బెంగళూరు : ప్రభుత్వాన్ని ఇరకున పెట్టడమే లక్ష్యంగా ప్రధాన విపక్షమైన బీజేపీ తన చర్యలను ముమ్మరం చేసింది. అసెంబ్లీ సమావేశాల్లో వ్యవహరించాల్సిన తీరు తెన్నులపై చర్చించేందుకు గాను బెంగళూరులోని బీజేపీ ప్రధాన కార్యాలయంలో సోమవారం రాత్రి ఆ పార్టీ శాసనసభ పక్ష సమావేశాన్ని నిర్వహించారు.
 
 ప్రభుత్వ వైఫల్యాలు, ముఖ్యంగా ఆర్కావతి డీనోటిఫికేషన్, కేపీఎస్‌సీ అధ్యక్ష సిఫారసులు, చెరుకు రైతుల సమస్యలపై ప్రభుత్వాన్ని నిలదీయాలని ఈ సమావేశంలో నేతలు నిర్ణయించారు. సమావేశంలో ఆ పార్టీ రాష్ర్ట శాఖ అధ్యక్షుడు ప్రహ్లాద్‌జోషి, శాసనసభ పక్ష నేత జగదీష్ శెట్టర్ , కేఎస్, ఈశ్వరప్ప తదితరులు పాల్గొన్నారు.