 25 శాతం రాష్ట్ర ప్రభుత్వం భరిస్తుంది. మిగిలిన 25 శాతం మాత్రమే రైతు చెల్లించాలి. రైతులు రెండు సంవత్సరాలు బీమాకు ప్రీమియంలో 7.5 శాతం రాయితీ, మూడు సంవత్సరాలు బీమాకు 12.5 శాతం రాయితీ వర్తిస్తుంది. మూడు సంవత్సరాలు కాలపరిమితికి బీమా చేసుకోవచ్చు. ఒక చెట్టుకు మూడు సంవత్సరాలకు ప్రీమియం రూ. 27.65 అయితే, సబ్సిడీ పోను రూ. 5.90 పైసలు (నాలుగు నుంచి 15 సంవత్సరాల వయస్సు కలిగిన చెట్లు), 16 నుంచి 60 సంవత్సరాల వయస్సు కలిగిన ఒక చెట్టుకు మూడు సంవత్సరాలకు రూ. 40.69 పైసలు చెల్లించాల్సి ఉండగా, రైతు ప్రీమియం రూ.9.19 పైసలు చెల్లించాలి. పూర్తి వివరాలు కోసం తమ సమీపంలో రైతు సేవా కేంద్రంలో వీఏఏ లేదా వీహెచ్‌ఏలను సంప్రందించాలి.

అక్కిరెడ్డిపాలెం: ద్విచక్రవాహనంపై వెళ్తున్న యువకుడిని ట్రాలర్‌ రూపంలో మృత్యువు కబళించింది. షీలానగర్‌ పెట్రోల్‌ బంక్‌ సమీపంలో ఈ ప్రమాదం జరిగింది. గాజువాక ట్రాఫిక్‌ పోలీసులు తెలిపిన వివరాలివీ.. అనకాపల్లి జిల్లా రాంబిల్లి మండలం వెంకయ్యపాలేనికి చెందిన మైలపల్లి మనోహర్‌ (24) మెరినో సంస్థలో సేల్స్‌ విభాగంలో పనిచేస్తున్నాడు. విధుల్లో భాగంగా మంగళవారం నగరం నుంచి గాజువాక వైపు బైక్‌పై వెళ్తున్నాడు. షీలానగర్‌ పెట్రోల్‌ బంక్‌ దాటిన తర్వాత వెనుకనే వేగంగా వస్తున్న ట్రాలర్‌ బైక్‌ను ఢీకొట్టింది. బైక్‌ అదుపు తప్పడంతో మనోహర్‌ తూలి లారీ చక్రాల కిందకు వెళ్లిపోయాడు. ఆ సమయంలో మనోహర్‌ హెల్మెట్‌ ధరించినా.. లారీ చక్రాల కింద నలిగి హెల్మెట్‌ ఊడిపోయింది. తలకు, ముఖానికి తీవ్ర గాయాలయ్యాయి. స్థానికుల సమాచారంతో గాజువాక పోలీసులు సంఘటనా స్థలానికి చేరుకుని.. క్షతగాత్రుడిని షీలానగర్‌లోని ప్రైవేట్‌ ఆస్పత్రికి తరలించారు. మార్గమధ్యంలోనే మనోహర్‌ మృతి చెందాడు. అతని కుటుంబ సభ్యులు ఇచ్చిన ఫిర్యాదు మేరకు కేసు నమోదు చేసినట్లు సీఐ కోటేశ్వరరావు తెలిపారు. మృతదేహాన్ని పోస్టుమార్టం నిమిత్తం కేజీహెచ్‌కు తరలించారు. మనోహర్‌కు తండ్రి మైలపల్లి దేముడు, తల్లి దేముడమ్మ, ఒక సోదరి ఉన్నట్లు పోలీసులు తెలిపారు.

మురళీనగర్‌: కంచరపాలెం ప్రభుత్వ కెమికల్‌ ఇంజినీరింగ్‌ ఇనిస్టిట్యూట్‌ (గైస్‌)లో స్వల్పకాలిక సర్టిఫికెట్‌ కోర్సుల్లో ప్రవేశాలకు ఈ నెల 24న ఇంటర్వ్యూలు నిర్వహించనున్నట్లు ప్రిన్సిపాల్‌ డాక్టర్‌ కె.వెంకటరమణ తెలిపారు. ఏడాది వ్యవధి కలిగిన పారిశ్రామిక భద్రత కోర్సులో 60 సీట్లు, 6 నెలల వ్యవధితో ఫైర్‌ సేఫ్టీ కోర్సు లో 30 సీట్లు, 4 నెలల వ్యవధితో ఆఫీస్‌ ఆటోమేషన్‌ కోర్సులో 20 సీట్లు, 3 నెలల వ్యవధితో కెమికల్‌ సూపర్‌వైజరీ ప్రొగ్రామ్‌లో 20 సీట్లు ఉన్నాయన్నారు. ఆసక్తి ఉన్నవారు టెన్త్‌ పాస్‌/డిప్లొమా/ఇంటర్‌/డిగ్రీ సర్టిఫికెట్‌, ఆధార్‌, రెండేళ్ల పారిశ్రామిక అనుభవ ధ్రువీకరణపత్రం ఒరిజినల్‌తో పాటు ఒక సెట్‌ జెరాక్స్‌తో ఆ రోజు ఉదయం 10గంటలకు హాజరు కావాలన్నారు.

● విరగ్గాసిన కాపు ● సేకరణలో రైతులు బిజీబిజీ ● కాఫీతోటల్లో అంతరపంటగా సాగు ● 1.10లక్షల ఎకరాల్లో మిరియాల పాదులు ● గత ఏడాది 11వేల టన్నుల వ్యాపారం ● ఎకరానికి రూ.60వేల ఆదాయం సాక్షి,పాడేరు: జిల్లాలో కాఫీ తోటల్లో అంతరపంటగా గిరిజన రైతులు సాగుచేస్తున్న మిరియాల పంట విరగ్గాసింది. పాదులకు అఽధికంగా మిరియాల కాపు ఉండడంతో గిరిజన రైతులు మురిసిపోతున్నారు.నాణ్యతలో నంబర్‌–1గా జాతీయ స్థాయిలో గుర్తింపు ఉన్న మన్యం మిరియాలు ఈఏడాది కూడా గిరిజన రైతులకు అధిక లాభాలు అందించనున్నాయి. కేరళ,కర్నాటక,తమిళనాడు,ఒడిశా రాష్ట్రాలలో మిరియాల పంట ఉన్నప్పటికీ అల్లూరి జిల్లాలో గిరిజనులు సేంద్రియ పద్ధతిలో సాగుచేస్తున్న మిరియాలే నాణ్యతలో నంబర్‌ వన్‌గా నిలుస్తున్నాయి. ఘాటు అధికంగా ఉండే మన్యం మిరియాలకు జాతీయ మార్కెట్‌లో మంచి ఆదరణ ఉంది. గత ఏడాది కిలో రూ.600 నుంచి రూ.700ధరతో వ్యాపారులు కొనుగోలు చేశారు. 1.10లక్షల ఎకరాల్లో సాగు జిల్లాలో 1.48 లక్షల ఎకరాల్లో ఫలసాయం ఇచ్చే కాఫీతోటలను గిరిజనులు సాగు చేస్తున్నారు. వాటిలో 1.10 లక్షల ఎకరాల్లో మిరియాల పాదులను అంతరపంటగా వేశారు.ఎకరానికి తక్కువలో చూసుకున్న 100 కిలోల ఎండు మిరియాలను రైతులు మార్కెటింగ్‌ చేస్తారు. ఎకరానికి రూ.60వేల నుంచి రూ.70వేల వరకు ఆదాయం లభిస్తుంది.గత ఏడాది 11వేల టన్నుల వరకు దిగుబడి వచ్చింది.ప్రైవేట్‌ వ్యాపారులు పోటాపోటీగా కొనుగోలు చేశారు. ఈ ఏడాది కూడా వాతావరణ పరిస్థితులు అనుకూలంగా ఉండడంతో మిరియాల పాదులకు కాపు విరగ్గాసింది. దిగుబడులు మరింత పెరిగి కనీసం 12వేల టన్నుల వరకు మార్కెట్‌ జరుగుతుందని ఉద్యానవన,కాఫీబోర్డు,స్పైసెస్‌ బోర్డు అధికారులు అంచాన వేస్తున్నారు. మిరియాల సేకరణ ప్రారంభం మన్యంలో మిరియాల పంట దిగుబడి దశకు రావడంతో గిరిజన రైతులు పాదులకు ఉన్న గింజల సేకరణను ప్రారంభించారు.గత వైఎస్సార్‌సీపీ ప్రభుత్వ హయాంలో స్పైసెస్‌ బోర్డు,పాడేరు ఐటీడీఏలు అల్యూమినియం నిచ్చెనలను పంపిణీ చేయడంతో గిరిజన రైతులకు ఎంతో మేలు జరిగింది.వాటితోనే మిరియాలను సేకరిస్తున్న గిరిజన రైతులు వెనువెంటనే వేడినీళ్లలో నానబెట్టి ఎండు మిరియాలను తయారు చేస్తున్నారు.గింజల్లో తేమ పూర్తిగా పోయిన తరువాత గిరిజన రైతులు సంతల్లో అమ్మకాలు చేపడుతున్నారు. కిలో రూ.550 ధరతో కొనుగోళ్లు ప్రారంభం జిల్లాలో మిరియాల వ్యాపారం ప్రారంభమైంది.ప్రారంభ దశ కావడంతో వ్యాపారులు కిలో రూ.550ధరతో కొనుగోలు చేస్తున్నారు.ఈ ఏడాది కూడా మన్యం మిరియాలకు డిమాండ్‌ అధికంగా ఉందని పెద్ద వ్యాపారులు చెబుతున్న నేపథ్యంలో వచ్చే వారం నుంచి ధరలు పెంచి వ్యాపారులు పోటాపోటీగా కొనుగోలు చేసే అవకాశం ఉంది. అయితే కాఫీ పంట వలే మిరియాలను కూడా జీసీసీ,పాడేరు ఐటీడీఏలు కొనుగోలు చేయాలని గిరిజన రైతులు డిమాండ్‌ చేస్తున్నారు.

● కాపు కార్పొరేషన్‌ మాజీ డైరెక్టర్‌ వీసం రామకృష్ణ నక్కపల్లి: కూటమి ప్రభుత్వంలో ప్రజాస్వామ్యం ఖూనీ అయిందని రాష్ట్ర కాపు కార్పొరేషన్‌ మాజీ డైరెక్టర్‌ వీసం రామకృష్ణ ఆరోపించారు. మంగళవారం ఆయన పలువురు కార్యకర్తలతో కలసి మాజీ మంత్రి దాడిశెట్టి రాజా ఇచ్చిన పిలుపు మేరకు చలో తుని కార్యక్రమానికి వెళ్లారు. తుని మున్సిపల్‌ కౌన్సిలర్లకు సంఘీభావం తెలిపారు. ఈ సందర్భంగా వీసం మాట్లాడుతూ గతంలో జరిగిన మున్సిపల్‌, కార్పొరేషన్‌ ఎన్నికల్లో తెలుగుదేశం పార్టీని ప్రజలు ఘోరంగా ఓడించారన్నారు. స్థానిక ఎన్నికల్లో చీత్కరించినప్పటికీ సిగ్గురాలేదన్నారు. నాలుగేళ్ల అనంతరం అధికారం ఉంది కదా అని, తగినంత సంఖ్యాబలం లేకపోయినప్పటికీ కార్పొరేషన్‌లో మేయర్‌, డిప్యూటీ మేయర్‌, మున్సిపాలిటీల్లో చైర్మన్‌, వైస్‌ చైర్మన్‌ పదవులను దక్కించుకునేందుకు అధికార దుర్వినియోగానికి పాల్పడుతోందన్నారు. తుని మున్సిపాలిటీలో ఒక్క కౌన్సిలర్‌ కూడా టీడీపీ నుంచి గెలవలేదన్నారు. ఇప్పుడు అధికారం ఉంది కదా అని, కొంతమంది వైఎస్సార్‌సీపీ కౌన్సిలర్లను తమ వైపు తిప్పుకుని వైస్‌ చైర్మన్‌ పదవిని దక్కించుకోవాలని కుట్రలకు తెరలేపిందన్నారు. ప్రజాస్వామ్మాన్ని ఖూనీ చేస్తూ కూటమి ప్రభుత్వం నీతులు చెబుతోందన్నారు. ప్రజలు ఇచ్చిన తీర్పును శిరసావహించడం లేదన్నారు. కూటమి ప్రభుత్వానికి దమ్ముంటే వచ్చే ఏడాది జరిగే స్థానిక ఎన్నికల్లో సత్తా చూపి పదవులు దక్కించుకోవాలని హితువు పలికారు.

విశాఖ విద్య: ఆంధ్ర యూనివర్సిటీ జియో ఫిజిక్స్‌ విభాగం వజ్రోత్సవాలు పేలవంగా సాగుతున్నాయి. వర్సిటీలో జియో ఫిజిక్స్‌ విభాగం ఏర్పాటై 75 ఏళ్లు పూర్తి చేసుకున్న తరుణంలో మూడు రోజుల పాటు ప్లాటినం జూబ్లీ ఉత్సవాల నిర్వహణకు అధికారులు కార్యాచరణ సిద్ధం చేశారు. మొదటి రోజు ప్రారంభ వేడుక డాక్టర్‌ వైవీఎస్‌ మూర్తి ఆడిటోరియంలో అట్టహాసంగా జరిగింది. రెండో రోజు మంగళవారం ఈ కార్యక్రమాన్ని వర్సిటీలోని జియో ఫిజిక్స్‌ బ్లాక్‌కు మార్చారు. రెండు హాళ్లలో సెమినార్లు కొనసాగేలా షెడ్యూల్‌ ఇచ్చారు. ఉపన్యాసాలు ఇచ్చే వారికి, ఆహూతులకు తగిన ఏర్పాట్లు చేశారు. అయితే ఒక హాల్లో మాత్రమే సెమినార్‌ నిర్వహించగా, రెండో హాల్‌ నిరుపయోగంగా వదిలేశారు. రెండో హాల్లో సెమినార్‌ ఇవ్వాల్సిన పలువురు విద్యావేత్తలు, విషయం తెలియక అక్కడే చాలా సేపు కూర్చున్నారు. మధ్యాహ్నం వరకు ఒకే హాల్లో సెమినార్‌ కొనసాగగా, దానికి కూడా పూర్తి స్థాయిలో ఆహూతులు లేక కుర్చీలు ఖాళీగానే కనిపించాయి. సబ్జెక్టు పరంగా ఎంతో నిష్ణాతులైన వారు తమ అభిప్రాయాలు, అనుభవాలను పంచుకునే సమయంలో, వీటిని సద్వినియోగం చేసుకునే రీతిలో విద్యార్థులనైనా భాగస్వాములను చేయకపోవడంపై విమర్శలు వినిపిస్తున్నాయి. విభాగం భవనం ముందు ఏర్పాటు చేసిన ఎగ్జిబిషన్‌ను మధ్యాహ్నం వరకు 58 మంది మాత్రమే సందర్శించారు. మధ్యాహ్నం తరువాత ఏవీఎన్‌ కాలేజీ విద్యార్థులు తిలకించేందుకు వచ్చారు. ఆంధ్ర యూనివర్సిటీ వందేళ్ల ఉత్సవాలు త్వరలోనే జరగనున్నాయి. ఓ విభాగం నిర్వహించే వజ్రోత్సవాలే ఇలా ఉంటే.. వర్సిటీ వందేళ్ల ఉత్సవాలు ఇంకెలా చేస్తారోనని ఆచార్యులు సైతం పెదవి విరుస్తున్నారు.

తుపానులు కురిపించిన వరుస వానలతో జిల్లాలో భూగర్భ జలాలు మెరుగుపడ్డాయి. సగటున జిల్లా మొత్తం 0.71 మీటర్ల మేర నీటిమట్టం పెరిగింది. కొన్ని మండలాలు, ప్రాంతాల్లో అయితే ఈ పెరుగుదల గణనీయంగా ఉంది. జనవరి మాసాంతానికి భూగర్భ జల గణాంకాల శాఖ తీసిన తాజా లెక్కల ప్రకారం జలమట్టంలో పెరుగుదల నమోదైంది. జిల్లాలో దేవరాపల్లి మండలం తామరబ్బ గ్రామం వద్ద అత్యధికంగా 21.41 మీటర్ల లోతులో జలాలు ఉండగా, కశింకోట మండలం ఏఎస్‌ పేట గ్రామం వద్ద కేవలం 0.45 మీటర్ల లోతులోనే జలసిరి అందుబాటులో ఉన్నట్టు అధికారులు నమోదు చేశారు. యలమంచిలి రూరల్‌: జిల్లాలో గత మూడేళ్లుగా వర్షాలు సమృద్ధిగా కురవడం, నదులు, కాలువలు, నిండుగా ప్రవహించడం, చెరువులు నీటితో నిండటంతో భూగర్భ జలాలు ౖపైపెనే దొరుకుతున్నాయి. దానికితోడు డిసెంబరులో కురిసిన వర్షాలతో నీటిమట్టాలు మరింత మెరుగుపడ్డాయి. గత వైఎస్సార్‌సీపీ ప్రభుత్వం వర్ష రూపంలో వచ్చే ప్రతి నీటి బొట్టును ఒడిసిపడుతూ భూమిలో ఇంకేలా జలసంరక్షణ చర్యలు చేపట్టింది. ముఖ్యంగా మహాత్మాగాంధీ జాతీయ గ్రామీణ ఉపాధి హామీ పథకం ద్వారా జిల్లావ్యాప్తంగా జలసంరక్షణ పనులకు ప్రాధాన్యమిచ్చారు. గ్రామాల్లో, ప్రభుత్వ కార్యాలయాల ఆవరణలో వర్షపునీరు భూమిలో ఇంకేలా పెద్ద సంఖ్యలో ఇంకుడుగుంతల నిర్మాణం సైతం చేపట్టారు. ఇది సత్ఫలితాలు ఇవ్వడంతో భూగర్భ జలమట్టం ౖపైపెకి ఎగబాకడానికి దోహదపడింది. దీంతోపాటు వరుణుడు కరుణిస్తుండటంతో పాతాళగంగ పదిలంగా ఉంది. 2019 ఖరీఫ్‌ సీజన్‌ నుంచి ఏటా వర్షాలు విస్తారంగా కురుస్తున్నాయి. దీంతో అన్ని ప్రాంతాల్లోని చెరువులు నీటితో కళకళలాడుతున్నాయి. సాగునీటి ప్రాజెక్టుల్లో నీరు పుష్కలంగా ఉంటోంది. ఈ ఏడాది జిల్లాలో 1163.2 మిల్లీమీటర్ల మేర వర్షపాతం నమోదు కావడంతో భూగర్భజలాలు ఆశాజనకంగా ఉన్నాయి. జిల్లా సాధారణ వర్షపాతం 997.48 మిల్లీమీటర్లు కాగా ఈ ఏడాది 16.61 శాతం అధికంగా వర్షపాతం నమోదైంది. ముఖ్యంగా గత డిసెంబరు నెలలో తుపాను ప్రభావంతో జిల్లావ్యాప్తంగా సుమారు 10 రోజులు వర్షాలు స్థిరంగా కురిశాయి. ఒకేసారి భారీ వర్షం కాకుండా నెమ్మదిగా వర్షం కురవడం వలన వర్షపునీరు భూమిలో ఇంకే శాతం ఎక్కువగా ఉంటుందని భూగర్భ జలవనరుల శాఖ అధికారులు అభిప్రాయపడుతున్నారు. ఫలితంగా ఈ వేసవిలో తాగు, సాగునీటి ఇబ్బందులకు ఆస్కారమే ఉండదని అధికారులు చెబుతున్నారు. జల సంరక్షణ పనులు ముమ్మరం కావాలి భూగర్భ జలాల వినియోగం 70 శాతం వరకు మాత్రమే ఉండాలి. అంతకు మించి ఉంటే ఆయా ప్రాంతాలను సమస్యాత్మకమైనవిగా భూగర్భ జలవనరుల శాఖ అధికారులు పరిగణిస్తారు. 90 నుంచి 100 శాతం వరకు ఉంటే అత్యంత సమస్యాత్మకమైన గ్రామాలుగా గుర్తిస్తారు. జిల్లాలో 27 శాతం మాత్రమే జలాలను వినియోగిస్తున్నారు. దీంతో సమీప భవిష్యత్తులో జిల్లావాసులకు భూగర్భ జలాల విషయంలో ఎటువంటి సమస్య వచ్చే అవకాశం లేదని అధికారులు చెబుతున్నారు. అయితే జిల్లాలో వర్షపు నీరు 9 శాతం మాత్రమే భూమిలోకి ఇంకుతోంది. మిగిలిన 91 శాతం వివిధ రూపాల్లో వృథా అవుతోంది. వర్షపు నీరు వృథా కాకుండా జల సంరక్షణ పనులు పెద్ద ఎత్తున చేపట్టాల్సి ఉంది. జిల్లాలో కురిసిన వర్షాల ద్వారా ఉత్పన్నమైన నీటిలో 41 శాతం నీరు ఆవిరి అవుతుండగా మరో 40 శాతం నీరు వృథాగా పోతోంది. కొంత శాతం నీరు తేమగా మారుతున్నట్టు గణాంకాలు స్పష్టం చేస్తున్నాయి. ఈ నేపథ్యంలో భూగర్భజలాల వృద్ధికి జల సంరక్షణ పనులు మరింత ముమ్మరం చేయాల్సిన అవసరం ఉంది. యలమంచిలి మండలం పులపర్తి సమీపంలో పంట పొలంలో బోరు నుంచి ఉబికి వస్తున్న నీరు దేవరాపల్లిలో భూగర్భ జలమట్టాన్ని లెక్కగడుతున్న అధికారులువివిధ మండలాల్లో భూగర్భ జలమట్టాలు ఇలా.. మండలం నీటిమట్టం (మీటర్లలో) అనకాపల్లి 3.83 అచ్యుతాపురం 15.81 యలమంచిలి 1.37 బుచ్చెయ్యపేట 3.41 మాకవరపాలెం 2.38 చీడికాడ 1.09 చోడవరం 1.59 దేవరాపల్లి 2.93 గొలుగొండ 3.36 కె.కోటపాడు 1.84 కశింకోట 0.45 మునగపాక 2.34 నక్కపల్లి 1.92 నర్సీపట్నం 0.72 నాతవరం 2.52 పరవాడ 3.15 పాయకరావుపేట 2.21 రాంబిల్లి 0.94 రావికమతం 2.69 రోలుగుంట 1.92 ఎస్‌.రాయవరం 0.47 సబ్బవరం 1.91 వి.మాడుగుల 1.50 యలమంచిలి 4.99ప్రతి నెల భూగర్భజల మట్టాలను సంబంధిత అధికారులు అంచనా వేస్తారు. జిల్లాలో 81 పీజియో మీటర్లతో తీసిన లెక్కల ప్రకారం జనవరి నెలలో సగటున 4.83 మీటర్ల ఎత్తులో భూగర్భ జలాలు అందుబాటులో ఉన్నట్టు తేలింది. గత ఏడాది మే నెలలో సగటున 8 మీటర్ల లోతులో భూగర్భ జలం లభించేది. గతేడాది మే నెలతో పోల్చితే ప్రస్తుతం జిల్లాలో భూగర్భ జలమట్టం 3.17 మీటర్ల్ల పైకి ఎగబాకింది. జిల్లాలో గతంతో పోలిస్తే ఈ ఏడాది భూగర్భజలాలు ఆశాజనకంగా ఉన్నాయి. కశింకోట మండలం ఏఎస్‌ పేటలో రాంకో సిమెంటు కర్మాగారం పరిసరాల్లో కేవలం 0.45 మీటర్లు, ఎస్‌.రాయవరం మండలం ఆర్‌.కొత్తూరు గ్రామ పంచాయతీ కార్యాలయం వద్ద 0.47 మీటర్లు, నర్సీపట్నం ఎంపీడీవో కార్యాలయం వద్ద 0.72 మీటర్లు, రాంబిల్లి మండలం లాలంకోడూరు ఎస్సీ కాలనీ సామాజిక భవనం వద్ద 0.94 మీటర్ల లోతులోనే జలసిరి అందుబాటులో ఉండడం విశేషం. ఇవి కాకుండా జిల్లాలో వివిధ ప్రాంతాల్లో 12 చోట్ల 2 మీటర్లలోపే నీరు లభ్యమౌతుండటం గమనార్హం. జిల్లా వ్యాప్తంగా బావుల నుంచి నీరు సమృద్ధిగా వస్తుండటంతో ఈ ఏడాది వ్యవసాయ, ఉద్యాన పంటల సేద్యపు పనులకు ఎటువంటి ఇబ్బంది ఉండకపోవచ్చు. మెరుగ్గా భూగర్భ జలాలు జిల్లాలో మూడేళ్లగా సమృద్ధిగా వర్షాలు కురుస్తున్నాయి. గత డిసెంబరులో తుపాను ప్రభావంతో జిల్లావ్యాప్తంగా వర్షాలు కురవడంతో భూగర్భ నీటిమట్టాలు పెరిగాయి. ఈ వేసవి మూడు నెలల్లో ఏవిధమైన ఇబ్బంది ఉండదు. గత నాలుగేళ్లలో వేసవిలో ఎటువంటి సమస్య ఎదురుకాలేదు. జిల్లా వ్యాప్తంగా నీటి లభ్యతకు ఎటువంటి సమస్య లేదు. అయినప్పటికీ భూగర్భ జలాలను వృథా చేయకుండా అవసరం మేరకు వినియోగించుకుని సంరక్షించుకోవాల్సిన బాధ్యత అందరిపై ఉంది. –జి.శ్రీనివాసరావు, డిప్యూటీ డైరెక్టర్‌, భూగర్భ జలగణన శాఖ, అనకాపల్లి

బుచ్చెయ్యపేట : మండలంలో గల మంగళాపురం ఆనకట్ట నిర్మాణ పనులను వైఎస్సార్‌సీపీ నాయకులు, రైతు సంఘ నాయకులు పరిశీలించారు. తొంభై శాతం పనులు పూర్తవగా మిగిలిన పనులు నెలాఖరులోగా పూర్తి చేసి రైతులకు సాగునీరు అందించాలని అధికారుల దృష్టికి తీసుకెళ్లారు. మూడేళ్ల కిందట మంగళాపురం ఆనకట్ట భారీ వర్షాలకు దెబ్బతింది. ఆనకట్ట దిగువన ఉన్న మంగళాపురం, కుముదాంపేట, విజయరామరాజుపేట, లక్ష్మీపురం, సురవరం, నరసయ్యపేట తదితర గ్రామాలకు చెందిన వేలాది మంది రైతులకు సాగు నీరు అందలేదు. వేలాది రూపాయలు పెట్టుబడులు పెట్టిన ఆనకట్ట దెబ్బతినడంతో కోనాం రిజర్వాయర్‌ నీరు అందక రైతులకు తీవ్ర నష్టం జరిగేది. స్థానిక వైఎస్సార్‌సీపీ నాయకులు విజయరామరాజుపేట, మంగళాపురం సర్పంచ్‌లు ఎల్లపు విజయ్‌కుమార్‌, కంటే పద్మరేఖ వెంకట్‌, కోఆపరేటివ్‌ అధ్యక్షుడు ఎల్లపు గోవిందలు పలువురు నాయకులు, రైతులతో కలిసి సాగు నీటి కష్టాలను అప్పటి ఎమ్మెల్యే కరణం ధర్మశ్రీ దృష్టికి తీసుకెళ్లారు. ధర్మశ్రీ కృషితో అనకాపల్లి ఎంపీ బి.వి.సత్యవతి మంగళాపురం ఆనకట్ట మరమ్మతు పనులకు తన ఎంపీ నిధుల నుంచి రూ.40 లక్షలు మంజూరు చేశారు. 2023 నవంబర్‌ 21వ తేదీన అప్పటి ఎంపీ సత్యవతి, ఎమ్మెల్యే కరణం ధర్మశ్రీ మండల నాయకులతో కలిసి ఆనకట్ట పనులకు శంకుస్థాపన చేసి నిర్మాణ పనులు ప్రారంభించారు. ఇప్పటికే ఆనకట్ట నిర్మాణ గోడ ఎఫ్రాన్‌తో పాటు రక్షణ గోడ పనులు, రాతి పేర్పు పనులు జరగ్గా వీటి నాణ్యత సామర్‌ాధ్యన్ని విజయరామరాజుపేట, మంగళాపురం సర్పంచ్‌లు విజయ్‌కుమార్‌, పద్మరేఖ వెంకట్‌, కోఆపరేటివ్‌ మాజీ అధ్యక్షుడు గోవింద, రైతు సంఘ నాయకులు సోమవారం పరిశీలించారు. 3 వేల ఎకరాలకు సాగు నీరందించే ఆనకట్ట పనులు పటిష్టంగా పూర్తి చేయాలన్నారు. ఆనకట్ట నిర్మాణానికి నిధులు మంజూరు చేసిన అప్పటి ముఖ్యమంత్రి వై.ఎస్‌ జగన్‌మోహన్‌రెడ్డికి, నీటిపారుదలశాఖ మంత్రి అంబటి రాంబాబు, ఎంపీ సత్యవతి,ఎమ్మెల్యే ధర్మశ్రీకి నాయకులు,రైతు సంఘ నాయకులు కృతజ్ఞతలు తెలిపారు. పేట ఉప సర్పంచ్‌ దొడ్డి జగన్నాధరావు, పీఎసీఎస్‌ మాజీ డైరెక్టర్‌ పెంటకోట కృష్ణ రైతు సంఘ నాయకులు ఎల్లపు చిరంజీవి, వేగి అప్పారావు, గాడి ప్రసాద్‌, మధుమంతి నాయుడు, పత్తి జగన్నాథరావు, వేగి రాజు పాల్గొన్నారు. మంగళాపురం ఆనకట్ట పనులను పరిశీలించిన వైఎస్సార్‌సీపీ నాయకులు గత ప్రభుత్వంలో రూ.40 లక్షలు నిధులు మంజూరు

ఆ గ్రామం వెళ్లిన మొదటి కలెక్టరు విజయకృష్ణన్‌ నెల రోజుల్లో గ్యాప్‌ ఏరియా భూముల సర్వే గ్రామాన్ని ఆనుకుని వృధాగా ఉన్న వేలాది ఎకరాల గ్యాప్‌ ఏరియా భూములను కలెక్టర్‌ పరిశీలించారు. ఈ భూములు సర్వే చేసి రికార్డులో నమోదు చేయాలని అధికారులను ఆదేశించారు. అటవీశాఖ రెవెన్యూ అధికారులు సంయుక్తంగా సర్వే చేసి నివేదిక ఇవ్వాలన్నారు. నెల రోజుల్లో గ్యాప్‌ ఎరియా భూములు మొత్తం సర్వే పూర్తి చేసేలా ప్రణాళిక రూపొందించాలని మండల సర్వేయరు ప్రసాద్‌ను అదేశించారు. జిల్లాల సరిహద్దు విషయంలో ప్రత్యేక దృష్టి సారించి అధునిక టెక్నాలజీ సహాయం తీసుకోవాలన్నారు. ఈ కార్యక్రమంలో నర్సీపట్నం ఆర్డీవో రమణ, నర్సీపట్నం రేంజర్‌ లక్ష్మి నర్సు, అటవీ సెక్షన్‌ అధికారి చిరంజీవి, తహసీల్దార్‌ ఎ.వేణుగోపాల్‌ పాల్గొన్నారు. మా ఊరికి కలెక్టరమ్మ వచ్చింది...నాతవరం: కొత్తదద్దుగుల గ్రామాన్ని కలెక్టరు విజయకృష్ణన్‌ సోమవారం ఆకస్మికంగా సందర్శించారు. మండలంలో సుందరకోట పంచాయతీ శివారు కొత్త దద్దుగుల గ్రామానికి ఒక కలెక్టరు రావడం ఇదే మొదటిసారి. దీంతో ఇక్కడి గిరిజనులు ఆశ్చర్యంగా చూశారు. గ్రామం ఏర్పడిన తర్వాత ఇంతవరకు ఏ కలెక్టరూ ఆ గ్రామానికి వచ్చిన సందర్భాలు లేవు. ఈ గ్రామం రెండు జిల్లాల సరిహద్దు దట్టమైన అటవీ ప్రాంతం కావడంతోమండల స్థాయి అధికారులు సైతం వెళ్లిన దాఖలాలు అంతంత మాత్రమే. ఈ ప్రాంతాన్ని ‘గ్యాప్‌ ఏరియా’గా పరిగణిస్తారు. గ్రామంలో పరిస్థితులను స్వయంగా చూసి కలెక్టరు గిరిజనులతో మాట్లాడారు. జీవన విధానం, సంక్షేమ పథకాల అమలుతో పాటు సమస్యలను తెలుసుకున్నారు. ఉపాధి హామీ పథకం, అంగన్‌వాడీ కేంద్రం, తాగునీరు, ఇతర సదుపాయాలపై ఆరా తీశారు. గ్రామానికి రోడ్డు లేక గర్భిణులను వైద్యానికి తీసుకెళ్లం ఇబ్బందిగా ఉందని గిరిజనులు కలెక్టర్‌ వద్ద వాపోయారు. ఉపాధి హమీ పథకంలో వేసిన మట్టి రోడ్డు వర్షాలకు కోట్టుకుపోవడంతో రాకపోకలు సాగించలేక పోతున్నామన్నారు. సెల్‌ టవరు ఏర్పాటు చేస్తే కొండల మీద ఉన్న గిరిజన గ్రామాల ప్రజలకు ఆన్‌లైన్‌ సేవలు అందుతాయన్నారు. పోడు వ్యవసాయం చేసుకుంటున్న గిరిజనులందరికీ అటవీ హక్కు పత్రాలు ఇవ్వాలన్నారు. పాడేరు ఐటీడీఏ ద్వారా ప్రభుత్వం కల్పించే సదుపాయాలు ఇక్కడ తమకు అందించాలని కోరారు. గతంలో ఇచ్చేవారని ఇటీవల కాలంలో ఇవ్వలేదన్నారు. ప్రస్తుతం జాఫ్రా పంట ఆదాయం బాగుందని, కేజీకి రూ.250లకు విక్రయాలు ప్రైవేటు వ్యాపారులు చేస్తున్నారన్నారు. ఈ ఏడాది ఈ ఒక్క పంటే అదాయం వస్తుందన్నారు. దీంతో గిరిజనుల మౌలిక సదుపాయాలపై దృష్టి సారించాలని ఎంపీడీవో కె.ఉషాశ్రీని కలెక్టర్‌ ఆదేశించారు. కొండల మీద ఉన్న గిరిజన గ్రామాల్లో పాఠశాలల పని తీరుపై ఎంఈవోలు సత్యనారాయణ, కామిరెడ్డి వరహాలబాబును అడిగారు. రీ సర్వేను పరిశీలించిన కలెక్టర్‌ నర్సీపట్నం : నర్సీపట్నం మండలం, బంగారయ్యపేటలో జరుగుతున్న భూముల రీసర్వేను జిల్లా కలెక్టర్‌ విజయ్‌కృష్ణన్‌ సోమవారం పరిశీలించారు. అధికారులు సర్వే చేస్తున్నట్టు ముందస్తు సమాచారం ఇస్తున్నారా లేదా అని రైతులను అడిగి తెలుసుకున్నారు. అధికారులు సర్వే చేస్తున్నప్పుడు రైతులు దగ్గర ఉండి సర్వే చేయించుకోవాలన్నారు. లోటుపాట్లు లేకుండా సర్వేను పూర్తి చేయాలని అధికారులకు సూచించారు. కలెక్టర్‌ వెంట ఆర్డీవో రమణ ఉన్నారు. మీరు ఫిర్యాదు చేస్తే నేను పట్టించుకోవాలా? గిరిజనుల సమస్యలు పరిష్కరిస్తానని హామీ

అనకాపల్లి: రాష్ట్రంలో బేడ(బుడ్గ) జంగం కులస్తుల విద్యార్థులకు 17 సంవత్సరాలుగా కుల ధృవీకరణ(ఎస్సీ) పత్రాలను ప్రభుత్వం అంజేయడం లేదని, జేసీ శర్మ కమిషన్‌ నివేదిక ప్రకారం కుల ధృవీకరణ పత్రాలను అందజేయాలని ఏపీ బేడ(బుడ్గ) జంగం హక్కుల పోరాట సమితి జిల్లా అధ్యక్షుడు దుడ్డు కొండయ్య అన్నారు. స్థానిక జార్జి క్లబ్‌ ఆవరణలో సోమవారం విలేకరుల సమావేశంలో ఆయన మాట్లాడారు. గతంలో బేడ జంగం కలస్తుల విద్యార్థులకు ఎస్పీ కుల ధృవీకరణ పత్రం ఉత్తరాంధ్ర జిల్లాలో అందజేసేవారని, ప్రస్తుతం అందజేయడం లేదని ఆయన ఆవేదన వ్యక్తం చేశారు. 17 సంవత్సరాలుగా కేంద్ర, రాష్ట్ర ప్రభుత్వాలకు వినతిపత్రాలు అందజేస్తున్నప్పటికీ ఫలితం లేకుండా పోయిందన్నారు. సుప్రీంకోర్టులను ఆశ్రయించడంతో గతంలో ఉన్నట్టుగా కుల ధృవీకరణ పత్రాలను అందజేయాలని జెసీ శర్మ కమిషన్‌ సిఫారసలను రాష్ట్ర ప్రభుత్వం అమలు చేయడంలో విఫలమైందని ఆయన పేర్కొన్నారు. ఈ కార్యక్రమంలో సమితి జిల్లా ఉపాధ్యక్షుడు పి.అప్పారావు, కార్యదర్శి శేర్ల అప్పారావు, సభ్యులు పాల్గొన్నారు.

● ఏపీ వ్యవసాయ కార్మిక సంఘం రాష్ట్ర ఉపాధ్యక్షుడు వెంకన్న దేవరాపల్లి: గంజాయి నిర్మూలనలో కూటమి ప్రభుత్వం ఘోరంగా విఫలమైందని ఏపీ వ్యవసాయ కార్మిక సంఘం రాష్ట్ర ఉపాధ్యక్షుడు డి.వెంకన్న సోమవారం ఓ ప్రకటనలో విమర్శించారు. విశాఖ సెంట్రల్‌ జైలు కెపాసిటీ సుమారు 1300 కాగా, అక్కడ 2వేల మంది ఖైదీలు ఉన్నారన్నారు. అందులో 1200 మందికి పైబడి గంజాయి కేసుల్లో పట్టుబడిన అమాయక గిరిజనులేనన్నారు. ముఖ్యమంత్రి చంద్రబాబు గంజాయిపై ఉక్కుపాదం మోపుతామని ప్రకటించినా క్షేత్ర స్థాయిలో అమలుకు నోచుకోవడం లేదన్నారు. మాదక ద్రవ్యాల మత్తుకు యువత బానిసవుతుందని, వీటిని నిర్మూలించాల్సిన బాధ్యత ప్రభుత్వానిదేనని స్పష్టం చేశారు. ఈ విషయంలో కేంద్ర, రాష్ట్ర ప్రభుత్వాలు చిత్తశుద్ధి కనబరచడం లేదని ఆరోపించారు. ప్రజల భాగస్వామ్యంతో డ్రగ్స్‌ మాఫియాపై ఉక్కుపాదం మోపడం ద్వారానే నియంత్రణ సాధ్యపడుతుందన్నారు. తక్కువ శ్రమతో ఎక్కువ ఆదాయం వస్తుందని ఆశ చూపి గంజాయి రవాణాలో గిరిజన యువతను వాడుకుంటున్నారని ధ్వజమెత్తారు.

గొలుగొండ : గొలుగొండ తహసీల్దార్‌ శ్రీనివాసరావు తీరుపై నాగాపురం పంచాయతీ ప్రజలు తీవ్ర ఆగ్రహం వ్యక్తం చేశారు. ప్రభుత్వ భూములు ఆక్రమణపై తహసీల్దార్‌కు ఫిర్యాదు చేయడానికి వచ్చిన నాయకులు, ప్రజలపై తహసీల్దార్‌ మండిపడ్డారు. మీరు ఫిర్యాదు లు ఇస్తే నేను పట్టించుకోవాలా.. నేను ఎటువంటి చర్యలు తీసుకోను? ఎం చేసుకుంటారో చేసుకోండి అని తెగేసి చెప్పడంతో హతాశులైన గ్రామస్తులు తహసీల్దార్‌ తీరును నిరసిస్తూ కార్యాలయం వద్ద పెద్ద ఎత్తున నినాదాలు చేశారు. తహసీల్దార్‌ డౌన్‌..డౌన్‌ అని నినదించారు. నాలుగు గంటల పాటు కార్యాలయం మెట్లపై ఆందోళన చేశారు. వివరాలివీ... నాగాపురం పంచాయతీ శివారు పల్లావూరు గ్రామంలో రక్షిత మంచినీటి పథకం ఉంది. అక్కడే తిరుమల తిరుపతి దేవస్థానం ఆధ్వర్యంలో నిర్మించిన ఆలయం ఉంది. అక్కడ ప్రజలకు ఇపయోగపడే విధంగా మరో 10 సెంట్లు స్థలం ఉంది. దీనిని పల్లా దేముడు అనే వ్యక్తి ఆక్రమించాడని, వాటిని పరిశీలించి చర్యలు తీసుకోవాలని పలువురు తహసీల్దార్‌కు ఫిర్యాదు చేయడానికి వచ్చారు. అయితే తహసీల్దార్‌ వారిపై మండిపడ్డారు. మాజీ సర్పంచ్‌ కొలగాన రామారావు, ప్రస్తుతం సర్పంచ్‌ యలమంచిలి రఘురాంతోపాటు అన్ని పార్టీల నేతలు ఇక్కడకు వచ్చారు. తహసీల్దార్‌ ఆక్రమణదారులకు వత్తాసు పలకడంపై ఫిర్యాదుదారులు ఆందోళన చేశారు. గొలుగొండ ఎస్‌ఐ రామారావు వచ్చి ఆందోళనకారులకు నచ్చజెప్పారు. ఈ అంశాన్ని కలెక్టర్‌ దృష్టికి తీసుకువెళతామని ఆందోళనకారులు హెచ్చరించారు.

నర్సీపట్నం : రాష్ట్రంలో బహుజన అధికారులపై కూటమి ప్రభుత్వం కక్ష సాధింపు చర్యలకు పాల్పడితే సహించేది లేదని బహుజన ఐక్యవేదిక నాయకులు బొట్టా నాగరాజు పేర్కొన్నారు. ఏపీ డిప్యూటీ స్పీకర్‌ రఘురామకృష్ణంరాజు బహుజన అధికారి అయిన సీఐడీ చీఫ్‌ ఐపీఎస్‌ అధికారి పి.వి.సునీల్‌కుమార్‌పై కక్ష కట్టి ఇబ్బందులకు గురి చేస్తున్నారన్నారు. పోస్టింగ్‌ ఇవ్వాకుండా ఇబ్బంది పెట్టడం దారుణమన్నారు. అట్టడుగు వర్గాల సమాజం బాగుపడాలని నిరంతరం కృషి చేస్తున్న పి.వి.సునీల్‌ కుమార్‌పై కక్ష కట్టి ఇబ్బందులు పెట్టడం సరికాదన్నారు.అధికారులు రాజ్యాంగానికి లోబడి ఉద్యోగాలు చేస్తారన్నారు. అలాంటివారిని ఇబ్బందులు పెడితే రాజ్యాంగాన్ని వ్యతిరేకించినట్టేనన్నారు. పి.వి సునీల్‌ కుమార్‌ కేంద్ర, రాష్ట్ర ప్రభుత్వాల నుంచి ఉత్తమ పోలీసు అధికారిగా ఎన్నో అవార్డులు అందుకున్నారన్నారు. ఇప్పటికై నా సీఎం చంద్రబాబు, డిప్యూటీ సీఎం పవన్‌కళ్యాణ వేధింపులు ఆపి పోస్టింగ్‌ ఇవ్వాలన్నారు. లేని పక్షంలో బహజనులంతా రాష్ట్ర వ్యాప్తంగా పోరాటాలు సాగిస్తామన్నారు. ఇదే ధోరణి కొనసాగిస్తే రాబోయే ఎన్నికల్లో కూటమి ప్రభుత్వానికి తగిన బుద్ధి చెబుతామన్నారు. ఈ సమావేశంలో ఐక్యవేదిక నాయకులు ఎన్‌.చిరంజీవి, వి.సంజీవ్‌ పాల్గొన్నారు.

● టీటీడీ చైర్మన్‌ను కోరిన హోం మంత్రి అనితటీటీడీ చైర్మన్‌కు వినతిపత్రం ఇస్తున్న హోం మంత్రి అనిత నక్కపల్లి: టీటీడీ అనుబంధ ఉపమాక వేంకటేశ్వరస్వామి ఆలయంలో తిరుమల దర్శన టికెట్లు విక్రయించే కౌంటరు ఏర్పాటు చేయాలని టీటీడీ చైర్మన్‌ బీఆర్‌ నాయుడును హోం మంత్రి వంగలపూడి అనిత కోరారు. సోమవారం ఆమె స్థానిక నాయకులతో టీటీడీ చైర్మన్‌ను కలిశారు. మార్చి 10న ప్రారంభమయ్యే ఉపమాక వెంకన్న వార్షిక కల్యాణోత్సవాల సందర్భంగా చేపట్టాల్సిన అభివృద్ధి పనులు, ఉపమాక ఆలయాన్ని టీటీడీ దత్తత తీసుకునే సమయంలో ఇచ్చిన హామీల అమలు గురించి వివరించారు. ఆలయానికి వచ్చే ఉత్తరాంధ్ర భక్తుల కోసం ఉపమాకలో టీటీడీ ఆధ్వర్యంలో టికెట్‌ కౌంటర్‌ను ఏర్పాటు చేయాలని కోరారు. సర్వదర్శనం, ప్రత్యేక ప్రవేశ దర్శనం టికెట్లు విక్రయించే అవకాశం కల్పించాలని కోరారు. ఇక్కడ లడ్డూ విక్రయాలు నిరంతరం ఉండేలా చర్యలు తీసుకోవాలన్నారు. ఉపమాక కల్యాణోత్సవాలకు రావాల్సిందిగా టీటీడీ చైర్మన్‌ నాయుడును కోరామన్నారు. తమ ప్రతిపాదనలపై వెంటనే స్పందించిన చైర్మన్‌ టీటీడీ చీఫ్‌ ఇంజినీర్‌, జేఈవోలను రప్పించి ఉపమాకలో చేపట్టాల్సిన అభివృద్ధి పనులపై తక్షణమే చర్యలు తీసుకోవాలని, మాస్టర్‌ ప్లాన్‌ రూపొందించాలని ఆదేశించారన్నారు. హోమ్‌ మంత్రి వెంట టీడీపీ మండల అధ్యక్షుడు కొప్పిశెట్టి వెంకటేష్‌, ఉపమాక దేవస్థానం మాజీ చైర్మన్‌లు కొప్పిశెట్టి కొండబాబు, కొప్పిశెట్టి బుజ్జి తదితరులు ఉన్నారు.

● శాఖాపరమైన చర్యలు తీసుకుంటూ ఉత్తర్వులుసాక్షి, విశాఖపట్నం : అవినీతి ఆరోపణలతో పాటు వేధింపులు, క్రమశిక్షణరాహిత్య ప్రవర్తన, అధికార దుర్వినియోగానికి పాల్పడిన వాణిజ్య పన్నుల శాఖ అధికారులపై ప్రభుత్వం శాఖ పరమైన చర్యలు తీసుకుంటూ ఉత్తర్వులు జారీ చేసింది. 2023లో విశాఖపట్నం–2 డివిజన్‌ పరిధిలోని అనకాపల్లి సర్కిల్‌లో విధులు నిర్వర్తించిన డివిజన్‌ జాయింట్‌ కమిషనర్‌ ఎం.సుధాకర్‌రావు, డిప్యూటీ కమిషనర్‌ పి.జయశంకర్‌, జీఎస్‌టీవో పి.ప్రసన్నకుమార్‌, ఏఈవో జమ్ము ధర్మపాల్‌, ఎయిర్‌పోర్టు సర్కిల్‌ ఏఈవో టి.సోమేశ్వరరావుపై ఆరోపణలు ఎదుర్కొన్నారు. వీరి అవినీతి, అధికార దుర్వినియోగంపై సీసీఎస్‌టీ అడిషనల్‌ కమిషనర్‌ ఎస్‌ఈ కృష్ణమోహన్‌రెడ్డి, కాకినాడ జాయింట్‌ కమిషనర్‌ జి.సుమతిని విచారణాధికారులుగా నియమించారు. పూర్తిస్థాయి విచారణ అనంతరం.. సదరు అధికారులపై శాఖపరమైన చర్యలు తీసుకుంటూ రెవెన్యూ శాఖ ప్రిన్సిపల్‌ సెక్రటరీ పీయూష్‌కుమార్‌ సోమవారం ఉత్తర్వులు జారీ చేశారు.

● సమీక్ష సమావేశంలో ఎస్పీ తుహిన్‌ సిన్హాఎస్పీ కార్యాలయంలో మినిస్టీరియల్‌ సిబ్బందితో సమీక్ష సమావేశం నిర్వహిస్తున్న ఎస్పీ తుహిన్‌ సిన్హా అనకాపల్లి : స్థానిక ఎస్పీ కార్యాలయంలో మినిస్టీరియల్‌ సిబ్బందితో (సెక్షన్‌ వైస్‌) సోమవారం సమీక్ష సమావేశాన్ని ఎస్పీ తుహిన్‌ సిన్హా నిర్వహించారు. ఉద్యోగుల సంక్షేమానికి సంబంధించి పలు కీలక అంశాలపై చర్చించారు. పోలీస్‌ సిబ్బంది అభివృద్ధి, వృత్తిపరమైన శిక్షణ, సంక్షేమ పథకాలు, సౌకర్యాల మెరుగుదలపై ప్రత్యేక దృష్టి పెట్టాలని, ఉద్యోగుల్లో స్ఫూర్తిని పెంచేందుకు అవసరమైన చర్యలను తీసుకోవాలని, సమర్ధంగా సేవలు అందించేందుకు తగిన మార్గదర్శకాలు, నూతన విధానాలు, సాంకేతిక వినియోగం వంటి అనేక అంశాలపై సిబ్బందితో ఎస్పీ చర్చించారు. ఈ సందర్భంగా ఆయన మాట్లాడుతూ తమ పరిధిలో ఉన్న సమస్యలను తక్షణమే పరిష్కారానికి కృషి చేస్తామన్నారు. కార్యక్రమంలో అదనపు ఎస్పీ ఎం.దేవప్రసాద్‌, ఏవో ఎ.రామ్‌కుమార్‌, సెక్షన్‌ సూపరింటెండెంట్‌లు కె.వి.వరలక్ష్మి, పి.శేషు, ఎన్‌.వి.గిరిబాబు పాల్గొన్నారు.

● బాధితులకు ఆశ్రయం, న్యాయసహాయం ● కౌన్సెలింగ్‌ ద్వారా సమస్యల పరిష్కారానికి యత్నం ● ఎస్పీ తుహిన్‌ సిన్హాఅనకాపల్లి: అతివలకు అండగా సఖి వన్‌ స్టాప్‌ సెంటర్‌ ఉంటుందని ఎస్పీ తుహిన్‌ సిన్హా అన్నారు. స్థానిక ఎన్టీఆర్‌ ఆస్పత్రి సమీపంలో ఉన్న ఈ సెంటర్‌ను సోమవారం రాత్రి ఆయన పరిశీలించారు. ఈ సందర్భంగా మాట్లాడుతూ లైంగిక వేధింపులు, గృహ హింస, బాల్య వివాహాలు, వరకట్న వేధింపులు, మహిళల అక్రమ రవాణా, సోషల్‌ వెబ్‌సైట్ల ద్వారా జరిపే నేరాలు, పనిచేసే ప్రదేశంలో మహిళలపై వేధింపులు, తల్లిదండ్రుల నిర్లక్ష్యం తదితర ఫిర్యాదులపై మహిళలు నిర్భయంగా 181కు కాల్‌ చెయ్యవచ్చునని చెప్పారు. ఫిర్యాదు తీవ్రతను బట్టి సఖి కేంద్రంలో సైకో సోషల్‌ కౌన్సెలింగ్‌, లీగల్‌ కౌన్సెలింగ్‌ ఇవ్వడం జరుగుతుందన్నారు. సెంటర్‌లో పోలీసు, వైద్య, న్యాయ, మహిళా శిశు సంక్షేమ విభాగాలకు చెందిన సిబ్బంది విధులు నిర్వహిస్తారన్నారు. 5 నుంచి 10 రోజుల వరకు ఆశ్రయం కల్పిస్తామని, భోజనం ఇతర వసతులు ఏర్పాటు చేస్తామని చెప్పారు. అనకాపల్లి మహిళా పోలీస్‌ స్టేషన్‌ సీఐ చంద్రశేఖర్‌, ఎస్‌ఐలు యమున, ఈశ్వరరావు, సఖి వన్‌స్టాప్‌ సెంటర్‌ అడ్మినిస్ట్రేటర్‌ ఎం.వి.మంజులవాణి, నోడల్‌ అధికారి ఎల్‌.సుజాత పాల్గొన్నారు. సైబర్‌ నేరాలపై ప్రజలకు అవగాహన కశింకోట: సైబర్‌ నేరాలపై ప్రజలకు విస్తృతంగా అవగాహన కల్పించాలని ఎస్పీ తుహిన్‌ సిన్హా పోలీసు అధికారులను ఆదేశించారు. కశింకోట పోలీసు స్టేషన్‌ను సోమవారం ఆకస్మికంగా సందర్శించి రికార్డులను తనిఖీ చేశారు. కేసుల పురోగతిని పరిశీలించారు. సైబర్‌ నేరాలు వేగంగా పెరుగుతున్నాయని, వాటి పట్ల ప్రజలను మరింత అప్రమత్తం చేయాల్సి ఉందన్నారు. ద్విచక్ర వాహనదారులు తప్పనిసరిగా హెల్మెట్‌ ధరించేలా పకడ్బందీగా చర్యలు తీసుకోవాలన్నారు. ట్రాఫిక్‌ నిబంధనలు ఉల్లంఘించిన వారిపై ఎన్‌ఫోర్స్‌మెంట్‌ కేసులు నమోదు చేయాలన్నారు. గంజాయి అక్రమ రవాణాను నియంత్రించేందుకు చర్యలు చేపట్టాలన్నారు. అసాంఘిక కార్యకలాపాల నిరోధానికి ప్రధాన కూడళ్లు, కీలక ప్రాంతాల్లో సీసీ టీవీ కెమెరాలను దాతల సహకారంతో ఏర్పాటు చేయాలన్నారు. సీఐ అల్లు స్వామినాయుడు, ఎస్‌ఐ మనోజ్‌కుమార్‌, సిబ్బంది పాల్గొన్నారు.

తుమ్మపాల: ఈనెల 28వ తేదీలోగా ప్రభుత్వ పింఛనుదారులు తమ జీవన ప్రమాణ ధ్రువీకరణ పత్రాలను (లైఫ్‌ సర్టిఫికెట్లు) ప్రభుత్వ ఖాజానా కార్యాలయానికి సమర్పించాలని జిల్లా ఖజానా, గణాంక అధికారి వి.ఎల్‌.సుభాషిణి ఒక ప్రకటనలో తెలిపారు. పింఛన్‌దారులు సకాలంలో పత్రాలను సమర్పించి పింఛను ఆగిపోకుండా చూసుకోవాలన్నారు. అనారోగ్య పరిస్ధితుల్లో ఉన్న పింఛనుదారులు సంబంధిత ఖజానా అధికారికి తెలియపరిస్తే నేరుగా వారు పింఛనుదారుల వద్దకు వచ్చి జీవన ప్రమాణ పత్రాలను స్వీకరిస్తారని తెలిపారు. బయోమెట్రిక్‌ సమస్యపై నేరుగా కార్యాలయానికి రావాల్సిందేనని తెలిపారు.

● ముగ్గురు ముఠా సభ్యుల అరెస్ట్‌ ● పరారీలో ప్రధాన నిందితుడు గోపాలపట్నం: రిజర్వ్‌ బ్యాంక్‌ ద్వారా కోట్లాది రూపాయలు, విల్లాలు ఇప్పిస్తామని.. రూ.5 వేలు కడితే కోటి వరకు నజరానా వస్తుందని నమ్మించి మోసాలకు పాల్పడుతున్న ముఠా సభ్యులను సోమవారం టాస్క్‌ఫోర్స్‌, ఎయిర్‌పోర్టు పోలీసులు సంయుక్తంగా పట్టుకున్నారు. ఎయిర్‌పోర్టు పోలీసులు తెలిపిన వివరాలివి.. రెండు రాష్ట్రాల్లో ఓ ముఠా రైస్‌ పుల్లింగ్‌, రిజర్వ్‌ బ్యాంక్‌ సర్టిఫికెట్లు వంటి పలు రకాల మోసాలకు పాల్పడుతోంది. ఇందులో కొందరు ముఠా సభ్యులు విశాఖలో ఉన్నట్లు సమాచారం రావడంతో టాస్క్‌ఫోర్స్‌ పోలీసులు మర్రిపాలెం వుడా లేఅవుట్‌ పార్క్‌ సమీపంలో ఒక ఇంటిపై దాడి చేశారు. విశాఖకు చెందిన లక్ష్మీ ప్రసన్న, కోటేశ్వరరావు, కాకినాడకు చెందిన శ్రీనివాస్‌లను అదుపులోకి తీసుకున్నారు. ఇందులో ప్రధాన నిందితుడైన యడ్లపల్లి నారాయణ మూర్తి పరారయ్యాడు. వీరు గతంలో పలు చోట్ల దొంగ నోట్లు చలామణి చేయడం, రూ.5వేలు, రూ.10 వేలు కడితే కోట్ల రూపాయలు వస్తాయని నమ్మించి మోసాలకు పాల్పడ్డారు. వీరు విశాఖ, రాజమండ్రి, కాకినాడ ప్రాంతాలను అడ్డాగా మార్చుకుని ప్రజలను ఏమార్చుతున్నారు. కాగా.. టాస్క్‌ఫోర్స్‌ పోలీసులు నిందితులను ఎయిర్‌పోర్టు పోలీసులకు అప్పగించారు. దీనిపై ఎయిర్‌పోర్టు పోలీసులు కేసు నమోదు చేసి దర్యాప్తు చేస్తున్నారు. ఈ ముఠా బారిన పడిన బాధితులు ఎంతమంది ఉన్నారనే దానిపై ఆరా తీస్తున్నారు. బాధితుల నుంచి ఫిర్యాదులు స్వీకరిస్తున్నారు.

● పెడిమికొండ అటవీ ప్రాంతంతోపాటు ప్రభుత్వ, ప్రైవేటు భూముల అన్వేషణ ● గాంధీనగరం పరిసరాల్లో పర్యటించిన అనకాపల్లి, అల్లూరి కలెక్టర్లు నాతవరం: గాంధీనగరం సమీపంలో ఎస్‌ఈజెడ్‌ ఏర్పాటు కోసం 100 ఎకరాల భూ సేకరణలో భాగంగా పెడిమికొండ అటవీ ప్రాంతాన్ని అనకాపల్లి కలెక్టర్‌ విజయ కృష్ణన్‌, అల్లూరి సీతారామరాజు జిల్లా కలెక్టర్‌ ఎ.ఎస్‌.దినేష్‌కుమార్‌ సోమవారం పరిశీలించారు. నర్సీపట్నం–తుని మధ్య ఆర్‌ అండ్‌ బీ రోడ్డుకు ఇరువైపుల గాంధీనగరం సమీపంలో 3 కిలోమీటర్ల వరకు పెడిమికొండ అటవీ భూములు ఉన్నాయి. ఆ భూములను అటవీశాఖ అధికారుల తో కలిసి ఇద్దరు కలెక్టర్లు స్వయంగా పరిశీలించి వా టి వివరాలను తెలుసుకున్నారు. ఈ ప్రాంతంలో కొంతమేర పెడిమికొండ నర్సరీ, మరికొంత భూ మిలో జీడిమామిడి తోట ఉందని అటవీ రేంజర్‌ లక్ష్మీనర్సు వివరించారు. గాంధీనగరం సమీపంలో ఎస్‌ఈజెడ్‌ ఏర్పాటు చేస్తే తుని హైవే, విశాఖ, రాజ మండ్రి పట్టణ ప్రాంతాలకు ఎంత దూరం వస్తుందని ఇద్దరు కలెక్టర్లు ఆర్డీవో వి.వి.రమణను అడిగా రు. ఇక్కడ అటవీ భూమి ఎంత ఉందో, జిరాయితీ భూమి ఎంత ఉందో తెలుసుకున్నారు. తాండవ, ఏలేరు కాలువలు ఎంత దూరంలో ఉన్నాయని అడిగారు. ఎస్‌ఈజెడ్‌ ఏర్పాటుకు కావలసిన భూమిని రైతుల నుంచి సేకరించాలని లేదా డీపట్టా భూము లు తీసుకోగా ఇంకా అవసరమయితే పెడిమికొండ అటవీ భూమిని తీసుకోవాలని భావిస్తున్నారు. అ టవీ భూమిని తీసుకుంటే దానికి బదులుగా సుందరకోట పంచాయతీలో ఉన్న గ్యాప్‌ ఏరియా భూమి ఇచ్చేందుకు అటవీశాఖ అధికారులతో చర్చించారు. ఎస్‌ఈజెడ్‌ ఏర్పాటైతే.. అటవీ ఉత్పత్తులకు సంబంధించిన పరిశ్రమలను ఏర్పాటు చేసేందుకు ఇక్కడ ఎస్‌ఈజెడ్‌ నెలకొ ల్పాలని యోచిస్తున్నారు. అందుకే అల్లూరి జిల్లా కలెక్టర్‌ కూడా స్థల పరిశీలనకు వచ్చారు. ఏజెన్సీ నుంచి వచ్చే గిరిజన ఉత్పత్తులు, మైదాన ప్రాంత రైతులు పండించే వ్యవసాయ ఉత్పత్తులు స్టాకు చేసి గిట్టుబాటు ధర లభించినప్పుడు పట్టణ ప్రాంతాలకు తరలించేలా ప్రణాళిక సిద్ధం చేస్తున్నారు. ఈ పర్యటనలో తహసీల్దార్‌ వేణుగోపాల్‌, ఎంపీడీవో కె,ఉషశ్రీ, అటవీ సెక్షన్‌ అధికారి చిరంజీవి, డిప్యూ టీ తహసీల్దార్‌ శివ, మండల సర్వేయర్‌ ప్రసాద్‌, ఎంఈవోలు సత్యనారాయణ, కామిరెడ్డి వరహా లబాబు, ఎస్‌ఐ సిహెచ్‌.భీమరాజు పాల్గొన్నారు.

అనకాపల్లి : శ్రీ భాగవతుల చాత్తాడ శ్రీవైష్ణవ సేవా సంఘం జిల్లా అధ్యక్షునిగా నీలాచలం వెంకటరమణమూర్తి ఏకగ్రీవంగా ఎన్నికయ్యారు. స్థానిక గాంధీనగరం సంఘం కార్యాలయంలో సోమవారం జరిగిన ఎన్నికల్లో ప్రధాన కార్యదర్శిగా తిరుపతి గౌరసోమశేఖర్‌, కోశాధికారిగా సన్నిధి ఈశ్వరరావు, గౌరవాధ్యక్షునిగా ఎం.జగన్‌మోహన్‌రావుతో పాటు మరో 15మంది కమిటీ సభ్యులుగా ఎన్నికయ్యారు. ఈ సందర్బంగా సంఘం గౌరవాధ్యక్షుడు ఎం.జగన్‌న్‌మోహన్‌రావు మాట్లాడుతూ పై కమిటీ రెండు సంవత్సరాలు ఉంటుందన్నారు. సంఘం ఆధ్వర్యంలో పలు సేవా కార్యక్రమాలు నిర్వహించేందుకు ప్రణాళికలు సిద్ధం చే స్తున్నట్టు తెలిపారు.

● కొత్త మీటర్‌ కావాలంటే విద్యుత్‌ అధికారుల చేయి తడపాల్సిందే.. ● కూటమి నేతలతో కలిసి బరితెగిస్తున్న ఈపీడీసీఎల్‌ సిబ్బంది ● కొత్త కనెక్షన్ల కోసం వేల సంఖ్యలో దరఖాస్తులు ● అపార్ట్‌మెంట్‌ కనెక్షన్‌కు రూ.50 వేలు, వ్యక్తిగత కనెక్షన్‌కు రూ.5 వేల వసూలు సార్‌.. కొత్తగా ఇల్లు కట్టుకున్నాం.. కరెంట్‌ కనెక్షన్‌ కోసం దరఖాస్తు చేసుకున్నాం.. ఎప్పుడు వస్తుందని.. ఎవరైనా సాధారణ ప్రజలు అడిగితే.. ‘మీ లోకల్‌ లీడర్‌ నుంచి సిఫార్సు తీసుకురా.. అప్పుడే పని త్వరగా పూర్తవుతుంది. దాంతో పాటు ఎంతో కొంత సర్దుబాటు చెయ్‌.. మీ ఇంటికి వెలుగులు వచ్చేస్తాయి.’ – ఈపీడీసీఎల్‌ విశాఖపట్నం సర్కిల్‌ పరిధిలోని అధికారులు, సిబ్బంది చెబుతున్న మాటలు ఇవి. జోన్‌–1 పరిధిలో 80 అడుగుల రోడ్డు ప్రాంతానికి చెందిన ప్రసన్నకుమార్‌ కొత్తగా కడుతున్న గ్రూప్‌ హౌస్‌ కోసం విద్యుత్‌ కనెక్షన్ల కోసం దరఖాస్తు చేశారు. నెల రోజులైనా స్పందన రాకపోవడంతో విశాఖ సర్కిల్‌ కార్యాలయానికి వెళ్లి అడగ్గా.. దిగువ స్థాయి అధికారిని సంప్రదించాలని చెప్పారు. తిరిగి తిరిగి సదరు అధికారిని అడగ్గా.. మీ లోకల్‌ టీడీపీ లీడర్‌ నుంచి ఒక్క ఫోన్‌ చేయించండి చాలు.. మీ పనైపోతుందని అన్నారు. లీడర్‌ దగ్గరికి వెళ్లి బతిమిలాడారు. అక్కడి నుంచి జోన్‌ సిబ్బందికి ఫోన్‌ వెళ్లింది. వెంటనే సదరు విద్యుత్‌ ఉద్యోగి ప్రత్యక్షమై.. ఫార్మాలిటీస్‌ ఉన్నాయంటూ లెక్క చెప్పి రూ.50 వేలు కప్పం కట్టించుకున్నారు. అంతే రెండు రోజుల్లో కొత్త కనెక్షన్‌ వచ్చేసింది. – ఇదీ కొంత కాలంగా ఈపీడీసీఎల్‌ విశాఖ సర్కిల్‌లో నడుస్తున్న దందా. కొత్త విద్యుత్‌ కనెక్షన్‌ కావాలంటే.. కచ్చితంగా ఆ ఏరియాకు చెందిన కూటమినేత నుంచి ఫోన్‌ రావాల్సిందే. సాక్షి, విశాఖపట్నం : ఉమ్మడి విశాఖపట్నం జిల్లా పరిధిలో ప్రస్తుతం 18,42,691 మంది ఎల్‌టీ కేటగిరీ వినియోగదారులు, 1858 హెచ్‌టీ కేటగిరీ వినియోగదారులున్నారు. గత ఐదేళ్ల కాలంలో కొత్త విద్యుత్‌ కనెక్షన్‌ కావాలంటే సులువుగా దొరికేది. ఆన్‌లైన్‌లో దరఖాస్తు చేసుకున్నా.. స్థానిక ఏఈ కార్యాలయంలో సంప్రదించినా.. కేటగిరీల వారీగా ఫీజులు చెల్లించేవారు. నిర్ణీత గడువులో కొత్త కనెక్షన్‌ మంజూరయ్యేది. 2022 నుంచి 2024 ఏప్రిల్‌ మధ్య కాలంలో ఉమ్మడి విశాఖ జిల్లాలో దాదాపు 80 వేల కొత్త కనెక్షన్లు పెరిగాయి. కానీ.. ఎక్కడా లంచాలకు తావులేకుండా మంజూరు చేసేవారు. ఇప్పుడు కాలం మారిపోయింది. కూటమి ప్రభుత్వం అధికారంలోకి వచ్చిన తర్వాత.. ఈపీడీసీఎల్‌ సర్కిల్‌ అధికారులు కమర్షియల్‌గా మారిపోయారు. కనెక్షన్‌ కావాలంటే చేయి తడపాల్సిందేనని భీష్మించుకు కూర్చుంటున్నారని ఆరోపణలు వినిపిస్తున్నాయి. స్థానిక లైన్‌మెన్‌లు, ఏఈలు దరఖాస్తులను ప్రాసెసింగ్‌ చేస్తున్నా.. వాటిని ఆపాలంటూ కూటమి నేతలు హుకుం జారీ చేస్తున్నారని తెలుస్తోంది. తమ ఆదేశాలు వచ్చేంత వరకూ కొత్త దరఖాస్తుల జోలికి వెళ్లొద్దంటూ ఆగ్రహం వ్యక్తం చేస్తున్నారంట. అందుకే విశాఖ సర్కిల్‌ పరిధిలో వేల దరఖాస్తులు పెండింగ్‌లో ఉన్నాయి. కూటమి నేతలతో కుమ్మక్కు! విద్యుత్‌ కనెక్షన్లు ఏమైనా కొత్తవి మంజూరు చేయాలంటే కచ్చితంగా తమను సంప్రదించేలా చూడాలంటూ కూటమి నేతలు విశాఖపట్నం సర్కిల్‌ అధికారులకు ఆదేశాలు జారీ చేశారు. దీంతో ఏ దరఖాస్తు వచ్చినా దానిపై దృష్టి సారించడం లేదు. దరఖాస్తుదారులు వచ్చి తమ కొత్త కనెక్షన్‌ గురించి అడిగితే... కూటమి నేతలతో కుమ్మకై ్క అందినకాడికి దోచుకుంటూ పంచుకుంటున్నారని విమర్శలు వస్తున్నాయి. వ్యక్తిగత కనెక్షన్‌కు కేటగిరీ బట్టి రూ.5 నుంచి రూ.10 వేలు.. అపార్ట్‌మెంట్స్‌, విల్లాలు, గ్రూప్‌హౌస్‌లకు విస్తీర్ణం, ఫ్లాట్లను బట్టి రూ.50 వేల నుంచి రూ.లక్ష కుపైగా రేటు ఫిక్స్‌ చేశారని తెలుస్తోంది. దీంతో ఇల్లు కట్టుకున్న ప్రతి ఒక్కరికీ విద్యుత్‌ కచ్చితంగా అవసరం కాబట్టి.. ఎంత డిమాండ్‌ చేస్తే అంత చెల్లింపులు చేసి కనెక్షన్‌ తీసుకుంటున్నామని వినియోగదారులు వాపోతున్నారు.

ఆరిలోవ: హెల్త్‌సిటీలోని కేర్‌ ఆస్పత్రిలో ఒక రోగి మృతి చెందడం ఆందోళనకు దారి తీసింది. ఆస్పత్రి యాజమాన్యం మృతదేహాన్ని అప్పగించడానికి రూ.5 లక్షలు డిమాండ్‌ చేయడంతో మృతుడి కుటుంబ సభ్యులు నిరసనకు దిగారు. మృతుడి బంధువులు తెలిపిన వివరాలివి.. చోడవరానికి చెందిన బండి శ్రీధర్‌ (55) గుండెనొప్పితో బాధపడుతుండగా, ఆదివారం సాయంత్రం 6.30 గంటలకు కుటుంబ సభ్యులు హెల్త్‌సిటీలోని కేర్‌ ఆస్పత్రిలో చేర్పించారు. అతనికి అత్యవసరంగా గుండె శస్త్రచికిత్స చేయాలని వైద్యులు చెప్పడంతో కుటుంబ సభ్యులు అంగీకరించారు. ముందుగా ఆస్పత్రికి రూ.60 వేలు చెల్లించారు. అర్ధరాత్రి 12.30 నుంచి ఒంటి గంట మధ్య సమయంలో ఐసీయూలో ఉన్న శ్రీధర్‌ను చూడటానికి కుటుంబ సభ్యులు వెళ్లగా.. అతను మృతి చెందినట్లు గుర్తించారు. వైద్యులను సంప్రదించగా వారు పరిశీలించి శ్రీధర్‌ మరణించినట్లు నిర్ధారించారు. శ్రీధర్‌కు రెండు శస్త్రచికిత్సలు చేశామని, వాటికి సంబంధించిన ఫీజు చెల్లించాలని వైద్యులు సూచించారు. మృతదేహాన్ని అప్పగించడానికి రూ.5 లక్షలు చెల్లించాలని డిమాండ్‌ చేశారు. దీంతో ఆగ్రహించిన శ్రీధర్‌ కుమారులు ‘గుండె జబ్బు నయం చేస్తామని చెప్పి మా నాన్నను చంపేశారు’ అంటూ వైద్యులపై ఆగ్రహం వ్యక్తం చేశారు. ఈ విషయం బంధువులకు తెలియడంతో చోడవరం నుంచి సోమవారం ఉదయం ఆస్పత్రికి చేరుకుని ఆందోళనకు దిగారు. మృతదేహం కోసం డబ్బులు చెల్లించమని, వెంటనే మృతదేహాన్ని తమకు అప్పగించాలని డిమాండ్‌ చేశారు. ఈ సమాచారం అందుకున్న ఆరిలోవ సీఐ మల్లేశ్వరరావు, ఎస్‌ఐ కృష్ణ సిబ్బందితో కలిసి కేర్‌ ఆస్పత్రికి చేరుకున్నారు. బాధితులు, ఆస్పత్రి యాజమాన్యంతో చర్చలు జరిపారు. ముందు చెల్లించిన రూ.60వేలతో పాటు అదనంగా రూ.1.10 లక్షలు చెల్లించి మృతదేహాన్ని తీసుకువెళ్లడానికి బంధువులు అంగీకరించారని ఆస్పత్రి వైద్యులు తెలిపారు. దీంతో ఆందోళన సద్దుమణిగింది. శస్త్రచికిత్స చేసే సమయంలో అంగీకార పత్రంపై సంతకాలు తీసుకున్నట్లు వైద్యులు తెలిపారు.

గాంధీ విగ్రహం వద్ద స్వచ్ఛ భారత్‌పై ప్రతిజ్ఞ చేస్తున్న నాగలక్ష్మి, డీపీవో శిరీషారాణి కె.కోటపాడు : పారిశుధ్య సిబ్బంది, క్లాప్‌మిత్రలకు తడి, పొడి చెత్తను వేర్వేరు డస్ట్‌బిన్‌లలో వేసి ఇచ్చి పారిశుధ్యం మెరుగుకు ప్రజలు సహకరించాలని జిల్లా పంచాయతీ వనరుల కేంద్రం ప్రిన్సిపాల్‌ నాగలక్ష్మి, అనకాపల్లి జిల్లా పంచాయతీ అధికారి శిరీషారాణి అన్నారు. అనకాపల్లి డివిజన్‌లో గల 11 మండలాల్లో గల పంచాయతీ విస్తరణాధికారులు, ఆయా మండలాల్లో ఎంపిక చేసిన పంచాయతీ కార్యదర్శిలు, క్లాప్‌మిత్రలకు చౌడువాడలో సోమవారం చెత్త నుంచి సంపద తయారీ కేంద్రాల నిర్వహణపై ఒక్కరోజు శిక్షణ కార్యక్రమం నిర్వహించారు. ఈ సందర్భంగా నాగలక్ష్మి, శిరీషారాణి మాట్లాడుతు గ్రామాల్లో సేకరించిన చెత్తను సంపద తయారీ కేంద్రాల్లో వేర్వేరుగా ఉంచాలని తెలిపారు. పాడి రైతుల నుంచి సేకరించిన పేడను సంపద తయారీ కేంద్రాల్లో 70 నుంచి 80 రోజుల పాటు ఉంచిన తరువాత వర్మీగా తయారవుతుందన్నారు. ఈ ఎరువును రైతులకు కిలో గరిష్టంగా రూ.5లకు అమ్మకాలను చేపట్టడం ద్వారా పంచాయతీకి ఆదాయం లభిస్తుందన్నారు. భూమిలో వర్మీకంపోస్టు వేయడం వల్ల భూమిలో పోషక విలువలు పెరుగుతాయని, తద్వారా మంచి దిగుబడితో పాటు ఆరోగ్యకరమైన పంట లభిస్తుందని తెలిపారు. శిక్షణ కార్యక్రమానికి హాజరైన ఈవోఆర్డీలు, పంచాయతీ కార్యదర్శులు, క్లాప్‌మిత్రలను గ్రామంలో పర్యటించి ప్రజలకు ఏ విధంగా తడి, పొడి చెత్తను వేరువేరుగా ఇవ్వాలో వివరింపజేసారు. అంతకుముందు సంపద తయారీ కేంద్రం వద్ద గల గాంధీ విగ్రహానికి పూలమాలను వేసి నివాళులు అర్పించారు. కార్యక్రమంలో ఎంపీడీవో సాంబశివరావు, సర్పంచ్‌ దాడి ఎరుకునాయుడు, పంచాయతీ కార్యదర్శి బి.సురేష్‌ పాల్గొన్నారు.

పట్టుబడిన గంజాయి, నిందితులతో పోలీసులు చీడికాడ : అక్రమంగా గంజాయిని తరలిస్తున్న ఇద్దరు వ్యక్తులను అరెస్టు చేసి వారి నుంచి 20 కేజీల గంజాయిని స్వాధీనం చేసుకున్నట్టు ఎస్‌ఐ బి.సతీష్‌ తెలిపారు. సోమవారం ఆయన మాట్లాడుతూ గంజాయిని అక్రమంగా తరలిస్తున్నారన్న సమాచారం మేరకు మండలంలోని అప్పలరాజుపురం కాటా వద్ద ఆదివారం సాయంత్రం వాహనాలు తనిఖీలు నిర్వహిహిస్తుండగా తమిళనాడుకు చెందిన మహమ్మద్‌ అర్షప్‌, టి.ఏబారిన్‌ అనే వ్యక్తులు గంజాయితో పట్టుబడ్డారన్నారు. వీరిద్దరూ ముంచుంగుపుట్టు మండలంలో ఒక వ్యక్తి నుంచి గంజాయి కొనుగోలు చేసినట్టు విచారణలో తెలిసిందన్నారు. వీరిని అదుపులోకి తీసుకుని సోమవారం రిమాండ్‌కు తరలించినట్టు చెప్పారు.

కశింకోట : తాళ్లపాలెం వద్ద ఆదివారం అర్ధరాత్రి సమయంలో జరిగిన రోడ్డు ప్రమాదంలో 40 ఏళ్ల గుర్తు తెలియని వ్యక్తి మృతి చెందినట్టు సీఐ అల్లు స్వామినాయుడు తెలిపారు. అనకాపల్లి –యలమంచిలి మార్గంలో జాతీయ రహదారిపై తాళ్లపాలెం సమీపంలో మామిడివాక గెడ్డ వంతెన వద్ద గుర్తు తెలియని వ్యక్తిని వ్యాన్‌ వేగంగా ఢీకొందన్నారు. దీంతో తల నుజ్జు అయి అక్కడికక్కడే మృతి చెందాడన్నారు. నేరేడు పండు రంగు షర్టు, నలుపు రంగు ఫ్యాంటు ధరించి ఉన్నాడన్నారు. వీఆర్‌వో రాయవరపు శ్రీనివాసరావు ఫిర్యాదు మేరకు కేసు నమోదు చేసి, మృతదేహాన్ని అనకాపల్లి ప్రభుత్వ ఆస్పత్రికి తరలించారు. కేసు దర్యాప్తులో ఉందన్నారు.

బాలికల ఆశ్రమ పాఠశాలలో ఎమ్మెల్సీ ఎన్నికల ప్రచారం నిర్వహిస్తున్న గాదె శ్రీనివాసులునాయుడు డుంబ్రిగుడ: ఎమ్మెల్సీగా మరోసారి తనను గెలిపిస్తే సీపీఎస్‌ రద్దు చేసి ఓపీఎస్‌ అమలుకు కృషి చేస్తానని ఉత్తరాంధ్ర ఎమ్మెల్సీ అభ్యర్థి గాదె శ్రీనివాసులునాయుడు హామీ ఇచ్చారు. ఈ సందర్భంగా సోమవారం ఆయన మండలంలోని ప్రభుత్వ ఆశ్రమ బాలుర, బాలికల, కేజీబీవీ, డుంబ్రిగుడ, అరకు ప్రభుత్వ ఉన్నత పాఠశాలల్లో ఎన్నికల ప్రచారం నిర్వహించారు. అనంతరం ఆయన ఆయా పాఠశాలల బయట ఉపాధ్యాయులతో మాట్లాడారు. కేజీబీవీలలో పని చేస్తున్న సీఆర్‌టీలకు మినిమం టైం స్కేల్‌ వర్తించేలా కృషి చేస్తానన్నారు. రాష్ట్రంలోనే కాకుండా దేశ వ్యాప్తంగా బీమా సదుపాయం కల్పించి ఉపాధ్యాయులకు వైద్యం అందేలా చర్యలు తీసుకుంటామన్నారు. ఉపాధ్యాయులకు 15 రోజుల సాధారణ సెలవులపై స్పష్టతనిచ్చి అమలయ్యేలా చూస్తామన్నారు. పీఆర్‌టీయూ అల్లూరి జిల్లా అధ్యక్ష, కార్యదర్శులు గిరి, అప్పలరాజు, అనకాపల్లి జిల్లా అధ్యక్షుడు గోపీనాథ్‌, రాష్ట్ర కౌన్సిలర్‌ జి.గెన్ను, జల్లా ఉపాధ్యక్షుడు శ్రీనివాస్‌, మండల అధ్యక్ష, కార్యదర్శి లక్ష్మయ్య, రాంప్రసాద్‌, తదితరులు పాల్గొన్నారు.

కొమ్మాది: ఒకవైపు ఎండ తీవ్రత, మరోవైపు ఆహార కొరత.. దీనికి తోడు అధికారుల నిర్లక్ష్యం కారణంగా వన్యప్రాణులు జనావాసాల్లోకి వచ్చేస్తున్నాయి. ఇటీవల బోరవానిపాలెం, ఎండాడ ప్రాంతాలకు వచ్చిన రెండు జింకలు మృతి చెందగా, 10 రోజుల కిందట ఎండాడలో కుక్కల దాడిలో మరో జింక మృతి చెందింది. ఆదివారం ఓ జింక ఎండాడలోని ఓ అపార్ట్‌మెంట్‌లోకి వచ్చేసింది. కదల్లేని స్థితిలో ఉన్న జింకను స్థానికులు ప్రథమ చికిత్స అందించి.. అటవీ శాఖ అధికారులకు సమాచారం ఇచ్చారు. అధికారులు అక్కడికి చేరుకుని.. వైద్య చికిత్స నిమిత్తం జింకను కంబాల కొండకు తరలించారు. కాగా.. కంబాల కొండలో సరైన రక్షణ లేకపోవడం వల్ల జింకలు ఇలా జనావాసాల్లోకి వస్తున్నాయి. జింకలు వరసగా మరణిస్తున్నప్పటికీ అటవీ శాఖ, జూ సిబ్బంది పట్టించుకోవడం లేదని జంతుప్రేమికులు ఆవేదన వ్యక్తం చేస్తున్నారు.

ఎన్‌ఆర్‌ఈజీఎస్‌ ఉపాధి పనుల్లో రాజకీయ జోక్యం రోజురోజుకు పెరిగిపోతోంది. కూటమి ప్రభుత్వం అధికారం చేపట్టినప్పటి నుంచి అధికారులపై ఒత్తిడి తీసుకొస్తూ ఫీల్డ్‌ అసిస్టెంట్లు, మేట్లను నిబంధనలకు విరుద్ధంగా తొలగిస్తున్నారు. ఫీల్డ్‌ అసిస్టెంట్‌పై అవినీతి ఆరోపణలు వస్తే థర్డ్‌ పార్టీ విచారణ, క్వాలిటీ కంట్రోల్‌ ఎంకై ్వరీ చేయాలి. అవినీతికి పాల్పడినట్లు స్పష్టమైతే అప్పుడు నిబంధనల ప్రకారం సస్పెండ్‌ చేసే అధికారం ఉంటుంది. క్రిమినల్‌ కేసులు బనాయించడం, అక్రమంగా తొలగించడం, బెదిరింపులకు పాల్పడి వారంతట వారే రాజీనామా చేసేలా భయపెట్టడం వంటి వాటికి పాల్పడుతున్నారు. ఎక్కువమంది కూలీలు మద్దతు ఇచ్చిన వారే మేట్‌గా ఉండాలి. కానీ నిబంధనలకు విరుద్ధంగా డ్వామా అధికారులు మేట్లను తొలగించి, వారికి అనుకూలమైన వారిని వేసుకుంటున్నారు.

నాతవరం: సరుగుడు జలపాతం వద్ద ఆది వారం సందర్శకులతో సందడి నెలకొంది. ఎత్తయిన రెండు కొండల మధ్యలోంచి ప్రవహించే నీటిలో జలకాలు ఆడేందుకు పర్యాటకులు పోటీ పడ్డారు. అనకాపల్లి, కాకినాడ జిల్లాల నలుమూలల నుంచి వాహనాలపై అధికంగా సందర్శకులు రావడంతో జలపాతం వద్ద ఉదయం నుంచి సాయంత్రం కోలాహలం కన్పించింది. ఆటపాటలతో సందర్శకులు కాలక్షేపం చేసి మధ్యాహ్నం సహపంక్తి భోజనాలు చేశారు. సందర్శకులు పెద్ద ఎత్తున కార్లు, ద్విచక్ర వాహనాలపై రావడంతో సరుగుడు వెళ్లే రోడ్డులో రద్దీ కనిపించింది.యారాడలో ‘కింగ్‌డమ్‌’ కొమ్మాది: విజయ్‌ దేవరకొండ కథానాయకుడిగా గౌతమ్‌ తిన్నసూరి దర్శకత్వంలో పాన్‌ ఇండియాలో తెరకెక్కుతోన్న కింగ్‌డమ్‌ చిత్రం షూటింగ్‌ ఆదివారం యారాడ బీచ్‌లో జరిగింది. ఉదయం నుంచి సాయంత్రం వరకు షూటింగ్‌ సందడి నెలకొంది. హీరో విజయ్‌ దేవకొండపై పలు సన్నివేశాలను చిత్రీకరించారు. న్యూస్‌రీల్‌పార్ట్‌టైం పీఈటీ అరెస్ట్‌ పోక్సో కేసు నమోదు గొలుగొండ: విద్యార్థినులతో అసభ్యంగా ప్రవర్తించిన చోద్యం జెడ్పీ హైస్కూల్‌ మాజీ పార్టుటైం పీఈటీ కందూరు నూకరాజుపై పోక్సో కేసు నమోదు చేసి అరెస్టు చేసినట్లు కృష్ణదేవిపేట ఎస్‌ఐ తారకేశ్వర్రావు తెలిపారు. ఆయన ఆదివారం విలేకర్లతో మాట్లాడుతూ.. విద్యార్థినులతో పీఈటీ నూకరాజు అసభ్యకరంగా ప్రవర్తించినట్టు తల్లిదండ్రులు ఇచ్చిన ఫిర్యాదు మేరకు విచారణ నిర్వహించామని తెలిపారు. నూకరాజును విద్యాశాఖ అధికారు లు శనివారం విధుల నుంచి తొలగించగా.. ఆదివారం విచారణ అనంతరం ఆయనను అరెస్టు చేసి కోర్టుకు తరలించినట్లు ఎస్‌ఐ తెలిపారు.

. ఉక్కునగరం: స్టీల్‌ప్లాంట్‌ ఉద్యోగులకు ఫిబ్రవరి 18న ఇచ్చే జవహర్‌లాల్‌ నెహ్రూ(జేఎన్‌) అవార్డుల ప్రదానం వాయిదా పడినట్టు తెలుస్తోంది. స్టీల్‌ప్లాంట్‌ కోసం అంకితభావంతో కృషి చేసే అధికారులు, కార్మికులకు ఏటా ఫిబ్రవరి 18న ఉక్కు అవిర్భావ దినోత్సవం సందర్భంగా అవార్డులిస్తారు. ఆ రోజు ఉద్యోగుల కుటుంబీకులు, ఉన్నతాధికారుల సమక్షంలో సీఎండీ చేతుల మీదుగా అవార్డులు అందుకోవడం ఆనవాయితీ. ఉక్కు అధికారులు, కార్మికులకు చెందిన గత మూడేళ్ల వార్షిక ప్రావీణ్యత రేటింగ్‌(ఏసీఆర్‌), అటెండెన్స్‌ తదితర ప్రమాణాలను బట్టి ఈ అవార్డులకు ఎంపిక చేస్తారు. 2023–24కు చెందిన అధికారుల ఏసీఆర్‌ సిద్ధం కాకపోవడమే జాప్యానికి కారణమని తెలుస్తోంది

సింహాచలం: శ్రీ వరాహ లక్ష్మీనృసింహస్వామికి ఆదివారం హరేకృష్ణ మూవ్‌మెంట్‌ సుమారు రూ.10 లక్షలు విలువ చేసే రెండు బంగారు శఠగోపాలు(వెండిపై బంగారు పూత) బహూకరించింది. గ్లోబల్‌ హరేకృష్ణ మూవ్‌మెంట్‌ చైర్మన్‌ పద్మశ్రీ అవార్డు గ్రహీత మధుపండితదాస సింహగిరికి వచ్చి శఠగోపాలను ఆలయ ఏఈవో ఆనంద్‌కుమార్‌, ప్రధానార్చకుడు గొడవర్తి శ్రీనివాసాచార్యులకు అందజేశారు. సంస్థ సభ్యులతో కలిసి స్వామి ఆరాధన కార్యక్రమంలో పాల్గొన్నారు. దేవస్థానం తరపున అధికారులు మధుపండిత దాసకు, ఆయనతో వచ్చిన సంస్థ సభ్యులకు స్వామి దర్శనం కల్పించి ప్రసాదం, శేషవస్త్రాలను అందజేశారు.

నేను ఎటువంటి అవకతవకలకు పాల్పడకపోయినా కూటమి ప్రభుత్వం వచ్చిన నెల రోజుల్లోనే అన్యాయంగా తొలగించారు. హోంమంత్రి వంగలపూడి అనిత అప్పటి డ్వామా పీడీ సందీప్‌పై ఒత్తిడి తెచ్చి మరీ నాపై వేటు వేశారు. ఆయనతో మాకు ఫోన్‌ చేయించి రాజీనామా చేయాలని చెప్పించారు. నేను చేయనని చెప్పాను. నాపై క్రిమినల్‌ కేసులు పెట్టి మరీ తొలగించారు. 16 ఏళ్లుగా ఫీల్డ్‌ అసిస్టెంట్‌గా పనిచేస్తున్నాను. నాతోపాటు నామవరం, శ్రీరాంపురం ఫీల్డ్‌ అసిస్టెంట్లను కూడా భయ పెట్టి తొలగించారు. మిగతా వారిని మరో నెల రోజుల తరువాత సాగనంపారు. నిజంగా నేను తప్పు చేస్తే.. అదే మస్తరు షీటుపై సంతకాలు చేసే ఎంపీడీఓ, క్వాలిటీ కంట్రోల్‌ అధికారి, ఏపీఓ, డ్వామా పీడీ, టెక్నికల్‌ అసిస్టెంట్‌ అంద రూ తప్పు చేసినట్లే. వారిని కూడా తొలగించా లి. ఇదే వృత్తి మీద ఆధారపడి జీవించే మా కుటుంబాలు రోడ్డున పడ్డాయి. జిల్లాలో 50 మందికిపైగా మేట్లను అక్రమంగా తొలగించారు. – మేకా సోమయ్య, ఫీల్డ్‌ అసిస్టెంట్‌, ఈదటం గ్రామం, పాయకరావుపేట నియోజకవర్గం గ్రూప్‌లో మెజారిటీ ఉన్నా.. మేట్‌గా రిజిస్టర్‌ చేయలేదు మా గ్రూప్‌లో 50 మంది ఉపాధి కూలీలున్నారు. 25 మంది కన్నా ఎక్కువగా కూలీలు మద్దతుంటే మేట్‌గా రిజిస్టర్‌ చేయాలి. నాకు 30మందికి పైగా కూలీల మద్దతు ఉంది. అయినా మేట్‌గా రిజిస్టర్‌ చేయలేదు. ఇలా 7 గ్రూపుల్లో నిబంధనలకు విరుద్ధంగా మేట్లను నియమించారు. అధికారులు నిబంధనలు విరుద్ధంగా వ్యవహరిస్తే ఉద్యమిస్తాం. – అడిగర్ల అప్పలనాయుడు, మామిడపాలెం గ్రామం, మాకవరపాలెం

మహారాణిపేట: హత్య కేసులో ఏ2 నిందితుడిగా ఉన్న భూసరి రాజబాబు కేజీహెచ్‌లో చికిత్స పొందుతూ ఆదివారం ఉదయం మరణించాడు. గతేడాది నవంబర్‌లో ఏజెన్సీలోని కొయ్యూరు మండలం, బకులూరు సమీపంలో జరిగిన హత్య కేసులో రాజబాబు రెండో నిందితుడిగా ఉన్నారు. రిమాండ్‌ ఖైదీగా విశాఖ సెంట్రల్‌ జైల్లో శిక్ష అనుభవిస్తున్నాడు. అతని ఆరోగ్యం విషమించడంతో కేజీహెచ్‌కు తరలించారు. ఇక్కడ చికిత్స పొందుతూ ఆదివారం ఉదయం మరణించాడు. రాజబాబు మృతదేహానికి పోస్టు మార్టం నిర్వహించి, మృతదేహాన్ని జైలు అధికారుల సమక్షంలో కుటుంబ సభ్యులకు అప్పగించినట్లు కేజీహెచ్‌ ఆర్‌ఎంవో డాక్టర్‌ మెహర్‌కుమార్‌ తెలిపారు.

నర్సీపట్నం: మాజీ ఎమ్మెల్యే పెట్ల ఉమాశంకర్‌ గణేష్‌ సోదరుడు, ప్రముఖ సినీ దర్శకుడు పూరీ జగన్నాథ్‌ తల్లి సత్యవతి అలియాస్‌ అమ్మాజీ వద్దకు వచ్చారు. ఇటీవల ప్రమాదానికి గురికావడంతో ఆమె చేతికి ఆపరేషన్‌ జరిగింది. విషయం తెలియడంతో సోదరుడు, సినీ హీరో సాయిరామ్‌ శంకర్‌తో కలిసి పూరీ జగన్నాథ్‌ తల్లిని చూసేందుకు ఆదివారం గణేష్‌ ఇంటికి చేరుకున్నారు. తల్లిని అక్కున చేర్చుకుని ఆరోగ్య పరిస్థితిని అడిగి తెలుసుకున్నారు. చాలా కాలం తర్వాత కుమారుడిని చూసిన తల్లి అమ్మాజీ ఆనందంతో ఉబ్బితబ్బిబ్బయ్యారు. సోదరులు గణేష్‌, సాయిరామ్‌, మరదళ్లు, పిల్లలు, తల్లితో జగన్నాథ్‌ సరదాగా గడిపారు. పూరీ రాకతో గణేష్‌ ఇంట్లో సందడి వాతావరణం నెలకొంది. పూరీ జగన్నాథ్‌ అభిమానులు, బంధువులు ఆయనను కలిసేందుకు తరలివెళ్లారు.

మహారాణిపేట(విశాఖ): ఈ నెల 27న జరగనున్న ఉత్తరాంధ్ర ఉపాధ్యాయ ఎమ్మెల్సీ ఎన్నికల కోసం ఏర్పాట్లు శరవేగంగా జరుగుతున్నాయి. విశాఖ కలెక్టర్‌ ఎం.ఎన్‌.హరేందిరప్రసాద్‌ సారథ్యంలో జిల్లా రెవెన్యూ అధికారి భవానీశంకర్‌ ఏర్పాట్లు చేస్తున్నారు. పది మంది అభ్యర్థులు తుది ఎన్నికల బరిలో నిలిచారు. అభ్యర్థుల పేరుతో తెలుగులో బ్యాలెట్‌ పత్రం రూపొందించి, ప్రింటింగ్‌ కోసం కర్నూలు ప్రభుత్వ ముద్రణాలయానికి పంపారు. అక్షర క్రమంలో బ్యాలెట్‌ పత్రం అభ్యర్థులు నామినేషన్‌లో పేర్కొన్న మేరకు తొలి అక్షరం ఆధారంగా తెలుగు అక్షర క్రమంలో బ్యాలెట్‌ పత్రం నమూనాను తయారు చేశారు. తుది జాబితా మేరకు విశాఖపట్నం, విజయనగరం, శ్రీకాకుళం, పార్వతీపురం మన్యం, అనకాపల్లి, అల్లూరి సీతారామరాజు జిల్లాల్లో మొత్తం 22,493 మంది ఓటర్లు ఉన్నారు. వీరికి అదనంగా మరో పది శాతం కలిపి సుమారు 25 వేల బ్యాలెట్‌ పత్రాలను ముద్రిస్తున్నారు. ఇవి ఈ నెల 18, 19 తేదీల్లో విశాఖ చేరుకునే అవకాశం ఉంది. ఎన్నికల తేదీకి రెండు రోజులు ముందు వాటిని బందోబస్తు నడుమ పోలింగ్‌ కేంద్రాలకు తరలించనున్నారు. 18 నుంచి తొలి విడత శిక్షణ ఎన్నికల నిర్వహణ కోసం ఈ నెల 18 నుంచి సిబ్బందికి, ఎన్నికల అధికారులకు శిక్షణ ఇవ్వనున్నారు. రెండో విడత శిక్షణ 24న ఉంటుంది. ఉత్తరాంధ్ర జిల్లాల్లో 123 పోలింగ్‌ కేంద్రాల్లో ఎన్నికలు జరపనున్నారు. ఒక్కో పోలింగ్‌ కేంద్రంలో ఒక ప్రిసైడింగ్‌ అధికారి (పీవో)తోపాటు ముగ్గురు సిబ్బంది అవసరం. మొత్తం 492 మంది సిబ్బందితోపాటు అదనంగా మరో పది శాతం మందిని ఎన్నికల నిర్వహణకు సిద్ధం చేస్తున్నారు. 27న జరిగే ఎన్నికలకు సిబ్బంది నియామకం 18న తొలి విడత శిక్షణ తరగతులు 25 వేల బ్యాలెట్‌ పత్రాల తయారీ

ఫార్మాసిటీలో ఇద్దరు కార్మికులకు అస్వస్థత నిద్ర మాత్రల పౌడర్‌ ప్యాకింగ్‌లో ఘటనపరవాడ: అనకాపల్లి జిల్లా పరవాడ జవహర్‌లాల్‌ నెహ్రూ ఫార్మాసిటీలోని టొరెంటో పరిశ్రమలో ఆదివారం జరిగిన ప్రమాదంలో కాంట్రాక్ట్‌ కార్మికులు పి.రామకృష్ణ, జె.బసవేశ్వరరావులు తీవ్ర అస్వస్థతకు గురయ్యారు. పరవాడ సీఐ ఆర్‌.మల్లికార్జునరావు అందించిన వివరాలు. పరిశ్రమలో నిద్ర మాత్రల తయారీకి ఉపయోగించే జోల్పిడమ్‌ పౌడర్‌ను ప్యాకింగ్‌ చేస్తుండగా, ఆ పౌడర్‌ను పీల్చడంతో స్పృహ తప్పి పడిపోయారు. సమాచారం అందుకున్న యాజమాన్యం ఇరువురిని విశాఖలోని కిమ్స్‌ ఐకాన్‌ ఆస్పత్రికి తరలించి చికిత్స అందిస్తున్నారు. ప్రస్తుతం కొలుకుంటున్నారని సీఐ తెలిపారు. ప్రమాదానికి కారణమైన పరిశ్రమ యాజమాన్యంపై చర్యలు తీసుకోవాలని సీఐటీయూ జిల్లా ఉపాధ్యక్షుడు గనిశెట్టి సత్యనారాయణ డిమాండ్‌ చేశారు. ఎంవీపీకాలనీ (విశాఖ): విశాఖ వేదికగా రాష్ట్ర పురుషుల కబడ్డీ జట్టును సోమవారం ఎంపిక చేస్తున్నట్లు కబడ్డీ అసోసియేషన్‌ జిల్లా కార్యదర్శి జేఎస్‌వీ ప్రసాదరెడ్డి తెలిపారు. ఇందుకోసం రాష్ట్ర కబడ్డీ సంఘం సెలక్షన్‌ కమిటీని నియమించిందని ఓ ప్రకటనలో వెల్లడించారు. కమిటీ సభ్యులుగా కబడ్డీ నేషనల్‌ మెడలిస్ట్‌ ప్రసాదరెడ్డి, అంతర్జాతీయ కబడ్డీ క్రీడాకారులు సీహెచ్‌ పద్మరాజు, వైవీ శ్రీనివాస్‌ ఉన్నారు. ప్రస్తుతం 19 మంది క్రీడాకారులకు నగరంలో ప్రత్యేక శిక్షణ ఇస్తున్నారు. ఇందులో 12 మందిని కమిటీ తుది జట్టుకు ఎంపిక చేస్తుంది. ఈ జట్టు కటక్‌ వేదికగా జరగనున్న 71వ జాతీయ కబడ్డీ పోటీల్లో ఆంధ్రప్రదేశ్‌ తరపున ప్రాతినిధ్యం వహిస్తుంది. ఈ నెల 20 నుంచి 23వ తేదీ వరకు ఈ పోటీలు జరగనున్నాయి.

● మార్చి 24, 30న రెండు టీ–20 మ్యాచ్‌లు ● ఊపందుకున్న స్టేడియం ఆధునికీకరణ పనులు విశాఖ స్పోర్ట్స్‌: ఐపీఎల్‌ మ్యాచ్‌లకు విశాఖలోని వైఎస్‌ రాజశేఖరరెడ్డి ఏసీఏ వీడీసీఏ స్టేడియం మరోసారి వేదిక కానుంది. ఢిల్లీ క్యాపిటల్స్‌ మరోసారి హోమ్‌ పిచ్‌గా వైఎస్సార్‌ స్టేడియాన్ని ఎంచుకోవడంతో ఆధునికీకరణ పనులు వేగవంతమయ్యాయి. మొత్తంగా స్టేడియం ఎలివేషన్‌ మారిపోనుండగా, కార్పొరేట్‌ బాక్సులు, ఆటగాళ్ల గ్రీన్‌ రూంల్లోనూ ఆధునిక వసతుల కల్పన చకచకా సాగిపోతోంది. స్టేడియంలోని స్టాండ్స్‌లో కుర్చీలను కూడా ఏసీఏ మారుస్తోంది. దీంతో వైఎస్సార్‌ స్టేడియం సరికొత్త రూపుతో ఈసారి ఐపీఎల్‌ మ్యాచ్‌లకు ఆతిథ్యం ఇవ్వనుందని ఏసీఏ అపెక్స్‌ కౌన్సిల్‌ కార్యదర్శి సానా సతీష్‌ బాబు తెలిపారు. ఢిల్లీ క్యాపిటల్స్‌ జట్టు రెండో హోమ్‌ పిచ్‌గా విశాఖ స్టేడియాన్ని ఎంచుకుందని, ఈ సీజన్‌లోనూ రెండు మ్యాచ్‌లకు వేదిక కానుందన్నారు. మార్చి 24న డీసీతో ఎల్‌ఎస్‌జీ ఢీ ఐపీఎల్‌ షెడ్యూల్‌ ప్రకారం మార్చి 24న ఢిల్లీ క్యాపిటల్స్‌తో లక్నో సూపర్‌ జెయింట్స్‌ జట్టు తలపడనుంది. రాత్రి ఏడున్నర గంటలకు ఈ మ్యాచ్‌ ప్రారంభమవుతుంది. మార్చి 30న ఢిల్లీ క్యాపి టల్స్‌ జట్టు గత సీజన్‌ రన్నరప్‌ సన్‌రైజర్స్‌ హైదరాబాద్‌తో తలపడనుంది. ఈ మ్యాచ్‌ మధ్యాహ్నం 3.30 గంటలకు ప్రారంభమవుతుంది. హైదరాబాద్‌ జట్టు తరఫున స్థానిక ఆటగాడు నితీష్‌కుమార్‌ బరిలోకి దిగనుండడం విశేషం.

తగరపువలస : గంభీరం ఐఐఎంవీ రోడ్డులోని హరేకృష్ణ వైకుంఠం వద్ద శ్రీ రాధాకృష్ణుల విగ్రహ ప్రాణప్రతిష్టా మహోత్సవాలు వైభవంగా జరుగుతున్నాయి. ఆదివారం వేద పండితులు శాస్త్రోక్తంగా పూజా కార్యక్రమాలు చేపట్టారు. భక్తుల సమక్షంలో వివిధ రకాల పండ్లను రాధాకృష్ణుల విగ్రహాలపై ఉంచి ఫలాధివాసం, పట్టు వస్త్రాలతో వస్త్రాధివాసం నిర్వహించారు. అనంతరం రకరకాల పుష్పాలను, హారాలను ఉంచి సయ్యనాధివాసం చేశారు. ఈ సందర్భంగా భక్తులకు ప్రాణప్రతిష్ట, ఆరాధన గురించి పద్మ శ్రీ అవార్డు గ్రహీత మధు పండితదాస వివరించారు. కార్యక్రమంలో హరేకృష్ణ మూవ్‌మెంట్‌ ఆంధ్ర, తెలంగాణ అధ్యక్షుడు సత్యగౌర చంద్రదాస, ఇస్కాన్‌ బెంగళూర్‌ వైస్‌ ప్రెసిడెంట్‌ వాసుదేవ కేశవ ప్రభు, ఉత్తరప్రదేశ్‌లోని బృందావన్‌ చంద్రోదయ మందిరం ఉపాధ్యక్షుడు యధిష్టిర కృష్ణదాస, అహ్మదాబాద్‌ హరేకృష్ణ మూవ్‌మెంట్‌ అధ్యక్షుడు జగన్‌ మోహన కృష్ణదాస, విజయవాడ అధ్యక్షుడు వంశీధర దాస, విశాఖ అధ్యక్షుడు నిష్క్రించిన భక్తదాస తదితరులు ప్రవచించారు.

అనకాపల్లి : ఏరా మిత్రమా... ఏమి చేస్తున్నావు.. బాగున్నావా.. పిల్లలు ఎలా ఉన్నారు... అంటూ ఏఎంఎఎల్‌ కళాశాల 1981–84 డిగ్రీ పూర్వ విద్యార్థులు ఒకరి నొకరు పలకరించుకున్నారు. 40 ఏళ్ల క్రితం కళాశాలలలో నాటి తమ అనుబంధాన్ని గుర్తు చేసుకున్నారు. కుటుంబ సమేతంగా స్ధానిక రింగ్‌రోడ్డు సన్‌క్యాస్ట్‌ ఫంక్షన్‌ హాల్లో ఆదివారం సమావేశమయ్యారు. దేశంలో వివిధ ప్రాంతాల్లో స్థిరపడిన పూర్వపు డిగ్రీ విద్యార్థులంతా తిరిగి ఒక్కచోట కలుసుకోవడంతో ఆనందం వెల్లివిరిసింది. చిన్ననాటి తీపి జ్ఞాపకాలను గుర్తుచేసుకున్నారు. ఆనాటి అధ్యాపకులను గుర్తు చేసుకున్నారు. కుటుంబ సమేతంగా వివిధ రకాలైన ఆటలపోటీల్లో పాల్గొని సందడి చేశారు. కార్యక్రమంలో సరిసా శ్రీనివాసరావు, కొట్టారు రంగబాబు, వేగి వెంకటరావు, కాళ్లకూరి శ్రీనివాస్‌, విల్లూరి రెడ్డమ్మ, వెంకటరావు తదితరులు పాల్గొన్నారు.

అనకాపల్లి : చేతికి అందివస్తాడనుకున్న కుమారుడు గుణ తేజశ్వంత్‌(17) రోడ్డు ప్రమాదంలో ఆదివారం మృత్యువాత పడడంతో ఆ కుటుంబ సభ్యులు భోరున విలపించారు. పట్టణంలో వేల్పులవీధికి చెందిన గుణ తేజశ్వంత్‌(17), విజయరామరాజుపేటకు చెందిన యర్రంశెట్టి హర్షవర్ధన్‌లు పట్టణంలో ప్రైవేట్‌ కళాశాలలో ఇంటర్‌ ద్వితీయ సంవత్సరం చదువుతున్నారు. గుణ తేజశ్వంత్‌ శనివారం యలమంచిలి మండలం పద్మనాభపేట గ్రామంలో ఓ శుభకార్యానికి తన తల్లి యశోదతో కలిసి వెళ్లారు. ఆదివారం ఉదయం అల్పాహారం తీసుకుని వారి ఇంటికి వచ్చారు. మధ్యాహ్నం భోజనం కోసం జాతీయ రహదారి ఉమ్మలాడ జంక్షన్‌ వద్ద హాటల్‌కు వెళ్లి బిరియాని తీసుకుని వస్తామని చెప్పి స్నేహితులైన విజయరామరాజుపేటకు చెందిన హర్షవర్ధన్‌, ధనుష్‌లతో కలిసి రెండు ద్విచక్రవాహనాలపై హోటల్‌కు వెళ్లారు. హర్షవర్థన్‌ బైక్‌పై గుణ తేజశ్వంత్‌, హర్షవర్థన్‌లు బయలు దేరారు. మరో బైక్‌పై ధనుష్‌ వెళ్లిపోయాడు. ముగ్గురూ ఉమ్మలాడ జంక్షన్‌ వద్ద హోటల్‌ల్లో భోజనం చేసి, తల్లికి భోజనం పట్టుకుని తిరిగి ఇంటికి బయలుదేరారు. జంక్షన్‌ వద్ద జాతీయ రహదారి దాటుతున్న సమయంలో యలమంచిలి నుంచి విశాఖ వెళుతున్న బెంజ్‌ లారీ గుణ తేజశ్వంత్‌, హర్షవర్థన్‌ బైక్‌ను వెనుక నుంచి ఢీకొట్టింది. ఈ దుర్ఘటనలో తేజశ్వంత్‌ అక్కడిక్కడే మృతిచెందగా, హర్షవర్ధన్‌ తలకు తీవ్రగాయమైంది. స్థానికులు, ట్రాఫిక్‌ పోలీసులు సంఘటన స్థలానికి చేరుకుని మృతదేహాన్ని పోస్టుమార్టం నిమిత్తం ఎన్టీఆర్‌ ఆస్పత్రికి తరలించి, క్షతగాత్రుడు హర్షవర్ధన్‌కు ఎన్టీఆర్‌ ఆస్పత్రిలో చికిత్స చేయించి, మెరుగైన వైద్యం కోసం విశాఖ కేజీహెచ్‌కు తరలించారు. ఈ ఘటనపై మృతుడు తల్లి యశోద ఇచ్చిన ఫిర్యాదు మేరకు ట్రాఫిక్‌ ఎస్‌ఐ డి.శేఖరం కేసు నమోదు చేసి దర్యాప్తు చేస్తున్నారు. రోడ్డు ప్రమాదంలో ఇంటర్‌ విద్యార్థి మృతి మరో యువకుడికి తీవ్ర గాయాలు

యలమంచిలి రూరల్‌ : పట్టణంలోని శేషుకొండ కాలనీకి చెందిన రంగాల లోవరాజు కుమార్తె రాజేశ్వరి(18) అదృశ్యమైనట్టు తండ్రి లోవరాజు ఆదివారం రాత్రి పట్టణ పోలీసులకు ఫిర్యాదు చేశారు. వృత్తి రీత్యా గీత కార్మికుడైన లోవరాజు ఆదివారం ఉదయం 8 గంటల సమయంలో కల్లు అమ్ముకునేందుకు వెళ్లాడు. అర్ధగంట తర్వాత ఇంటికి వచ్చి చూసేసరికి కుమార్తె కనిపించలేదు. తర్వాత ఆమె ఆచూకీ కోసం వెతికినా ఫలితం లేకపోవడంతో ఆదివారం రాత్రి పట్టణ పోలీసులకు ఫిర్యాదు చేశారు. ఈ మేరకు కేసు నమోదు చేసినట్టు పట్టణ ఎస్‌ఐ కె. సావిత్రి విలేకరులకు తెలిపారు. ఇంటర్‌ మొదటి సంవత్సరం వరకు చదివిన రాజేశ్వరి ప్రస్తుతం ఇంటివద్దనే ఉంటోంది.

దేవరాపల్లి : దేవరాపల్లి మండలం రైవాడ పంచాయితీ శివారు శంభువానిపాలేనికి చెందిన నేవీ ఉద్యోగి ఉగ్గిన అప్పన్నదొర జాతీయ స్థాయి అథ్లెటిక్స్‌లో పోటీల్లో బంగారు పతకాన్ని సాధించారు. సామాన్య గిరిజన కుటుంబానికి చెందిన అప్పన్నదొర రాజస్థాన్‌లో ఈ నెల 6 నుంచి 8 వరకు జరిగిన జాతీయ స్థాయి అథ్లెటిక్స్‌ క్రీడా పోటీల్లో 45 సంవత్సరాల విభాగంలో 4‘‘400 రిలే పరుగు పందెంలో బంగారు పతకాన్ని సొంతం చేసుకున్నారు. అలాగే 4‘‘100 రిలే పరుగు పందెం, 200 మీటర్ల పరుగు పందెంలో వెండి పతకాలను సాధించారు. లాంగ్‌ జంప్‌, ట్రిపుల్‌ జంప్‌లో కాంస్య పతకాలను సాధించారు. అప్పన్న దొరకు ఘనంగా పౌర సన్మానం క్రీడా పోటీల్లో సత్తా చాటి జాతీయ స్థాయిలో తమ గ్రామానికి గుర్తింపు తెచ్చిన అప్పన్నదొరను శంభువానిపాలెం గ్రామస్తులు ఆదివారం పౌర సన్మానం చేశారు. అభినందనలతో ముంచెత్తారు. అప్పన్న దొర క్రీడా స్ఫూర్తిని ప్రతీ ఒక్కరూ ఆదర్శంగా తీసుకోవాలంటూ పౌర సన్మానంలో పాల్గొన్న పంచాయతీ పెద్దలు చల్లా నాయుడు, చల్లా నానాజీ, ఉగ్గిన దేముళ్లు స్థానిక యువతకు సూచించారు.

ఏయూక్యాంపస్‌ : క్యాన్సర్‌పై అవగాహన పెంచుకోండి...ఆరోగ్యంగా జీవించండి అంటూ సినీనటి, లైఫ్‌ ఎగైన్‌ ఫౌండేషన్‌ వ్యవస్థాపకురాలు గౌతమి తాడిమల్ల నగరవాసుల్లో ఉత్సాహాన్ని నింపారు. ఆదివారం బీచ్‌రోడ్డులో రోహిత్‌ మోమోరియల్‌ ట్రస్ట్‌, రౌండ్‌ టేబుల్‌ లేడీస్‌ సర్కిల్‌ సంయుక్తంగా నిర్వహించిన పింక్‌ సఖి శారీ వాక్‌లో ఆమె ప్రసంగించారు. క్యాన్సర్‌ వస్తే జీవితం అక్కడితో ఆగిపోతుందనే అపోహ నుంచి ముందుగా బయటపడాలన్నారు. సరైన చికిత్స తీసుకుంటే ఎంతకాలమైనా జీవించవచ్చు అనడానికి ప్రత్యక్ష ఉదాహరణగా తానేనని పేర్కొన్నారు. ఆరోగ్యం కాపాడుకోవడం ఎంత అవసరమో గుర్తించాలని ప్రజలకు సూచించారు. మీపై ఒక కుటుంబం ఆధారపడి ఉందనే విషయం మరువకూడదన్నారు. ప్రపంచాన్ని మార్చే శక్తి మహిళలకు ఉందన్నారు. క్యాన్సర్‌ ఎటువైపునుంచైనా, ఎవరికై నా వచ్చే అవకాశం ఉందన్నారు. క్యాన్సర్‌ లక్షణాలను తెలుసుకోవడం, సరైన చికిత్స తీసుకోవడం, నిండైన జీవితాన్ని అనుభవించడం ఎంతో అవసరమన్నారు. నగర మేయర్‌ గొలగాని హరి వెంకట కుమారి మాట్లాడుతూ ప్రతి ఏడాది వేలాది మంది క్యాన్సర్‌తో మరణిస్తున్నారన్నారు. మహిళలు అధికంగా క్యాన్సర్‌ బారిన పడుతున్నారని, ప్రజల్లో మరింత చైతన్యం, అవగాహన పెంపొందించడానికి ఇటువంటి కార్యక్రమాలు ఉపయుక్తంగా నిలుస్తాయని పేర్కొన్నారు. రాష్ట్రంలో తొలిసారిగా విశాఖ వేదికగా ఈ కార్యక్రమాన్ని నిర్వహించడం అభినందనీయమని చెప్పారు. ప్రాథమిక దశల్లో క్యాన్సర్‌ను గుర్తిస్తే చికిత్స అందించడం, ప్రాణాలను రక్షించడం సాధ్యపడుతుందన్నారు. కార్యక్రమ నిర్వాహకులను అభినందించారు. రోహిత్‌ మెమోరియల్‌ ట్రస్ట్‌ చైర్మన్‌ జి.అనంత రామ్‌ మాట్లాడుతూ మరింత విస్తృత అవగాహన ప్రజల్లో కల్పించడం ఈ కార్యక్రమం ప్రధాన ఉద్దేశమన్నారు. తాము చేపడుతున్న ప్రతీ కార్యక్రమానికి సంపూర్ణ సహాయం అందిస్తున్న అందరికీ కృతజ్ఞతలు తెలిపారు. త్వరలో పీసీవోడీపై వైజాగ్‌ వలంటీర్స్‌తో కలిసి అవగాహన కార్యక్రమాలను చేపడతామన్నారు. కార్యక్రమానికి ముందుగా యాంకర్‌, సినీనటి శిల్పా చక్రవర్తి వ్యాఖ్యానంతో సాగిన జుంబా డాన్స్‌, ఫ్యాషన్‌ షో ఆకట్టుకున్నాయి. పెద్దసంఖ్యలో మహిళలు, యువత, చిన్నారులు పింక్‌ సఖి శారీ వాక్‌లో ఉత్సాహంగా పాల్గొన్నారు. ఈ సందర్భంగా విభిన్న రంగాలలో రాణిస్తున్న మహిళలు, క్యాన్సర్‌ను జయించిన వారిని వేదికపై సత్కరించారు. కార్యక్రమంలో రోహిత్‌ మెమోరియల్‌ ట్రస్ట్‌ ఉపాధ్యక్షురాలు డాక్టర్‌ మీనాక్షి అనంతరామ్‌, డైరెక్టర్‌ ప్రాజెక్ట్‌ (ఆర్‌ఎంటి) గుర్మీత్‌ కోహ్లి, శ్రావణ్‌ షిప్పింగ్‌ సర్వీసెస్‌ లిమిటెడ్‌ ఎం.డి డాక్టర్‌ జి.సాంబశివరావు, గురుద్వార సాఽథ్‌ సంగత్‌ అధ్యక్షుడు డాక్టర్‌ డి.ఎస్‌ ఆనంద్‌,ఏజ్‌ కేర్‌ ఫౌండేషన్‌ మేనేజింగ్‌ ట్రస్టీ డాక్టర్‌ ఎన్‌.ఎస్‌ రాజు, వరుణ్‌ గ్రూప్‌ చైర్మన్‌ ప్రభు కిషోర్‌, అభిజ్ఞ, హెచ్‌సీజీ క్యాన్సర్‌ సెంటర్‌ వైద్యులు డాక్టర్‌ ఆదిత్య, మహాత్మ గాంధీ క్యాన్సర్‌ ఆస్పత్రి వైద్యులు వి.మురళీకృష్ణ, రాష్ట్ర ఆరోగ్య శాఖ డైరెక్టర్‌ డాక్టర్‌ పద్మావతి, డీఎంహెచ్‌వో డాక్టర్‌ జగదీశ్వరరావు పాల్గొన్నారు. పింక్‌ శారీ వాక్‌లో భాగంగా జుంబా డ్యాన్స్‌ చేస్తున్న మహిళలు

మా గ్రామంలో రోడ్డు నిర్మాణం కోసం సేకరించే జిరాయితీ భూములకు నోటిఫికేషన్‌ ఇచ్చారు. పరిహారం విషయంలో రైతులు వెనక్కి తగ్గకపోవడంతో మూడు పర్యాయాలు కలెక్టర్‌ కార్యాలయంలో సమావేశాలు నిర్వహించి ఎట్టకేలకు రూ.60 లక్షల చొప్పున చెల్లించేందుకు అంగీకరించడంతో ఒప్పుకున్నాం. అదే సమయంలో ఆర్‌ కార్డులు ఇవ్వాలని కోరితే పట్టించుకోలేదు. అలాగే చెట్లకు, బోర్లకు, బావులకు పరిహారం చెల్లించలేదు. ఇక్కడ ఏర్పాటు చేసే కంపెనీల్లో నిర్వాసితులకు ఉద్యోగాలు ఇవ్వాలని డిమాండ్‌ చేశాం. దాని గురించి మాట్లాడటం లేదు. భూములు ఇచ్చిన రైతులకు చిన్న చిన్న కాంట్రాక్టు పనులు ఇస్తామని చెప్పారు. ఇప్పుడు వాటి గురించి మాట్లాడటం లేదు. రాతపూర్వక హామీలు ఇవ్వడంలేదు. కేవలం పరిహారంతోనే సరిపెట్టేశారు. అలాగే రోడ్డు కోసం న్యాయంపూడి, కాగిత, గ్రామాల్లో సేకరించే 20 ఎకరాల డీఫారం ప్రభుత్వ భూములకు ఎటువంటి నోటిఫికేషన్‌ విడుదల చేయలేదు. ఎక్కువ మంది దళితులు ఉన్నారు. నేరుగా రైతులతో మంతనాలు సాగిస్తున్నారు. పరిహారం విషయంలో దళితులకు అన్యాయం చేసే ప్రయత్నాలు జరుగుతున్నాయి. జిరాయితీతో సమానంగా వారికి కూడా పరిహారం ఇవ్వాల్సిందే. –డి.శివ, రైతు, కాగిత

విశాఖ విద్య: ఉత్తరాంధ్ర ఉపాధ్యాయ ఎమ్మెల్సీ ఎన్నికల్లో పోటీ చేస్తున్న గాదె శ్రీనివాసులు నా యుడుకు తమ మద్దతు ప్రకటిస్తున్నట్లు వ్యాయా మ ఉపాధ్యాయుల అసోసియేషన్‌ నాయకులు వెల్లడించారు. ఉత్తరాంధ్ర జిల్లాల్లోని విశాఖ, అన కాపల్లి, అల్లూరి సీతారామరాజు, విజయనగరం, పార్వతీపురం మన్యం, శ్రీకాకుళం జిల్లాల వ్యా యామ ఉపాధ్యాయ జిల్లా కమిటీల సమావేశం శనివారం రాత్రి పెందుర్తి సుజాతానగర్‌లోని ఓ కల్యాణ మండపంలో జరిగింది. రాష్ట్ర అసోసియేషన్‌ సలహాదారు సుందరరావు మాట్లాడుతూ వ్యాయామ ఉపాధ్యాయుల సమస్యలపై అవగాహన ఉన్న గాదె శ్రీనివాసులు నాయుడుకు ఉ త్తరాంధ్రలోని వ్యాయామ ఉపాధ్యాయ జిల్లా కమిటీలన్నీ ఏకగీవ్రంగా సంఘీభావం ప్రకటిస్తున్నామన్నారు. విశాఖ జిల్లా కమిటీ అధ్యక్ష, కార్యదర్శులు ఎ.అప్పలరాజు, ఎన్‌.లలిత్‌ కుమార్‌ ఆ ధ్వర్యంలో జరిగిన ఈ సమావేశానికి ఆరు జిల్లాల నుంచి వ్యాయామ ఉపాధ్యాయులు హాజరయ్యా రు. ఎమ్మెల్సీ అభ్యర్థి గాదె శ్రీనివాసులునాయుడు మాట్లాడుతూ ఉపాధ్యాయుల సమస్యలపై తనకు అవగాహన ఉందని, తనను గెలిపిస్తే వాటి పరిష్కారం కోసం శాసనమండలి వేదికగా ప్రభుత్వం దృష్టికి తీసుకెళ్తానన్నారు. ఎస్‌టీయూ జిల్లా కార్యదర్శి ఇమంది పైడిరాజు మాట్లాడారు.