ప్రముఖ నటుడు అర్జున్ మాథుర్‌ వివాహబంధంలోకి అడుగుపెట్టారు. తన చిన్ననాటి స్నేహితురాలి తియా తేజ్‌పాల్‌ ప్రేమ పెళ్లి చేసుకున్నారు. పెళ్లికి సంబంధించిన ఫోటోలను సోషల్ మీడియా ద్వారా పంచుకున్నారు. ఈనెల 9న వీరి వివాహ వేడుక జరిగినట్లు వెల్లడించారు. ఈ విషయం తెలుసుకున్న సినీతారలు, ఫ్యాన్స్ అభినందనలు చెబుతున్నారు.కాగా.. అర్జున్ మాథుర్ చివరిసారిగా మేడ్ ఇన్ హెవెన్‌-2 వెబ్ సిరీస్‌లో కనిపించారు. ఇందులో కరణ్ మెహ్రా పాత్రను పోషించాడు ఈ సిరీస్‌లో నటనకు గానూ ఇండియన్ ఫిల్మ్ ఫెస్టివల్‌ ఆఫ్‌ మెల్‌బోర్న్‌లో బెస్ట్ ఫర్మామెన్స్ అవార్డ్ అందుకున్నారు. అంతే కాకుండా అర్జున్‌ మాథుర్‌.. లక్ బై ఛాన్స్, మై నేమ్ ఈజ్ ఖాన్, ది యాక్సిడెంటల్ ప్రైమ్ మినిస్టర్ చిత్రాలతో గుర్తింపు తెచ్చుకున్నారు. View this post on Instagram A post shared by A r j u n (@arjun__mathur)

తెర మీద తాము చేసే పాత్రలు నటీనటులకు రియల్‌ లైఫ్‌లోనూ ఇబ్బందులను తెచ్చిపెడుతుంటాయి. సినిమాలో విలన్‌ పాత్రల్లో కనిపించేవారిని బయట కూడా ప్రేక్షకులు ద్వేషించటం అనేది కామన్‌. అయితే తాజాగా ఓ బాలీవుడ్ హీరోకు విచిత్రమైన సమస్య ఎదురైంది. మాజీ ప్రధాని మన్మోహన్‌ సింగ్‌ బయోపిక్‌గా తెరకెక్కిన ది యాక్సిడెంటల్‌ ప్రైమ్‌ మినిస్టర్ సినిమాతో రాహుల్ పాత్రలో నటించిన నటుడు అర్జున్‌ మాథుర్‌. ఈ సినిమాతో పాటు ఓ వెబ్‌ సిరీస్‌లోనూ నటించిన అర్జున్‌కు ఇప్పుడు ఆ వెబ్‌ సిరీస్‌ కారణంగానే ఇబ్బందులు ఎదురవుతున్నాయట. ‘మేడ్‌ ఇన్‌ హెవెన్‌’ పేరుతో తెరకెక్కిన ఈ వెబ్‌సిరీస్‌లో అర్జున్‌ గే పాత్రలో నటించాడు. దీంతో ఇప్పుడు అర్జున్‌కు అబ్బాయిల నుంచి పెళ్లి ప్రపోజల్స్‌ వస్తున్నాయట. అంతేకాదు కొంత మంది అబ్బాయిలు అభ్యంతరకర సందేశాలు కూడా పంపుతున్నారంటూ ఆవేదన వ్యక్తం చేశాడు అర్జున్ మథుర్‌.